SHINGRAN 1:18 - Jinghpaw Common Language Bible 2009

¹⁸ Ngai gaw ahkrung nga ai wa mung ngai rai nga nngai; ngai si ni ai rai ti mung ya htani htana prat dingsa e ngai ahkrung nga nngai. Ngai gaw si hkrung si htan a ntsa e mung, si hkrung si htan a mungdan a ntsa e mung up hkang na ahkang aya lu nngai.

Jinghpaw Hanson Version Bible

¹⁸ ahkrung nga ai wa mung, ngai rai nga nngai; ngai si ni ai rai timung, yu u, htani htana prat dingsa e ngai ahkrung nga nngai: si hkrung si htan mungdan a sumsaw hte, katsan ga na sumsaw ngai lang nngai.

SHINGRAN 1:18 ပူးပေါင်းရင်းမြစ်များ

YOBA 19:25

Rai ti mung, sumsing lamu na marai langai ngai gaw hpang jahtum e ngai hpe makawp maga la na matu du sa wa na ra ai hpe ngai chye nngai.

YOBA 38:17

Nang hpe kadai wa sin mak ai katsan ga hpe sin ai chyinghka ni hpe madun yu sani?

SHAKAWN KUNGDAWN 18:46

Dai Madu gaw ahkrung nga ai law! Ngai hpe makawp maga ai wa gaw a lu u ga law! Ngai hpe hkye hkrang la ai Karai Kasang gaw galu kaba nga ai hpe htawn tsun mu.

SHAKAWN KUNGDAWN 68:20

Anhte a Karai Kasang gaw hkye hkrang la ai Karai Kasang rai nga ai; shi gaw Madu rai nga nna, si hkrung si htan a lata kaw nna mawai la ai anhte a Madu rai nga ai.

ESAIA 22:22

Ngai gaw Dawi a aru arat hta na hkawhkam wa a npu e hkum tsup ai daru magam ahkang aya shi hpe ap ya na nngai. Shi gaw dai nta a sumsaw hpe jum da na ra ai, shi hpaw da ai hpe kadai mung pat na n rai, shi pat da ai hpe kadai mung hpaw na n rai.

MAHTE 11:23

Nang mung Kurazin e, lamu du hkra shagrau sharawt ai hkam la lu na ra ai ngu nna nawn da wu ni? Katsan ga du hkra jahkrat kau ai nang hkrum na rin dai. Hpa majaw nga yang, nang hta dan ai mauhpa magam bungli ni hpe, Sodom hta e shabyin taw gaw, dai mare gaw dai ni du hkra naw agrin nga na rai nga ai.

MAHTE 16:19

Sumsing lamu na mungdan a sumsaw ni ngai nang hpe ap ya na de ai rai nna, dinghta ga hta nang jep hkum da mada gaw, sumsing lamu hta mung Karai Kasang gaw jep hkum da na ra ai. Ga ntsa e nang ahkang jaw majaw gaw, sumsing lamu hta e mung ahkang jaw na ra ai,” ngu nna shi hpe htan wu ai.

LUKA 24:5

Dai numsha ni hkrit kajawng nna ga de gum dagup taw nga ma ai. Dai yan gaw, “Hkrung nga ai wa hpe si ai ni nga ai shara kaw hpa rai tam nga myit ta?

YAWHAN 11:25

Yesu gaw, “Ngai gaw bai hkrung rawt ai lam hte asak hkrung ai lam rai nga nngai. Ngai hpe kam sham ai wa kadai mung, shi si mat ti mung, ahkrung nga na ra ai.

YAWHAN 14:19

Loi hkring mi rai jang, mungkan ga gaw ngai hpe n mu dat na nu ai; nanhte chyawm gaw naw mu lu na marin dai; hpa majaw nga yang, ngai ahkrung nga nngai majaw, nanhte mung ahkrung nga na marin dai.

ROMA 6:9

Hpa majaw nga yang, Hkristu gaw si ai kaw na bai hkrung rawt wa sai rai nna htawm hpang de galoi mung bai n si na sai lam anhte chye ga ai. Dai si hkrung si htan gaw shi hpe galoi mung n up da lu na sai.

2 KORINHTU 13:4

Kaning rai nme law shi gaw n-gun kya ai madang hta wudang hta jen sat kau ai hkrum tim, Karai Kasang a n-gun atsam hte ahkrung nga ai. Anhte mung Hkristu hte langai sha tai ai a jaw e n-gun kya nga ga ai. Rai ti mung nanhte hte matut mahkai ai lam hta anhte gaw Hkristu hte rau ahkrung nga ga ai a jaw e Karai Kasang a n-gun atsam hpe jawm hkam la na ga ai.

GALATI 2:20

Dai rai nna ngai hkum nan naw hkrung nga nngai n rai; Hkristu she ngai hta e asak hkrung nga ai. Ndai ya e ngai hkrung nga ai asak gaw, ngai hpe tsaw ra nna nye a matu mara shi a asak nawng kau ai Karai Kasang a Kasha hpe kam sham ai a marang e hkrung nga ai asak rai nga ai.

KOLOSE 3:3

Hpa majaw nga yang, nanhte gaw si mat sai ni rai nna, nanhte a asak gaw Hkristu hte rau, Karai Kasang hta kyem makoi da nga sai.

