SHINGRAN 1:9 - Jinghpaw Common Language Bible 2009

⁹ Ngai gaw nanhte a hpu nau wa Yawhan rai nga nngai. Yesu a hpang hkan nang ai wa langai mi hku nna, shi a Mungdan hte seng ai masha ni hkrum sha nga ai nni nkri hpe myit galu let nanhte hte rau hkam sharang nga ai wa rai nga nngai. Ngai gaw Karai Kasang a mungga hte Yesu Hkristu sakse hkam shadan dan ai dai teng man ai lam hpe hkaw tsun shana dan ai majaw Patmu ngu ai zunlawng de sa kau ai hkrum nngai.

Jinghpaw Hanson Version Bible

⁹ Yesu a nni nkri hta mung, mungdan hta mung, hkam sharang ai hta mung nanhte a kanawn manang rai nga ai, nanhte a hpunau wa, ngai Yawhan gaw, Karai Kasang a mungga hte Yesu a sakse majaw, Patmu ngu ai zunlawng hta nga nga nngai.

SHINGRAN 1:9 ပူးပေါင်းရင်းမြစ်များ

MAHTE 20:23

Bai Yesu gaw, “Nye a gawm hpe nanhte kaja wa lu na marin dai; rai ti mung, nye a hkra maga hte pai maga de kadai dung nga lu na ngu ai hpe gaw ngai lata la na ahkang n lu nngai: dai shara ni gaw nye a Wa lajang da ya ai ni a matu mara she rai nga ai,” ngu nna shanhte hpe tsun mu ai.

MARKU 10:39

Shan gaw, “An rai lu na ga ai,” ngu mu ai. Yesu gaw, “Kaja wa ngai lu na rai nga ai gawm hpe nan lu na rai nga myit dai; ngai hkam la lu na rai nga ai hkalup hpe nan hkam la na rai nga myit dai.

YAWHAN 16:33

Nanhte gaw ngai hte langai sha tai nna ngwi pyaw ai lam lu la myit ga, ngu nna ndai ga ngai nanhte hpe tsun ni ai. Mungkan ga gaw nanhte hpe nni nkri jahkrum na ra ai; rai ti mung gwi gwi dakring dakan rai nga mu! Ngai gaw mungkan ga hpe dang kau se ai!,” ngu mu ai.

KASA 1:15

Nhtoi gade n na ai hpang kam sham ai masha ni latsa hkun daram hpawng nga ma yang, Petru gaw ga tsun na matu rawt tsap wu ai.

KASA 14:22

Shan gaw, “Anhte gaw Karai Kasang a mungdan hta shang na matu ru yak jam jau law law hpe hkrum hkra lai di kau ra ga ai,” nga nna kam sham ai sape ni myit shangang ya let dai makam masham hta ngang kang grin nga na matu n-gun jaw shadum jahprang ma ai.

ROMA 8:17

Anhte gaw shi a kashu kasha ni rai nga ga yang gaw shi a amyu masha ni a matu san da ai sali wunli ni hpe anhte hkam la na ga ai. Hkristu a matu Karai Kasang san da ai hpung shingkang hpe mung anhte hkam la lu na ga ai, hpa majaw nga yang anhte gaw Hkristu hte rau nni nkri hkrum nga ga yang, shi hte rau hpung shingkang hpe mung anhte hkam la na rai nga ga ai.

ROMA 8:25

Rai ti mung n mu lu ai mahtang hpe myit mada nga ga yang gaw, dai hpe anhte hkam sharang ai hte ala nga ga ai.

2 KORINHTU 1:7

Nanhte gaw anhte hkrum hkra nga ai nni nkri hta, nanhte mung hkrum lawm nga myit dai hte maren, anhte hkam la ai shalan shabran ai chyeju hpe mung, hkam la nga myit dai majaw, nanhte hta anhte a myit mada ai lam galoi mung n shamu n shamawt ai sha grin nga ai hpe anhte chye ga ai.

