SHINGRAN 11:19 - Jinghpaw Common Language Bible 2009

¹⁹ Dai shaloi sumsing lamu hta e Karai Kasang a nawku htingnu hpaw malang wa nna, nawku htingnu kata na, shi a ga shaka hte seng ai sumpu hpe ngai mu nngai. Dai hpang myihprap gala ai, nsen kadu ai, mu ngoi ai, nnang nawn hte sin marang kaba byin wa ai.

Jinghpaw Hanson Version Bible

¹⁹ Shaloi sumsing lamu hta e Karai Kasang a nawku Htingnu hpaw malang nna, shi a Htingnu kata e, shi a ga shaka hte seng ai sumpu dan pru nga ai; shaloi jang, myihprap kala ai, nsen kadu ai, mu ngoi ai, nnang nawn hte sin marang kaba byin wa ai.

SHINGRAN 11:19 ပူးပေါင်းရင်းမြစ်များ

SHAKAWN KUNGDAWN 105:32

Shi gaw shanhte a mungdan hta marang a malai sin hte myi hprap wan dat dat wu ai.

SHAKAWN KUNGDAWN 18:12

Shi a man e nga ai myi hprap kaw na sin tawng hte wan shinglet ni gaw sin htat nga ai sumwi ni hpe ga dinghkren kau nga ai.

ESAIA 28:2

Dai Madu gaw shanhte hpe gasat na matu n-gun rawng nna daru magam rawng ai masha langai lu nga ai, dai wa gaw sin nbung laru, marang hka hpungtun hte hka hpungla kaba agre mat wa ai zawn mungdan hpe ka-up kau na ra ai.

ESAIA 29:6

Chyahtum Chyalai N-gun rawng ai dai Madu gaw mu ngoi kadu ai laru kaba hte nnang nawn ai hte rau nanhte hpe hkye mawai la na ra ai. Shi gaw nbung laru hte wan mawru ni hpe dat dat na ra ai;

ESAIA 30:30

Dai Madu gaw shi a daru magam nsen hpe masha shagu hpe na la shangun nna, shi a masin kahtet ai n-gun hpe hkam sha shangun na ra ai. Dai shara hta wan hkru ai, marang kaba htu ai, sin marang hkrat ai, hte marang hka hpungtun ni hte hpring na ra ai.

ESAIA 32:19

(Rai ti mung sin marang gaw maling htinggram ni a ntsa e hkrat na ra ai, mare mung shamyit kau hkrum na ra ai.)

EZEKELA 13:11

Shanhte a bunghku gaw daw agrawp mat na ra ai nga nna myihtoi ni hpe tsun mu. Ngai gaw marang htu jahkrat dat na nngai. Sin kaba ni mung de a ntsa e hkrat bun na ra ai, shing rai n-gun ja ai laru gaw dai hpe agrawp kau na mara ai.

EZEKELA 13:13

Ya chyawm gaw Tsaw Htum ai dai Madu ning nga nna tsun ai: “Nye a sindawng kahtet ai hta ndai bunghku hpe jahten sharun kau na matu ja la ai nbung laru, marang hte sin kaba ni hpe shangun dat na nngai.

EZEKELA 38:22

Ngai mung shi hpe ana zinli hte mung, sat kau ai hte mung ari jaw na nngai. Shi a ntsa e mung, shi a hpyen luksuk hte shi a maga de tsap nang ai masha amyu baw law law ni a ntsa e mung, sin hte marang kaba, wan hte kan hpe rau sha ru jaw jahtu na nngai.

BU HKAWM 10:33

Amyu masha ni dai chyoi pra ai Sina Bum kaw nna pru wa nhtawm masum ya lam hkawm ma ai. Dai Madu a Ga Shaka Sumpu mung shanhte but na shara tam let, shanhte a shawng e galoi mung sa wa nga ai.

BU HKAWM 4:15

But de nga ai dabang hpe run hpya kau na aten du ai shaloi, Kohat a lakung lama ni mahtang Arun hte shi a shadang sha ni magap da ngut sai dai chyoi pra ai arai ni hte de a arai ni yawng hpe shang hpai la na rai ma ai. Kohat a lakung lama ni dai chyoi pra ai arai ni hpe hkra lu na ma ai n rai; dai hku n rai yang, shanhte si na rai ma ai. Dai hte gaw Sum htawt shagu Kohat a lakung lama ni gun hpai ang ai amu ni rai nga ai.

BU HKAWM 4:5

Dai Madu gaw Mawshe hpe ga matsun ni jaw wu ai. Sum hpe run hpya na aten du ai shaloi, Arun hte shi a shadang sha ni Sum kata de shang nhtawm Ga Shaka Sumpu a man na nba grang hpe shayu la nna dai hte Sumpu magap na rai ma ai.