HEBRE 1:3

Shi gaw Karai Kasang a hpung shingkang ningja shapraw nna, Karai Kasang shi nan a gawng shingyan hkrang sumla hpe dagraw ai hte mungkan jan shata shagan nga yawng danghta hpe shi a hpung shingkang rawng ai mungga atsam hte bau sin da nga ai. Shi gaw shinggyim masha ni a yubak mara ni hpe raw dat jasan jaseng ai lam galaw ngut ai hpang, sumsing lamu e daru magam n-gun atsam rawng ai Karai Kasang a hkra maga de dung nga ai.

HEBRE 12:2

Anhte a makam masham hpe npawt ndung hkren jahkum shatsup ya ai wa Yesu hpe azi yu nga ga, Madu gaw shi hkam la na rai nga ai shi hpe ala nga ai dai kabu gara ai lam a majaw, dai wudang hta si hkam ai kaya kahpa hpe hpa zawn n nawn ai sha wudang lam hpe lata la nna ya Karai Kasang a tingnyang hkra maga de wa dung nga sai.

HEBRE 7:16

Dai wa gaw hkinjawng aya hta masha e gaw de shalat da ai tara masa hku nna dang da hkrum ai wa n rai; n htum n wai lu ai asak a n-gun atsam hku nna dang da hkrum ai wa she rai nga ai.

HEBRE 7:25

Dai rai nna shi gaw shi hpe manoi kam hpa let Karai Kasang kaw sit shang wa ai ni hpe galoi mung hkye mawai la na atsam rawng nga ai; hpa majaw nga yang, shi gaw shanhte a matu Karai Kasang kaw hpyi nem ya na, tut nawng e ahkrung nga ai.

SHINGRAN 10:6

htani htana prat dingsa ahkrung nga nna, sumsing lamu, ginding aga, panglai hte dai hta e rawng marawng hpe hpan tawn da ai Karai Kasang a mying nsang hpe gang nna dagam wu ai gaw, “Ahkying ladaw hpe htingnai shana chyai nga ai lam naw nga sana n rai!

SHINGRAN 15:7

Bai, dai dusat amyu mali hta na langai mi gaw, htani htana prat dingsa ahkrung nga ai Karai Kasang a pawt sindawng kahtet ai hte hpring chyat re ai ja gawm sanit, dai lamu kasa sanit hte hpe jaw mu ai.

SHINGRAN 2:8

“Samurna hpung a lamu kasa hpe ning ngu ka dat u: “Ndai gaw, ningshawng wa hte jahtum wa, si sai rai ti mung asak bai hkrung wa ai wa kaw na mungga rai nga ai.

SHINGRAN 20:13

Dai hpang, panglai gaw tinang hta rawng ai masha chyasi ni hpe bai dat ya wu ai. Si hkrung si htan hte si ai ni nga ai katsan ga mung, shanhte hta rawng ai masha chyasi ni hpe bai dat ya mu ai. Shanhte gaw tinang galaw lai wa sai arawn alai hte maren, tara daw dan ai hkrum ma ai.

SHINGRAN 20:14

Shaloi si hkrung si htan hte si ai ni a katsan ga gaw, wan nawng hta jahkrat bang kau ai hkrum ma ai. (Dai wan nawng gaw lahkawng lang ngu na si ai lam rai nga ai.)

SHINGRAN 3:7

“Bai, Hpiladehpi mare na hpung a lamu kasa hpe ning ngu ka dat u: “Ndai gaw, Chyoi pra ai hte tengman ai wa, Dawi a sumsaw lang ai wa, kadai n la da lu hkra hpaw da nna, kadai n hpaw lu hkra la da ai wa kaw na mungga rai nga ai.

SHINGRAN 4:9

Dai dusat mali gaw, tingnyang hta dung nga nna htani htana prat dingsa asak hkrung nga ai Madu a hpung shingkang arawng sadang hte chyeju hpe mahkawn shakawn ai shaloi,

SHINGRAN 5:14

Shaloi dai dusat amyu mali gaw, “Amen!,” nga nna htan ma ai; salang ni mung dingnyawm nna nawku ma ai.

SHINGRAN 6:8

Bai, ngai yu dat yang, asit awat nsan ai gumra langai mi nga nga ai. Dai hpe jawn ai wa a mying gaw Si Du rai nga ai. Shi a hpang e Katsan Ga mung htep htep hkan nang nga ai. Shanhte gaw, mungkan ga a htam mali na htam mi hta nga ai masha ni hpe majan hte, hkuwa kaba hte, ana zinli hte, matse labye dusat ni hte zingri sat kau na ahkang lu da ma ai.

SHINGRAN 9:1

Bai, manga ngu na lamu kasa gaw, shi a pahtau dum dat wu ai. Shaloi, lamu de nna ga ntsa de shagan langai mi di hkrat wa ai hpe ngai mu nngai. Dai shagan hpe dai sung htum ai shara na nhkun a sumsaw ap ya wu ai.

1 SAMUELA 2:6

Dai Madu gaw sat kau ai hte asak bai jahkrung ya nga ai; shi gaw amyu masha ni hpe katsan ga de shayu kau nna, shanhte hpe bai woi la nga ai.