SHINGRAN 11:13 - Jinghpaw Common Language Bible 2009

¹³ Dai ahkying hta e nnang nawn kaba nawn wa nna, dai mare htam shi hta na htam mi hten mat nna, masha hkying sanit si lawm mat ai. Naw ngam nga ai masha ni chyawm gaw hkrit kajawng ai hte sumsing lamu na Karai Kasang a galu kaba ai arawng sadang hpe shakawn shagrau nga ma ai.

Jinghpaw Hanson Version Bible

¹³ Dai ahkying hta e nnang nawn kaba anawn wa nna, dai mare daw shi hta daw mi ru hkrat mat wa ai; dai nnang nawn hta si lawm mat ai masha ni a amying hkying sanit rai nga ai: naw ngam nga ai ni chyawm gaw hkrit kamyin nga ma ai rai nna, sumsing lamu a Karai Kasang hpe shagrau shakawn nga ma ai.

SHINGRAN 11:13 ပူးပေါင်းရင်းမြစ်များ

NINGPAWT NINGHPANG 6:4

Dai prat e mung, dai prat a hpang e mung, dai shinggyim numsha ni hte Karai Kasang a shadang sha ni a aru arat ni gaw ginding aga ntsa e grai galu kaba ai ni rai ma ai. Shanhte gaw moi prat kaw nna magrau grang ai share ninghkrin ni hte kajai gumhkawng ai masha ni rai ma ai.

ESAIA 29:6

Chyahtum Chyalai N-gun rawng ai dai Madu gaw mu ngoi kadu ai laru kaba hte nnang nawn ai hte rau nanhte hpe hkye mawai la na ra ai. Shi gaw nbung laru hte wan mawru ni hpe dat dat na ra ai;

YEREMIA 13:16

Shi gaw nsin hpe garai n sin shangun ai hte bum ni a ntsa e nang garai n ahtu kataw nna, shi gaw htat ai nsin de garai n kayin kau ai hte nhtoi hpe nang naw myit mada nga yang, dai Madu na a Karai Kasang hpe shagrau sha-a nga u.

MALAHKI 2:2

Nanhte galaw ai amu hte ngai hpe shagrau sha-a lu na rai myit dai. Nanhte gaw ngai tsun ai ga hpe n madat myit dai rai yang, nanhte hpe dagam dala hkrum shangun na nngai. Nanhte a matu ngu nna hkam la lu ai karum arai ni hta dagam dala tawn da na nngai. Nanhte gaw nye a hkang da ai ga hpe ahkyak n la ya myit dai majaw shanhte hpe teng teng dagam tawn da ya mase ai.

YAWHAN 9:24

Dai re ai majaw, dai hkritung nna myi n mu ai wa hpe lahkawng lang ngu na bai shaga la nhtawm, “Karai Kasang a man e teng man ai ga tsun na nngai ngu nna ga sadi jaw u, dai wa gaw yubak mara lu ai wa rai nga ai hpe anhte chye ga ai,” ngu nna shi hpe tsun mu ai.

KASA 1:15

Nhtoi gade n na ai hpang kam sham ai masha ni latsa hkun daram hpawng nga ma yang, Petru gaw ga tsun na matu rawt tsap wu ai.

YAWSHU 7:19

Yawshu gaw shi hpe, “Ngai sha e, dai Madu Israela a Karai Kasang a man, ndai yang e, teng man ai ga tsun nna mara yin la u. Nang kaning rai galaw kau nit dai lam, ya ngai hpe tsun dan e, ngai hpe dai lam ip da na hkum shakut et,” ngu nna tsun wu ai.

SHINGRAN 11:11

Ya dai nhtoi masum ya e chyingdaw mi lai jang, Karai Kasang kaw nna jahkrung ya ai nsoi nsa shan hta shang wa nna, shan gaw jan rai, rawt tsap ma ai; shan hpe mu mada ai ni gaw, nachying hkrit gari nga ma ai.

SHINGRAN 11:19

Dai shaloi sumsing lamu hta e Karai Kasang a nawku htingnu hpaw malang wa nna, nawku htingnu kata na, shi a ga shaka hte seng ai sumpu hpe ngai mu nngai. Dai hpang myihprap gala ai, nsen kadu ai, mu ngoi ai, nnang nawn hte sin marang kaba byin wa ai.

SHINGRAN 14:7

Dai lamu kasa gaw, “Shinggyim masha amyu baw shagu hpe tara dara na aten du ra ai. Dai majaw, Karai Kasang hpe hkrit hkungga mu! Shi a htani htana galu kaba ai hpung shingkang hpe shagrau sha-a mu! Sumsing lamu hte ginding aga, panglai hte hka hpawk ni hpe hpan tawn da ai wa hpe nawku nga mu!,” nga nna nsen kaba hte tsun nga ai.

SHINGRAN 15:4

Madu e, nang hpe n hkrit hkungga ai kadai wa nga lu na rai ta? Nang galu kaba nga ai hpe n yin la ai kadai nga lu na rai ta? Nang chyu sha chyoi pra nga ndai; nang galaw ai amu ni ding hpring nga ai lam yawng mu lu ma ai majaw, masha amyu baw shagu ni, na a man e, sa nawku na mara ai law!,” nga nna tsun ma ai.

SHINGRAN 19:7

Dai Sagu Kasha a hkungran poi aten du ra ai rai nna, anhte kabu gara nga ai hte awng sharawng nga ga, shi a hpung shingkang hpe shakawn shagrau nga ga, Shi a num ningnan jan gaw, shi hkum hpe mawn sumli ngut sai rai nna,

SHINGRAN 3:4

Rai ti mung Sardi hpung hta tinang a hpun palawng ni hpe awu asin n shakap ai ni nkau mi lawm nga lit dai. Shanhte gaw ging dan ai ni rai nga ma ai majaw, hpraw ai bu hpun let, ngai hte rau hkawm sa lu na mara ai.

SHINGRAN 6:12

Bai, Sagu Kasha gaw kru ngu na dazik hpe hpaw dat ai hpe ngai mu nngai. Shaloi nnang nawn grai ja hkra nawn wa nna, jan gaw ahtat awat re ai buri sumpan chyang zawn chyang mat nna, shata hkum ting mung, asai zawn hkyeng mat ai.

SHINGRAN 8:5

Dai hpang lamu kasa gaw, dai n-gawt hpe la nna, tawn hkungri kaw na wan bang jahpring la ngut jang, mungkan ga ntsa de dai hpe kabai jahkrat dat wu ai: shaloi mu ngoi ai, wu kadu ai nsen, myi hprap gala ai hte nnang nawn byin pru wa ai.

1 SAMUELA 6:5

Ndai mu shakrwi hte nanhte a mungdan hpe jahten shaza ai yu a kasi sumla ni hpe nanhte galaw lu na rai myit dai; Israela a Karai Kasang hpe nanhte shagrau sha-a lu na rai myit dai. Shaloi nanhte hpe mung nanhte a hpara ni hte nanhte a lamu ga hta na mung, shi ari jaw nga ai hpe mahkoi mi jahkring kau na ra ai nhten!