SHINGRAN 1:17 - Jinghpaw Common Language Bible 2009

¹⁷ Dai wa hpe ngai mu jang, shi a lagaw nhpang e si ai wa zawn ngai kadawng taw mat nngai. Shi gaw shi a hkra lata nye a ntsa e mara ya nna, “Hkum hkrit et! Ngai gaw ningshawng wa mung, jahtum wa mung rai nga nngai.

Jinghpaw Hanson Version Bible

¹⁷ Dai wa hpe mu jang, shi a lagaw nhpang e si ai wa zawn ngai kadawng taw mat nngai. Shi gaw shi a hkra lata nye a ntsa e mara ya nna, Hkum hkrit et, ngai gaw ningshawng wa mung, jahtum wa mung, rai nga ai hte,

SHINGRAN 1:17 ပူးပေါင်းရင်းမြစ်များ

NINGPAWT NINGHPANG 15:1

Dai hpang Abram gaw shingran langai mu ai hte dai Madu gaw shi hpe, “Abram e, hkum hkrit et, hkrit hpa shara kaw na nang hpe ngai makawp la nna nang hpe kumhpa kaba jaw na we ai,” ngu nna tsun ai ga hpe na wu ai.

SHAKAWN KUNGDAWN 139:5

Nang gaw ngai hpe jut shagu kaw nna na a daru magam n-gun hte ngai hpe makawp maga nga ndai.

PRU MAT 14:13

Mawshe chyawm gaw, “Hkum hkrit myit! Amu sha nga mu. Dai ni na nhtoi hta, nanhte hpe hkye hkrang la ai amu dai Madu galaw na ra ai hpe nanhte mu lu na marin dai; dai Egutu masha ni hpe galoi mung bai mu lu na manit dai n rai.

PRU MAT 20:20

Mawshe gaw, “Hkum hkrit myit; Karai Kasang gaw nanhte hpe chyam yu na matu du sa nu ai rai nna, shi a ga hpe tut nawng madat shangun mayu nga ai, shaloi nanhte yubak n galaw hkrup na rai myit dai,” ngu nna htan wu ai.

PRU MAT 3:6

Ngai gaw na a nji nwa ni rai nga ai Abraham, Isak hte Yaku ni a Karai Kasang rai nga nngai,” ngu nna tsun wu ai. Dai rai nna Mawshe gaw Karai Kasang hpe yu na hkrit wu ai majaw shi a myi man hpe magap da wu ai.

ESAIA 41:10

Hkum hkrit et-Ngai nang hte rau rai nga nngai! Ngai gaw na a Karai Kasang rai nga nngai-nang hpe hpa mung n jahkrit shama u ga! Ngai gaw nang hpe n-gun shaja ya ai hte karum la na nngai; Ngai gaw nang hpe makawp maga ai hte hkye la na nngai.

ESAIA 41:4

Ndai zawn re ai hpe shabyin dat ai wa gaw kadai rai nga a ta? Masha ban hte ban a labau hpe kadai gawn dan a ta? Dai Madu ngai gaw shawng npawt e nga nga nngai, Dai Madu ngai gaw ahpang jahtum e mung nga nga na nngai.

ESAIA 44:6

Israela hpe up nna makawp maga nga ai dai Madu Chyahtum Chyalai N-gun rawng ai dai Madu gaw ning ngu tsun nga ai: “Ngai gaw shawng ningshawng wa hte ahpang jahtum ngu ai Karai Kasang rai nga nngai; ngai hta lai karai shaje n nga nga ai.

ESAIA 48:12

Dai Madu gaw, “Ngai shaga la sai Israela amyu masha ni e, nye a ga madat mu! Ngai gaw Karai Kasang rai nga nngai, shawng na wa mung, hpang jahtum na wa mung rai nga nngai, ngai chyu sha Karai Kasang rai nga nngai!

SHARUNG SHAYAWT 3:57

Nang gaw ngai hpe hpa hkrit tsang shara n nga ra ai nga nna htan ni ai hte tsun nit dai.