YAWSHU 10:11

Israela hpyen luksuk ni a lata kaw na uhkan hku Amori masha ni ru htaw yu wa nga ma yang, dai Madu gaw lamu de na sin tawng kaba jahkrat bun ai rai nna Azeka mare lam dingyang shanhte adup hkrum ma ai. Israela amyu masha ni sat kau ai hta sin tawng hte adup sat hkrum ai mahtang grau law nga ai.

SHINGRAN 11:13

Dai ahkying hta e nnang nawn kaba nawn wa nna, dai mare htam shi hta na htam mi hten mat nna, masha hkying sanit si lawm mat ai. Naw ngam nga ai masha ni chyawm gaw hkrit kajawng ai hte sumsing lamu na Karai Kasang a galu kaba ai arawng sadang hpe shakawn shagrau nga ma ai.

SHINGRAN 11:15

Dai hpang sanit ngu na lamu kasa gaw shi a pahtau dum dat wu ai. Shaloi sumsing lamu hta e nsen kaba ngoi pru wa ai gaw, “Mungkan ga na mungdan hpe up na ahkang aya gaw, anhte a Madu Meshia a lata de rai nga sai rai nna, shi gaw htani htana prat dingsa e a up nga na sai law!,” nga nna tsun nga ai.

SHINGRAN 12:1

Dai hpang lamu kata hta e mauhpa lamik kumla kaba langai mi dan pru wa ai. Numsha langai mi gaw jan lawai nna shata kabye ai hte, shagan shi lahkawng kap ai janmau gup tawn da nga ai.

SHINGRAN 16:1

Bai, dai lamu kasa sanit hpe, “Pru sa nna, Karai Kasang a pawt sindawng kahtet ai rawng ai gawm sanit hpe ga ntsa de ru bun dat mu!,” nga nna dai nawku htingnu kaw na ngoi pru ai nsen kaba ngai na nngai.

SHINGRAN 16:18

Dai aten hta, myihprap gala ai, nsen kadu ai, mu ngoi ai, hkrithpa nnang nawn byin pru wa ai. Ga ntsa e masha nnan lat kaw nna dai zawn kaba ai hte ja la ai nnang nawn gaw, galoi mung n byin yu ai.

SHINGRAN 16:21

Shaloi lamu de nna joi mali tsa daram li ai sin kaba gaw masha ni a ntsa e htu bun mu ai. Masha ni gaw, dai sin kaba htu bun ai ari zinli a majaw Karai Kasang hpe matsa shatan ma ai. Hpa majaw nga yang, dai ari gaw hkrithpa ari rai nga ai.

SHINGRAN 19:11

Dai hpang, sumsing lamu hpaw malang nga ai hpe ngai mu nngai. Dai yang e gumra hpraw langai mi nga nga ai rai nna, dai hta jawn ai wa gaw, kangka hte teng man ngu ai wa rai nga ai. Shi gaw ding hpring ai hku tara dara ai hte majan gasat nga ai.

SHINGRAN 4:1

Dai hpang, kaga shingran langai mi hta sumsing lamu e hpaw malang nga ai chyinghka langai mi ngai mu nngai. Ngai na hkrup ai ngai hpe tsun nga ai shawng na nsen gaw, pahtau zawn ngoi nga ai hte, “Nang de lung wa rit, htawm hpang e byin na ra ai lam hte hpe ngai nang hpe madun dan de ga,” nga nna tsun ai.

SHINGRAN 4:5

Dai tingnyang kaw nna myihprap gala ai, ngoi agung ai nsen, mu ngoi ai zawn nga ai nsen ni ngoi pru wa ai. Dai tingnyang a man e mung, Karai Kasang a Wenyi sanit ngu ai shachyi tawn da ai wan shadaw sanit htoi tu nga ai.

SHINGRAN 7:15

Dai re ai majaw, shanhte gaw Karai Kasang a tingnyang man e ningngai nga lu na ma ai hte, shi a nawku htingnu hta shani shana shi hpe nawku daw jau nga ma ai. Tingnyang hta dung nga ai wa mung, shanhte hte rau nga nga nna shanhte hpe makawp maga na ra ai.

SHINGRAN 8:5

Dai hpang lamu kasa gaw, dai n-gawt hpe la nna, tawn hkungri kaw na wan bang jahpring la ngut jang, mungkan ga ntsa de dai hpe kabai jahkrat dat wu ai: shaloi mu ngoi ai, wu kadu ai nsen, myi hprap gala ai hte nnang nawn byin pru wa ai.

SHINGRAN 8:7

Ya, shawng na lamu kasa gaw shi a pahtau dum dat wu ai: Shaloi asai hte gayau ai sin hte wan ga ntsa de htu ru hkrat wa ai; dinghta ga htam masum hta na htam mi hkru mat wa ai; nam maling hpun ni mung, tsit lali ai tsingdu yawng hte mung, htam masum hta na htam mi hkru mat wa ai.