SHINGRAN 11:10 - Jinghpaw Common Language Bible 2009

¹⁰ Ga ntsa e nga ai masha ni gaw, dai myihtoi lahkawng si ai majaw, kabu gara rai nna shada da kumhpaw kumhpa ni galai jaw chyai rai, poi galaw na mara ai; hpa majaw nga yang, dai myihtoi yan gaw ga ntsa e nga ai masha amyu ni hpe nni nkri grai jahkrum yu masai rai nga ai.

Jinghpaw Hanson Version Bible

¹⁰ Ga ntsa e nga ai ni gaw shan a majaw kabu gara rai nna pyaw pyaw nga ma ai; shanhte shada da mung kumhpaw kumhpa galai jaw chyai na mara ai: kaning rai nme law, dai myihtoi yan gaw ga ntsa e nga ai ni hpe grai sharu shatsang masai, nga ai.

SHINGRAN 11:10 ပူးပေါင်းရင်းမြစ်များ

1 HKAWHKAM 18:17

Ahab shi hpe mu jang, Ahab gaw, “Israela mung hta ru yak tsin-yam tsindam sawng hkra jaw ai wa gaw nang she rai nga n hka i!,” ngu nna tsun wu ai.

1 HKAWHKAM 21:20

Ahab gaw Elia hpe mu jang shi hpe, “Nye a gumlau hpyen wa e, nang ngai hpe hkan dep nang nga n ni?,” ngu nna tsun wu ai. Elia gaw, “Rai sa, ngai dep nang nga nngai; nang gaw dai Madu a man e n kaja ai amu hpe nang hkum nan myit jung ai hte htum hkra galaw kau nit dai.

1 HKAWHKAM 22:18

Ahab gaw Yehoshahpat hpe, “Nye a matu kaja ai lam hpa mung shi galoi mung n htoi ya yu ai ngu nna, ngai nang hpe tsun ni ai n rai ni? Galoi mung n kaja ai hkrai rai nga ai!,” ngu nna tsun dan wu ai.

1 HKAWHKAM 22:8

Ahab chyawm gaw, “Imla a kasha Mihkaia langai mi naw nga nga ai. Rai ti mung shi chyawm gaw nye a matu mai kaja ai lam galoi mung myihtoi n htoi ya ai majaw ngai n dawng nngai. Lama mi hta ra ra sha arai nga ai,” ngu nna htan wu ai. Yehoshahpat mung, “Dai lam nang n tsun sanu ga law!,” ngu nna tsun htang wu ai.

SHAKAWN KUNGDAWN 13:4

“Anhte gaw shi hpe dang kau sagaw ai,” nga nna nye a gumlau hpyen ni hpe hkum lu shangun et; Nye a hkrat sum ai lam shanhte hpe hkum yu kabu shangun et.

SHAKAWN KUNGDAWN 35:19

Masu magaw ai nye a gumlau hpyen ni gaw ngai hpe dang kau lu ma ai majaw gumrawng ai lam hkum byin shangun et! Lachyum n pru ai sha, ngai hpe n ju n dawng ai ni, ngai yawn hkyen hkrum ai hpe mu nna, hkrum sha sahka, nga nna hkum kabu shangun et!

SHAKAWN KUNGDAWN 89:42

Shi a gumlau hpyen ni hpe nang shadang shangun nna; shanhte yawng hte hpe nang kabu gara shangun nga nit dai.

GA SHAGAWP 24:17

Na a gumlau hpyen wa tsin-yam tsindam hkrum yang hkum yu kabu nga et; shi ahtu kataw yang hkum yu pyaw nga et.

YEREMIA 38:4

Dai hpang, du salang ni gaw hkawhkam wa hpang de sa nna, “Ndai masha wa gaw si ging nga ai. Shi gaw dai zawn nga ai ga tsun shaga ai majaw mare kata na hpyenla ni hpe shanhte a n-gun marai shadaw kau ya nu ai; shi gaw ndai mare hta naw ngam nga ai masha shagu hte hpe karum na matu, shakut ai wa n rai, shanhte hpe nchyi nmu machyi shangun na ra sharawng ai wa sha rai nga ai,” ngu nna tsun dan ma ai.