EZEKELA 1:28

dai yawng a ntsa e htoi tu ai nsam gaw n-goi latum a nsam ni rai nga ai. Dai gaw dai Madu a hpung shingkang dan hkung ai nsam hpe shapraw dan ai shi a htoi kabrim ai shara rai nga ai. Dai lam hpe ngai mu ai shaloi, ngai gaw ga ntsa e myi man dagup da nngai. Dai hpang nsen langai hpe ngai na nngai. Dai lam hpe ngai mu ai shaloi, ngai gaw ga ntsa e myi man dagup da nngai. Dai hpang ngai gaw nsen langai na nngai.

Daniela 10:12

Dai hpang shi gaw, “Daniela e, hkum hkrit et. Karai Kasang gaw chye na hkawn hkrang ai lam hkam la na hte nang hkum nan shagrit shanem na matu nang daw dan ai shawng shani kaw nna pyi na a akyu hpyi ga hpe na ya nit dai; Na a akyu hpyi ga hpe htan ya na, ngai du sa nngai.

Daniela 10:15

Dai lam hpe shi tsun nga yang, ngai gaw ga de yu mau ai hte hpa mung n shaga ai sha nga nga nngai.

HABAKU 3:16

Ngai gaw dai amu ni yawng a lam na nngai, ngai hkrit gari nga nngai; nye a nten ni hkrit ai hte gari ashun nga li ai. Nye a hkum gayaw hten htu nga ai, nye a lagaw ahtu kataw nga ai. Karai Kasang gaw anhte hpe gasat ai ni hpe ari jaw na ra ai shaloi, ngai gaw dai aten du wa na hpe atsin sha ala nga na nngai.

MAHTE 14:27

Shaloi jang Yesu gaw, “Myit n kaji ai sha apyaw sha nga mu; ngai she rai nngai; hkum hkrit nga myit,” ngu nna shanhte hpe tsun mu ai.

MAHTE 28:4

Sin ai ni nau hkrit kajawng mat ai majaw, shanhte gari gawa rai nna, si ai masha zawn rai mat ma ai.

MAHTE 28:5

Dai lamu kasa mahtang numsha yan hpe tsun mu ai gaw, “Nan hkum hkrit myit, wudang hta jen da sai Yesu hpe, nan tam nga myit dai hpe ngai chye nga nngai.

YAWHAN 13:23

Shaloi Yesu tsaw ra ai sape langai mi gaw, Yesu a hkra maga de yep rai dung nga ai.

YAWHAN 21:20

Shaloi Petru kayin yu u yang, Yesu tsaw ra ai sape ngu ai shawng de shana shat sha nga ai shaloi, Yesu a sinda hta shamyet nna, “Madu e nang hpe ap kau na wa gaw kadai mahtang rai ta?,” nga nna san ai sape hkan nang nga ai hpe, mu wu ai.

SHINGRAN 1:11

Dai nsen gaw, “Nang mu ai hte maren laika hta ka la nhtawm, dai laika hpe Ehpesu, Samurna; Pergamu, Htuatira, Sardi, Hpiladehpi hte Ladoki mare ni hta nga ai hpung sanit hpang de shagun dat u,” nga ai.

SHINGRAN 1:4

Ngai Yawhan gaw Asi mungdaw hta nga ai hpung sanit hpang de laika ka dat nngai. Ndai prat, moi prat, htawm hpang prat ni hta anga nga ai Karai Kasang kaw nna mung, shi a tingnyang man e nga ai Wenyi sanit hte kaw nna mung,

SHINGRAN 1:8

Ngai gaw ningshawng wa mung rai nga nngai, jahtum wa mung rai nga nngai, nga nna ndai prat e mung, moi prat e mung, du na ra ai htawm hpang prat e mung anga nga ai Chyahtum Chyalai n-gun atsam rawng ai Madu Karai Kasang gaw tsun nga ai.

SHINGRAN 2:8

“Samurna hpung a lamu kasa hpe ning ngu ka dat u: “Ndai gaw, ningshawng wa hte jahtum wa, si sai rai ti mung asak bai hkrung wa ai wa kaw na mungga rai nga ai.

SHINGRAN 22:13

Ngai gaw Alhpa hte Omega, npawt nhpang mung, hpang jahtum mung rai nga nngai.”