SHINGRAN 11:12 - Jinghpaw Common Language Bible 2009

¹² Dai hpang myihtoi yan gaw, “Nang de lung wa marit,” nga nna lamu de na shaga ai nsen kaba langai mi na mu ai; shan a hpyen ni sin yu nga yang, sumsing lamu de sumwi jawn nna lung mat wa ma ai.

Jinghpaw Hanson Version Bible

¹² Bai shan gaw, “Nang de lung wa marit,” nga nna lamu de na shan hpe shaga ai nsen kaba na mu ai; dai re ai majaw shan gaw sumsing lamu de sumwi hte lung wa ma ai rai nna, shan a hpyen ni shan hpe hkan mu dat ma ai.

SHINGRAN 11:12 ပူးပေါင်းရင်းမြစ်များ

2 HKAWHKAM 2:1

Dai Madu gaw Elia hpe bungsha hte sumsing lamu de shalun la hkrum na aten du ai shaloi, Elia hte Elisha yan Gilgala mare kaw nna pru sa wa ma ai;

2 HKAWHKAM 2:11

Shan lahkawng tsun chyai let naw hkawm nga ma yang, wan gumra ni garawt ai wan leng gaw shan a lapran e akajawng sha pru wa nhtawm Elia gaw bungsha hte sumsing lamu de lung mat wa wu ai.

2 HKAWHKAM 2:5

Dai yang e nga ai myihtoi hpung mi gaw Elisha kaw sa nna shi hpe, “Dai Madu gaw na a madu hpe nang kaw na dai ni jang woi la na hpe, nang chye da wu ni?,” ngu nna san mu ai. Elisha mung, “Rai sa, ngai chye nngai; rai ti mung de a lam anhte n tsun jahta ga,” ngu nna htan wu ai.

2 HKAWHKAM 2:7

myihtoi manga shi mung Yawdan hka du hkra shan kaw hkan nang nga ma ai. Elia hte Elisha yan hka kau e hkring nga jang, myihtoi manga shi hte mung tsan tsan e tsap nga ma ai.

SHAKAWN KUNGDAWN 112:10

Tara n lang ai ni dai lam hpe mu nna, masin pawt nga ma ai; shanhte gaw wa utik ai hte myit daw hten mat nna; shanhte a myit mada ai lam ni mung htani htana hten mat na mara ai.

SHAKAWN KUNGDAWN 15:1

Madu e, na a Nawku Htingnu de kadai wa shang mai nga a ta? Na a chyoi pra ai Ziun bum ntsa hta kadai wa nawku daw jau mai nga a ta?

SHAKAWN KUNGDAWN 24:3

Madu a bum de lung lu na ahkang kadai wa lu nga a ta? Shi a chyoi pra ai Nawku Htingnu de kadai wa shang lu nga a ta?

SHAKAWN KUNGDAWN 86:17

Madu e, na a mai kaja ai sakse, ngai hpe madun dan e; nang ngai hpe jaw ya ai shangwi shapyaw lam hte karum la ai lam hpe mu ai shaloi, ngai hpe n ju n dawng nga ai ni kaya kahpa hkrum mat na mara ai.

PRU MAT 14:25

Shi gaw shanhte a leng dingsen ni hpe malawk kau ya mu ai rai nna, shanhte grai sa yak nga ma ai. Egutu masha ni gaw, “Dai Madu gaw Israela maga de tsap nna anhte hpe gasat mi ai. Anhte ndai yang kaw nna hprawng mat wa saga!,” ngu nna tsun ma ai.

ESAIA 14:13

Nang gaw sumsing lamu de lung nna tsaw htum ai shagan ni a ntsa e na a tingnyang tawn da na matu, myit daw dan da nit dai. Nang gaw karai ni zup hpawng ai dingdung maga na dai bum ntsa hta e hkawhkam langai zawn dung lu na hpe myit yu nit dai.

ESAIA 40:31

Rai ti mung karum la na matu dai Madu hpe kam hpa ai ni gaw shanhte a n-gun atsam ningnan mu tam la na mara ai. Shanhte gaw galang ni zawn singkaw nnan ni hte pyen lung na mara ai; shanhte gaw gat ti mung hki ba na n rai; shanhte gaw hkawm ti mung n-gun kya na ma ai n rai.

ESAIA 60:8

Sumwi ni zawn mawng nna, tsip de nhtang wa nga ai hkrudu ni zawn Ndai sanghpaw li ni kaning re ai ni rai nga a ta?

MALAHKI 3:18

Nye a amyu masha ni gaw ding hpring ai wa hte tara n lang ai wa a lapran ngai hpe daw jau ai wa hte n daw jau ai wa a lapran e shai ai hpe lang mi bai chye ginhka mu lu na mara ai,” ngu nna tsun wu ai.

LUKA 16:23

Shing rai katsan ga e nni nkri hkrum let sharawt mada dat yu yang, tsan tsan e Abraham hpe mung, shi a makau e dung nga ai Lazaru hpe mung, mu wu ai.

KASA 1:9

Ning nga ai ga tsun ngut ai hpang, shanhte shi hpe yu nga yang, shi hpe ntsa de shalun la ai rai nna, sumwi gaw shanhte a man na shi hpe magap la mat wa ai.

1 HTESALONI 4:17

Dai hpang dai Madu hpe ka-ang ganghkau e hkrum na matu, dai aten hta anhte naw hkrung nga ai ni hpe si mat wa sai ni hte rau, sumwi ntsa de shalun la ai hkrum na raga ai. Shingrai anhte gaw galoi mung Madu hte rau anga nga na ga ai.

SHINGRAN 12:5

Shaloi dai numsha gaw, masha amyu baw yawng hpe hpri sumdoi hte up na ra ai shadang sha shangai wu ai. Rai ti mung, shi a kasha hpe Karai Kasang a man de mung, shi a tingnyang man de mung, gare shalun la wu ai.

SHINGRAN 3:21

Ngai awng padang lu nna nye Wa a tingnyang makau e shi hte rau dung nga lu ai zawn, awng padang lu ai wa gaw nye a tingnyang makau e ngai hte rau dung nga lu na ahkang ngai jaw na we ai.

SHINGRAN 4:1

Dai hpang, kaga shingran langai mi hta sumsing lamu e hpaw malang nga ai chyinghka langai mi ngai mu nngai. Ngai na hkrup ai ngai hpe tsun nga ai shawng na nsen gaw, pahtau zawn ngoi nga ai hte, “Nang de lung wa rit, htawm hpang e byin na ra ai lam hte hpe ngai nang hpe madun dan de ga,” nga nna tsun ai.