HPILIPI 1:7

Nye a myit masin hta e ngai nanhte hpe galoi mung sharawng awng nga nngai. Shing re ai lam gaw ngai nanhte hpe grai tsaw ra made ai majaw mung, bai ya ngai bawng dung nga ai aten hta dai Kabu Gara Shiga hpe ndut ndang makawp maga hkaw tsun sharin shaga nna shangang shagrin da na ahkang lu nga ai ten hta mung, nanhte nlang hte gaw Karai Kasang jaw ai chyeju hpe ngai hte rau jawm hkam la manit dai.

HPILIPI 4:14

Rai ti mung ngai nni nkri hkrum ai ten hta ngai hpe karum madi shadaw ai hku nna nanhte grai mai kaja ai bungli galaw manit dai rai nga ai.

2 HTESALONI 3:5

Nanhte gaw Karai Kasang a tsaw ra myit hpe grau nna chye na wa na matu hte, Hkristu jaw ai hkam sharang ai myit hpe grau chye na wa na matu mung, dai Madu gaw nanhte hpe woi awn nga u ga.

2 TIMOHTI 1:8

Dai rai nna anhte a Madu a matu sakse hkam ai hta hkum kaya nga u; bai nna Hkristu a jaw e bawng dung ai wa nye a majaw mung hkum kaya nga u; shing rai na malai, Karai Kasang gaw nang hpe n-gun lagaw jaw da nit dai hte maren, dai Kabu Gara Shiga a jaw e nni nkri hpe hkam sharang u.

HEBRE 10:36

Karai Kasang a myit ra ai lam hkan galaw na hte, shi a ga sadi ni hte maren akyu hkam la lu hkra nanhte myit galu kaba hkam sharang ra nga myit dai.

1 PETRU 5:1

Hpung hpe yu gawn lajang nga ai ngai hpung salang wa langai mi zawn, hpung salang ni hta lawm nga ai nanhte hpe hpyi lajin dat nngai. Ngai gaw Hkristu hkam ai nni nkri ni hpe mu ai sakse langai mi hku nna mung, dan pru na ra ai hpung shingkang hpe nanhte hte rau hkam la na myit mada nga ai wa hku nna mung, nanhte hpe ngai hpyi nem made ai.

SHINGRAN 1:1

Ndai laika gaw Yesu Hkristu hpe Karai Kasang jaw ai shingran a lam ka matsing tawn ai laika re. Yesu hpe ndai shingran jaw ai lam gaw, gade n na yang byin wa na ra ai lam ni hpe Karai Kasang a shangun ma ni chye lu hkra madun dan na matu rai nga ai. Hkristu gaw shi a shangun ma Yawhan hpang de lamu kasa hpe shangun dat nna, ndai shingran ga shana dan wu ai.

SHINGRAN 1:2

Yawhan mung shi mu ai lam yawng hpe tsun dan wu ai rai nna, da ndai gaw, Madu Yesu shapraw shadan dan ai Karai Kasang kaw na mungga hte teng man ai lam hte seng nna Yawhan a shana dan ai lam rai nga ai.

SHINGRAN 1:4

Ngai Yawhan gaw Asi mungdaw hta nga ai hpung sanit hpang de laika ka dat nngai. Ndai prat, moi prat, htawm hpang prat ni hta anga nga ai Karai Kasang kaw nna mung, shi a tingnyang man e nga ai Wenyi sanit hte kaw nna mung,

SHINGRAN 1:6

Shi a Kawa a magam amu hpe gun hpai lu na matu anhte hpe mungdan amyu hte hkinjawng aya jaw ya ai Yesu Hkristu kaw hpung shingkang hte daru magam ahkang aya gaw htani htana e anga nga u ga law! Amen.

SHINGRAN 11:7

Shan lahkawng tinang hkaw tsun ndau ai amu ngut mat ai shaloi, sung htum ai shara na pru lung wa ai matse labye gaw, shan hpe gasat dang kau nna sat kau na ra ai.