YEREMIA 50:11

Dai Madu gaw, “Babelon mung masha ni e, nang gaw nye a amyu hpe hpya sha kau nit dai; nanhte gaw mam kabye nga ai dumsu shing n rai shabam ai gumra zawn kabu gara ai hte kayin hkawm nga myit dai,

OBEDIA 1:12

Yuda mung na na a jinghku ni a n kaja ai gam maka hpe nang yu sharawng mai nga ndai n rai. Shanhte hten run hkrum ai shani e, nang yu kabu mai nga ndai n rai. Shanhte myit ru myit yak hkrum nga ma ai shaloi, nang shanhte hpe mani asawng mai nga ndai n rai.

MIHKA 7:8

Anhte a gumlau hpyen ni gaw anhte a ntsa e lachyum kata, yu kabu nga ma ai. Anhte kataw mat ai rai ti mung bai rawt wa lu na ga ai. Ya, anhte nsin kata hta rawng nga ga ti mung, dai Madu gaw anhte hpe nhtoi jaw ya na ra ai.

MAHTE 10:22

Nye a majaw masha shagu gaw nanhte hpe n dawng n wawm na mara ai. Rai ti mung, htum hkra shakut sharang ai wa gaw, hkye hkrang la ai hkrum na ra ai.

YAWHAN 16:20

Ngai nanhte hpe kaja wa teng teng tsun made ga, nanhte gaw hkrap ngu hkrap ngoi ai hte sharung shayawt ai hkrum na marin dai. Mungkan masha ni chyawm gaw kabu gara lu na mara ai; nanhte gaw yawn hkyen ai hkrum na marin dai; rai ti mung nanhte a yawn hkyen ai gaw kabu gara ai bai tai na ra ai.

YAWHAN 7:7

Mungkan ga gaw nanhte hpe n dawng n wawm rai lu ai n rai; rai ti mung ngai hpe gaw n dawng n wawm ma ai, hpa majaw nga yang, shanhte a n shawp ai lam ni hpe atsun nga nngai majaw rai nga ai.

KASA 5:33

Kongsi hpawng hta lawm ai ni dai ga na jang shanhte ja ja masin pawt bu nna kasa ni hpe shanhte sat kau mayu da mu ai.

1 KORINHTU 13:6

Tsaw ra ai myit gaw n ding n man n hkru n kaja ai hta n kabu ai sha, dai tengman ai hta kabu gara nga ai.

SHINGRAN 12:13

Dai baren numraw gaw shi hpe ga de jahkrat kau hkrum sai lam chye wu jang, shadang sha shangai ai num hpe rim la na matu hkan tam magang sai.

SHINGRAN 13:14

Shi gaw shawng na matse labye a man e madun dan na ahkang lu ai lamik kumla ni hpe madun nna ga ntsa e nga ai masha yawng hpe hkalem kau wu ai. Dai matse labye gaw, nhtu hkang nma hkrum ti mung n si ai sha bai mai mat ai matse labye hpe shagrau sha-a ai hku nna shi a hkrang sumla galaw shachyaw na matu mungkan masha ni hpe shangun da wu ai.

SHINGRAN 13:8

Sat kau hkrum sai Sagu Kasha a asak laika hta, ginding aga garai n pra kaw nna amying ka da lawm sai mungkan masha nlang hte hta lai nna, mungkan ntsa e nga ai masha yawng gaw dai matse labye hpe nawku na mara ai.

SHINGRAN 16:10

Dai hpang manga ngu na lamu kasa gaw, shi a pawt sindawng kahtet ai gawm hpe dai matse labye a tingnyang ntsa e ru bun dat wu ai. Shaloi matse labye a mungdan ntsa e nsin htim bun nna nsin chyip rai mat ai. Dai mungdan masha ni machyi gying wa nna shanhte a shinglet ni hpe kawa makret ma ai.

SHINGRAN 3:10

Hpa majaw nga yang, nang gaw ngai hkang da ai hte maren myit galu na hte hkam sharang na lam mungga hpe nang hkan nang ndai majaw, ga ntsa e nga ai masha ni yawng hpe chyam dinglik yu na matu mungkan ga hproi hkra ru yak jam jau du ai ten hta ngai nang hpe makawp maga na de ai.