SHINGRAN 1:8 - Jinghpaw Common Language Bible 2009

⁸ Ngai gaw ningshawng wa mung rai nga nngai, jahtum wa mung rai nga nngai, nga nna ndai prat e mung, moi prat e mung, du na ra ai htawm hpang prat e mung anga nga ai Chyahtum Chyalai n-gun atsam rawng ai Madu Karai Kasang gaw tsun nga ai.

Jinghpaw Hanson Version Bible

⁸ “Ngai gaw Alhpa mung rai nga nngai, Omega mung rai nga nngai,” nga nna ndai aprat e, moi na aprat e anga nga ai hte, htawm hpang du na ra ai wa, Chyahtum chyalai n-gun rawng ai Madu Karai Kasang gaw tsun nga ai.

SHINGRAN 1:8 ပူးပေါင်းရင်းမြစ်များ

NINGPAWT NINGHPANG 17:1

Abram a asak jahku shi jahku ning du ai shaloi, dai Madu gaw shi kaw dan pru nna, “Ngai gaw Chyahtum Chyalai N-gun Rawng Ai Karai Kasang rai nga nngai. Nye a ga hpe madat mara nna teng man ai amu hpe tut nawng a galaw nga u.

NINGPAWT NINGHPANG 28:3

Chyahtum Chyalai N-gun Rawng Ai Karai Kasang gaw na a dinghku de sa wa ai lam hpe shaman ya nhtawm, kashu kasha law law nang hpe jaw ya u ga; shaloi nang gaw amyu baw law law ni a kawa tai wa na rin dai!

NINGPAWT NINGHPANG 35:11

Karai Kasang gaw shi hpe, “Ngai gaw Chyahtum Chyalai N-gun Rawng Ai Karai Kasang rai nga nngai. Kashu kasha law law mayat maya u; amyu baw ni nang hta na pra hkrat wa nhtawm hkawhkam ni a kaji kawa mung nang tai na rin dai.

NINGPAWT NINGHPANG 43:14

Chyahtum Chyalai N-gun Rawng Ai Karai Kasang gaw dai wa a jaw e, nanhte hpe matsan dum la shangun nga u ga; Benyamin hta kaga nanhte a hpu nau langai mi hpe ngai hpang de bai woi nhtang wa na shi dat dat ya na ru ai. Nye a matu chyawm gaw, kasha ni sum mat ai rai yang mung sum mat sanu ga,” ngu nna shanhte hpe tsun wu ai.

NINGPAWT NINGHPANG 48:3

Yaku gaw Yosep hpe, “Chyahtum Chyalai N-gun Rawng Ai Karai Kasang gaw Hkanan mung Luza mare e ngai kaw dan pru nna shaman ya ni ai.

NINGPAWT NINGHPANG 49:25

Dai gaw nang hpe karum ai na nwa a Karai Kasang rai nna, Sumsing lamu na shaman ai chyeju marang hte mung, Ga kata na sung ai hka a majaw mung, Yam nga hte kashu kasha law law mayat maya shangun ai shaman chyeju ni a majaw mung,

PRU MAT 3:14

Karai Kasang gaw, “Ngai gaw Ngai rai nga nngai. Nang gaw shanhte hpe: ‘Ngai Rai Nga Nngai,’ ngu ai Wa gaw, nanhte hpang de ngai hpe shangun dat ni ai,’ ngu nna tsun lu na ndai.

PRU MAT 6:3

Ngai gaw Abraham, Isak hte Yaku ni kaw Chyahtum Chyalai N-gun Rawng Ai Karai Kasang hku dan pru ni ai; rai ti mung Ngai hkum nan shanhte hpe nye a chyoi pra ai mying ningsang dai Madu rai nga ai hpe n chye shangun mawe ai.

ESAIA 41:4

Ndai zawn re ai hpe shabyin dat ai wa gaw kadai rai nga a ta? Masha ban hte ban a labau hpe kadai gawn dan a ta? Dai Madu ngai gaw shawng npawt e nga nga nngai, Dai Madu ngai gaw ahpang jahtum e mung nga nga na nngai.

ESAIA 43:10

“Israela amyu masha ni e, nanhte gaw nye a sakse ni rai nga myit dai; Nye a shangun ma tai na matu nang hpe ngai lata la nngai, Shaloi ngai chyu sha Karai Kasang rai nga nngai hpe nang chye wa nna ngai hpe kam sham ai hte chye na wa na rai ndai. Ngai hta lai, kaga karai shaje n nga nga ai; dai gaw moi prat e mung, du na ra ai prat hta mung galoi mung nga na n rai.

ESAIA 44:6

Israela hpe up nna makawp maga nga ai dai Madu Chyahtum Chyalai N-gun rawng ai dai Madu gaw ning ngu tsun nga ai: “Ngai gaw shawng ningshawng wa hte ahpang jahtum ngu ai Karai Kasang rai nga nngai; ngai hta lai karai shaje n nga nga ai.

ESAIA 48:12

Dai Madu gaw, “Ngai shaga la sai Israela amyu masha ni e, nye a ga madat mu! Ngai gaw Karai Kasang rai nga nngai, shawng na wa mung, hpang jahtum na wa mung rai nga nngai, ngai chyu sha Karai Kasang rai nga nngai!

ESAIA 9:6

Anhte a matu kasha langai shangai sai! Anhte hpe shadang sha jaw mi ai! Shi gaw anhte a up hkang du tai na ra ai. Shi gaw, “Mauhpa Wa, Hpaji Daw Ai Wa, Chyahtum Chyalai N-gun Rawng Ai Karai Kasang, Htani Htana Kawa, Ngwi pyaw Sim Sa Ai A Hkawhkam Kasha,” ngu nna shamying hkrum na ra ai.