SHINGRAN 12:11

Anhte a hpu nau ni gaw, Sagu Kasha a asai majaw mung, shanhte sakse hkam nga ai teng man ai mungga a majaw mung, Satan hpe awng dang kau lu mu ai rai nna, shanhte gaw si ai du hkra tinang a asak hpe n lahpawt ma ai.

SHINGRAN 12:17

Dai shaloi, baren numraw gaw dai numsha a lam sindawng kahtet nna, numsha a ngam nga ai aru arat ngu ai Karai Kasang a hkang da ai ga hkan nang ai hte Madu Yesu shadan dan ai teng man ai mungga hta kangka ai hte hkan sa ai ni nlang hte hpe gasat kau na matu pru sa mat wa ai.

SHINGRAN 13:10

Rim la ai hkrum na wa gaw rim la ai teng teng hkrum na ra ai; nhtu hte sat ai wa mung, nhtu hte si na ra ai. Ndai lam a majaw, Karai Kasang a masha ni gaw hkam sharang ai hte makam masham rawng na mara ai.”

SHINGRAN 14:12

Karai Kasang a hkang da ai ga ni hpe hkan shatup nna, Hkristu hta kangka sadi dung ai ni ngu ai Karai Kasang a masha ni gaw, ndai lam hta hkam sharang ai lam nga ra nga ai.

SHINGRAN 19:10

Shaloi, ngai gaw shi hpe nawku na ngu, shi a lagaw nhpang e dingnyawm dagup dat nngai. Rai ti mung, dai lamu kasa gaw, “Shing hkum rai et! Ngai gaw nang hte na nhpu nnau ni hte hpawn, Madu Yesu shadan dan ai dai teng man ai mungga hta jung noi nga ai ni a shingdep shingtau shangun ma manang she rai nngai. Karai Kasang hpe nawku u!” Hpa majaw nga yang, Madu Yesu sakse hkam shadan shaleng dan ai dai teng man ai mungga nan myihtoi ni hpe shung ya nga ai.

SHINGRAN 20:4

Dai hpang, tingnyang ni hpe ngai mu nngai; dai tingnyang ni hta dung nga ai ni gaw, tara dara na ahkang aya ap ya da hkrum ai ni rai nga ma ai. Dai hta kaga, Madu Yesu shadan dan ai teng man ai lam hpe mung, Karai Kasang a mungga hpe mung hkaw tsun sakse hkam ai majaw, sat kau hkrum ai ni hte, dai matse labye hpe mung, shi a hkrang sumla hpe mung, n naw n ku ai hte, tinang a lahtan hte lata ni hta dai matse labye a masat dingsat ni hpe n hkam la ai ni a tsu ni hpe mung, ngai mu nngai. Shanhte gaw asak bai hkrung wa nna, hkawhkam ni zawn Madu Yesu hte rau shaning hkying mi tup up nga na mara ai.

SHINGRAN 3:10

Hpa majaw nga yang, nang gaw ngai hkang da ai hte maren myit galu na hte hkam sharang na lam mungga hpe nang hkan nang ndai majaw, ga ntsa e nga ai masha ni yawng hpe chyam dinglik yu na matu mungkan ga hproi hkra ru yak jam jau du ai ten hta ngai nang hpe makawp maga na de ai.

SHINGRAN 6:9

Bai, Sagu Kasha gaw, manga ngu na dazik hpe hpaw dat wu yang, Karai Kasang a mungga hkaw tsun ai majaw mung, kangka sadi dung ai hte sakse hkam ai majaw mung, sat kau hkrum ai ni a Wenyi ni hpe tawn hkungri a npu e, ngai mu nngai.

SHINGRAN 7:14

Ngai gaw, “Nye a Madu e, ngai n chye nngai, nang gaw chye nga ndai,” ngu nna htan we ai. Shaloi shi gaw, “Shanhte gaw hkrit hpa zingri zingrat hkrum ai kaw na lawt pru wa ai masha ni rai nga ma ai. Shanhte gaw tinang a hpun palawng ni hpe dai Sagu Kasha a asai hta hkrut jahpraw la manu ai.