SHINGRAN 1:2 - Jinghpaw Common Language Bible 2009

² Yawhan mung shi mu ai lam yawng hpe tsun dan wu ai rai nna, da ndai gaw, Madu Yesu shapraw shadan dan ai Karai Kasang kaw na mungga hte teng man ai lam hte seng nna Yawhan a shana dan ai lam rai nga ai.

Jinghpaw Hanson Version Bible

² Yawhan mung, Karai Kasang a mungga hte, Yesu Hkristu hte seng ai sakse a lam mu mamu hte hpe sakse hkam ya wu ai.

SHINGRAN 1:2 ပူးပေါင်းရင်းမြစ်များ

YAWHAN 1:32

Dai hpang Yawhan gaw, “Wenyi gaw sumsing lamu de nna hkrudu zawn yu hkrat wa nna, shi a ntsa e nga nga ai.

YAWHAN 12:17

Lazaru hpe lup kata na shaga shapraw nna, si ai kaw na sharawt la ai shaloi e, shi hte rau nga ai shawa masha ni gaw, dai byin ai lam hpe sakse hkam tsun shana ya ma ai.

YAWHAN 19:35

(Ndai byin ai lam hpe nanhte mung kam sham lu myit ga, myi hte nan mu lu ai wa langai mi sakse hkam wu ai. Shi a sakse gaw teng nga lu ai, shi nan shi a sakse ga teng man nga ai hpe chye nga ai.)

YAWHAN 21:24

Dai sape wa gaw, ndai lam ni hpe sakse hkam tsun dan nna, ndai lam ni ka da ai wa rai nga ai. Shi tsun dan ai ga teng man nga ai mung, anhte chye ga ai.

YAWHAN 3:11

Ngai nang hpe kaja wa teng teng tsun de ga, anhte gaw tinang chye ai lam hpe tsun ga ai, rai ti mung nanhte langai mi mung anhte a sakse ga hpe n hkap la myit dai.

KASA 22:15

Hpa majaw nga yang, nang gaw nang mu lu, na lu ai lam ni hpe masha yawng a man e tsun shana ya na matu dai Madu a sakse hkam ya ai wa nang tai na rin dai.

KASA 26:16

Rai ti mung ya rawt nna jan rai tsap u, Nang hpe nye a shangun ma tai u ga san da na matu nang kaw ngai dan pru ring ngai, nang gaw, dai ni nang ngai hpe mu mada lu sai lam hte, hpang de ngai nang hpe naw madun dan na ra de ai lam ni hpe masha kaga ni e sakse hkam dan na rai ndai.

KASA 4:20

An chyawm gaw, anhte nan lala mu la na la sai lam ni hpe n tsun ai n nga lu ga ai,” ngu nna shanhte hpe bai htan mu ai.

1 KORINHTU 1:6

Anhte hkaw tsun ndau shabra ai dai Hkristu a lam Kabu Gara Shiga gaw nanhte hta e ngang ngang kang kang ru jung nga sai.

1 KORINHTU 2:1

Hpu nau ni e, Karai Kasang a makoi magap da ai teng man ai mungga hkaw tsun dan na matu ngai nanhte kaw sa du ai shaloi, reng ai ningtam ga kaba ni hte hpaji byeng-ya hte seng ai ga kaba ni hpe ngai n lang nngai.

1 YAWHAN 1:1

Shawng npawt kaw nna nga nga ai dai asak hkrung ai mungga a lam nanhte hpang de anhte ka dat ga ai. Anhte dai hpe na yu saga ai, myi hte mung mu yu saga ai, rai sa anhte mu yu saga ai rai nna anhte a lata ni hte hkra yu saga ai.

1 YAWHAN 4:14

Mungkan ga a hkye hkrang la ai Madu tai u ga, Kawa gaw dai Kasha hpe shangun dat wu ai lam anhte mu lu sagaw ai hte sakse hkam ga ai.

3 YAWHAN 1:12

Masha shagu gaw Demetri a kaja ai lam hpe sakse hkam nga ma ai. Shi a hkan sa galaw ai lam ni mung dai teng man ai mungga hte bung pre nga ai. Anhte mung sakse hkam jat ga ai rai nna, anhte a sakse hkam ai ga teng nga ai gaw nang chye nga ndai.

SHINGRAN 1:11

Dai nsen gaw, “Nang mu ai hte maren laika hta ka la nhtawm, dai laika hpe Ehpesu, Samurna; Pergamu, Htuatira, Sardi, Hpiladehpi hte Ladoki mare ni hta nga ai hpung sanit hpang de shagun dat u,” nga ai.

SHINGRAN 1:19

Dai re ai majaw, nang mu lu sai lam ni hpe mung, ya nga nga ai lam ni hpe mung, htawm hpang e byin wa na ra ai lam ni hpe mung, ka da u.

SHINGRAN 1:9

Ngai gaw nanhte a hpu nau wa Yawhan rai nga nngai. Yesu a hpang hkan nang ai wa langai mi hku nna, shi a Mungdan hte seng ai masha ni hkrum sha nga ai nni nkri hpe myit galu let nanhte hte rau hkam sharang nga ai wa rai nga nngai. Ngai gaw Karai Kasang a mungga hte Yesu Hkristu sakse hkam shadan dan ai dai teng man ai lam hpe hkaw tsun shana dan ai majaw Patmu ngu ai zunlawng de sa kau ai hkrum nngai.

SHINGRAN 12:11

Anhte a hpu nau ni gaw, Sagu Kasha a asai majaw mung, shanhte sakse hkam nga ai teng man ai mungga a majaw mung, Satan hpe awng dang kau lu mu ai rai nna, shanhte gaw si ai du hkra tinang a asak hpe n lahpawt ma ai.

SHINGRAN 12:17

Dai shaloi, baren numraw gaw dai numsha a lam sindawng kahtet nna, numsha a ngam nga ai aru arat ngu ai Karai Kasang a hkang da ai ga hkan nang ai hte Madu Yesu shadan dan ai teng man ai mungga hta kangka ai hte hkan sa ai ni nlang hte hpe gasat kau na matu pru sa mat wa ai.

SHINGRAN 20:4

Dai hpang, tingnyang ni hpe ngai mu nngai; dai tingnyang ni hta dung nga ai ni gaw, tara dara na ahkang aya ap ya da hkrum ai ni rai nga ma ai. Dai hta kaga, Madu Yesu shadan dan ai teng man ai lam hpe mung, Karai Kasang a mungga hpe mung hkaw tsun sakse hkam ai majaw, sat kau hkrum ai ni hte, dai matse labye hpe mung, shi a hkrang sumla hpe mung, n naw n ku ai hte, tinang a lahtan hte lata ni hta dai matse labye a masat dingsat ni hpe n hkam la ai ni a tsu ni hpe mung, ngai mu nngai. Shanhte gaw asak bai hkrung wa nna, hkawhkam ni zawn Madu Yesu hte rau shaning hkying mi tup up nga na mara ai.

SHINGRAN 22:21

Madu Yesu Hkristu a chyeju gaw, Karai Kasang a masha ni hte rau anga nga u ga law! Amen!

SHINGRAN 6:9

Bai, Sagu Kasha gaw, manga ngu na dazik hpe hpaw dat wu yang, Karai Kasang a mungga hkaw tsun ai majaw mung, kangka sadi dung ai hte sakse hkam ai majaw mung, sat kau hkrum ai ni a Wenyi ni hpe tawn hkungri a npu e, ngai mu nngai.