BU HKAWM 24:4

Ngai chyawm gaw Chyahtum Chyalai n-gun rawng ai Karai Kasang kaw na shingran hku dinghkren lu ai Myi hte myit shingran mu chye nngai.

2 KORINHTU 6:18

Nanhte a Kawa ngai tai na nngai, rai nna nanhte gaw nye a shadang sha ni hte shayi sha ni tai na marin dai, nga nna chyahtum chyalai n-gun atsam rawng ai Madu gaw atsun nga ai.”

SHINGRAN 1:11

Dai nsen gaw, “Nang mu ai hte maren laika hta ka la nhtawm, dai laika hpe Ehpesu, Samurna; Pergamu, Htuatira, Sardi, Hpiladehpi hte Ladoki mare ni hta nga ai hpung sanit hpang de shagun dat u,” nga ai.

SHINGRAN 1:17

Dai wa hpe ngai mu jang, shi a lagaw nhpang e si ai wa zawn ngai kadawng taw mat nngai. Shi gaw shi a hkra lata nye a ntsa e mara ya nna, “Hkum hkrit et! Ngai gaw ningshawng wa mung, jahtum wa mung rai nga nngai.

SHINGRAN 1:4

Ngai Yawhan gaw Asi mungdaw hta nga ai hpung sanit hpang de laika ka dat nngai. Ndai prat, moi prat, htawm hpang prat ni hta anga nga ai Karai Kasang kaw nna mung, shi a tingnyang man e nga ai Wenyi sanit hte kaw nna mung,

SHINGRAN 11:17

“Ya prat e, htawm hpang prat e dinggrin anga nga ai chyahtum chyalai n-gun rawng ai Madu Karai Kasang e, Nang gaw, na a daru magam atsam hpe lang nna mungkan hpe up hkang nga nit dai majaw, anhte nang hpe chyeju shakawn ga ai law!

SHINGRAN 15:3

Shanhte gaw, Karai Kasang a shangun ma Mawshe a mahkawn ga hte, Sagu Kasha a mahkawn ga hpe mahkawn mangoi nga let, “Chyahtum chyalai n-gun atsam rawng ai Karai Kasang e, na a magam bungli ni gaw gade wa kaba nga ai hte gade wa mauhpa rai nga a hka! Ju majat prat janat na hkawhkam wa e, na a lam ni gaw gade wa ding hpring ai hte gade wa teng man nga a hka!

SHINGRAN 16:14

Shanhte gaw lamik kumla ni hpe madun dan lu ai nat ni a numla ni rai nga ma ai. Dai nat masum gaw, jahtum chyalai n-gun atsam rawng ai Karai Kasang a nhtoi kaba ngu ai tara jeyang ai shani majan gasat na matu, mungkan ting na hkawhkam ni hpe jahpawng la na pru sa wa ma ai.

SHINGRAN 16:7

Dai hpang dai tawn hkungri kaw na nsen langai mi mung, “Chyahtum chyalai n-gun atsam rawng ai Madu Karai Kasang e, na a jeyang ai lam ni gaw, kaja wa teng man ai hte ding hpring nga lit dai law!,” nga nna tsun ai ngai na nngai.

SHINGRAN 19:15

Masha amyu baw ni hpe dang manga kau na matu, shi a n-gup hta na dai ai ntawng nhtu pru nga ai. Shi gaw shanhte hpe hpri sumdoi hte up na ra ai, Chyahtum Chyalai n-gun atsam rawng ai Karai Kasang a sindawng kahtet pawt bu ai ngu ai sabyi htumbyen hta shi kabye shup na ru ai.

SHINGRAN 19:6

Dai hpang, masha wunawng wuwa a nsen zawn nga nna pru wa ai nsen hpe ngai na nngai. Dai nsen gaw, Karai Kasang hpe shakawn kungdawn mu! Hpa majaw nga yang, “Dai Madu gaw, anhte a daru magam hpung shingkang rawng ai Karai Kasang ngu ai Hkawhkam wa shi rai nga ai!

SHINGRAN 2:8

“Samurna hpung a lamu kasa hpe ning ngu ka dat u: “Ndai gaw, ningshawng wa hte jahtum wa, si sai rai ti mung asak bai hkrung wa ai wa kaw na mungga rai nga ai.

SHINGRAN 21:22

Dai mare kata e nawku htingnu ngai n mu nngai, hpa majaw nga yang, Chyahtum Chyalai n-gun atsam rawng ai Madu Karai Kasang hte Sagu Kasha gaw, dai mare a nawku htingnu rai nga ai.

SHINGRAN 21:6

Dai hta kaga shi gaw, Amu ngut sai! Ngai gaw Alhpa hte Omega, npawt nhpang mung, hpang jahtum mung, rai nga nngai, Hpang gara ai wa kadai hpe mung, dai asak hka hpawk kaw na ntsin hpe manu jahpu n jaw ai sha lu lu na ahkang ngai jaw na we ai.

SHINGRAN 22:13

Ngai gaw Alhpa hte Omega, npawt nhpang mung, hpang jahtum mung rai nga nngai.”

SHINGRAN 4:8

Dai dusat mali hte hta langai hte langai singkaw kru hpra hpra tu nna, shanhte a hkum kata e mung, shinggan e mung hkum grup myi hkrai pri rai nga ai. Shanhte gaw shani shana n sim n sa ai sha: “Moi na prat e, ya na prat e, htawm hpang du na ra ai prat e dinggrin anga nga ai, Chyahtum Chyalai n-gun Rawng ai, Madu Karai Kasang gaw, chyoi pra, chyoi pra, chyoi pra arai nga ai law!,” nga nna tsun ma ai.