SHINGRAN 1:16 - Jinghpaw Common Language Bible 2009

¹⁶ Shi a lata hta shagan sanit lang da wu ai; shi a n-gup kaw na nshan lahkawng maga dai ai ntawng nhtu pru nga ai. Shi a myi man gaw htoi kang ai shani chyingtung na jan zawn tu ala nga ai.

Jinghpaw Hanson Version Bible

¹⁶ Shi a hkra lata hta shagan sanit lang da wu ai; shi a n-gup hta na nshan lahkawng dai ai ntawng nhtu pru nga ai; shi a myi man gaw htoi kang ai jan zawn tu ala nga ai.

SHINGRAN 1:16 ပူးပေါင်းရင်းမြစ်များ

YOBA 38:7

Dai shani a jahpawt nhtoi htoi wa ai aten hta shagan ni rau sha mahkawn shakawn nna, sumsing sha ni kabu gara jahtau garu ma ai.

SHAKAWN KUNGDAWN 45:3

N-gun chyalai rawng ai hkawhkam wa e, na a nhtu hpye u; nang gaw hpung shingkang hte daru magam hpring nga ai wa rai nga ndai.

Shawlumon A Mahkawn Ga 6:10

Jahpawt manap nhtoi zawn praw rai mada yu ai gaw kadai wa rai ta? Shi gaw jan shata zawn htoi tu nga ai rai nna tsawm htap ai hte kabrim nga ai.

ESAIA 11:4

shi gaw matsan mayan ni hpe rap ra ai hku tara jeyang nna matsan mayan hkrum ai ni a ahkaw ahkang hpe makawp maga ya na ra ai. Shi a hkang da ai ga hte maren amyu masha ni ari jaw ai hkrum nna, n hkru ai masha ni si mat na mara ai.

ESAIA 24:23

Shata gaw sin mat wa na ra ai, ajan mung htoi na ra ai n rai, hpa majaw nga yang, Chyahtum Chyalai N-gun rawng ai dai Madu gaw hkawhkam tai na ra ai. Shi gaw Ziun Bum ntsa na Yerusalem hta up nga na ra ai, amyu masha ni a ningbaw ni gaw shi a hpung shingkang hpe mu lu na mara ai.

ESAIA 49:2

Shi gaw nye a n-gup hpe dai ai nhtu zawn shatai nu ai. Shi a lata hte nan ngai hpe makawp maga da nga ai. Shi gaw ngai hpe lang na matu jin jin masen da ai pala zawn shatai nga ai.

Daniela 12:3

dai hpaji rawng ai ningbaw ni gaw lamu na htoi tu ai arai ni zawn mung, amyu masha law law hpe jaw ai hku amu galaw na lam sharin ya ai ni gaw shagan ni zawn htani htana htoi tu nga na mara ai.

Daniela 8:10

Dai gaw sumsing lamu a luksuk hpe htim gasat lu hkra n-gun law ram hkra kaba wa nga ai; shagan ni hta na nkau mi hpe ga de kabai kau nna kabye anut kau nga ai.

MALAHKI 4:2

Rai ti mung nye a ga madat ai nanhte a matu hkye hkrang la lu ai nye a daru magam n-gun gaw nanhte a ntsa e ajan zawn rawt wa nna, jan a shingkang ni zawn shamai shatsai ai lam du pru wa na ra ai. Nanhte gaw shalawt dat ai hkrum nna, ulawng kaw na pru wa ai dumsu kasha ni zawn kabu gara na rai myit dai.

MAHTE 17:2

Shaloi, shanhte a man e shi a ahpraw nsam galai mat wa ai hte, shi a myi man gaw, jan zawn htoi kabrim wa nna, shi a hpun palawng ni nhtoi zawn hpraw tu wa lu ai.

KASA 26:13

Jan pungding madi ai ten hta, Hkawhkam wa e, jan hta grau htoi tu ai nhtoi langai mi gaw dai lam e hkawm sa nga ai ngai hte nye a manang ni a grup yin lamu de na htoi tu pru ai hpe ngai mu nngai.

EHPESU 6:17

Bai hkye hkrang la ai lam hpe hpri gup chyawp zawn, hkap chyawp la nna, dai Wenyi e jaw ya ai Karai Kasang a mungga ngu ai nhtu hpe ahpye nga mu.

HEBRE 4:12

Hpa majaw nga yang, Karai Kasang a mungga gaw, ahkrung nga ai hte alet nga ai rai nna, nshan lahkawng maga dai ai hpa baw ntawng nhtu hta mung grau dai nga ai. Dai gaw wenyi hte myit masin hpe mung, nra hkrihkraw hte laswi hpe mung, yawng dinghkren ginhka chye nna masha a kraw lawang kata na maw mawn ai lam ni hte myit mamyit hte hpe jeyang hparan ya nga ai.

SHINGRAN 1:20

Nye a hkra lata hta nang mu lu ai shagan sanit hte ja pyengdin sanit a makoi magap da ai lachyum gaw da ndai rai nga ai: shagan sanit hte gaw hpung sanit hpe sin ai lamu kasa sanit rai nna, pyengdin sanit gaw dai hpung sanit rai nga ai.

SHINGRAN 10:1

Dai hpang, n-gun ja ai lamu kasa kaga langai mi sumsing lamu de nna yu hkrat wa ai hpe ngai mu nngai. Shi gaw sumwi hpe bu hpun nna shi a baw grup yin n-goi latum jung nga ai, shi a myi man gaw jan hte bung nga ai, shi a lagaw wan shadaw zawn rai nga ai.

SHINGRAN 12:1

Dai hpang lamu kata hta e mauhpa lamik kumla kaba langai mi dan pru wa ai. Numsha langai mi gaw jan lawai nna shata kabye ai hte, shagan shi lahkawng kap ai janmau gup tawn da nga ai.

SHINGRAN 19:15

Masha amyu baw ni hpe dang manga kau na matu, shi a n-gup hta na dai ai ntawng nhtu pru nga ai. Shi gaw shanhte hpe hpri sumdoi hte up na ra ai, Chyahtum Chyalai n-gun atsam rawng ai Karai Kasang a sindawng kahtet pawt bu ai ngu ai sabyi htumbyen hta shi kabye shup na ru ai.

SHINGRAN 19:21

Shanhte a hpyen luksuk ni hpe gaw, gumra jawn ai wa a n-gup hta na pru ai ntawng nhtu hte sat kau ai hkrum ma ai rai nna, u ni mahkra gaw shanhte a ashan hpe shanhte sha lu ai daram hkru hkru kat kat sha ma ai.

SHINGRAN 2:1

“Ehpesu mare hpung a lamu kasa hpang de ning ngu ka dat u: “Da ndai gaw, Hkra lata hta shagan sanit lang da nna, ja pyengdin sanit a ka-ang e lam hkawm ai wa kaw na mungga rai nga ai.

SHINGRAN 2:12

“Pergamu mare na hpung a lamu kasa hpe ning ngu ka dat u: “Ndai gaw nshan lahkawng maga dai ai ntawng nhtu lang ai wa kaw na mungga rai nga ai.

SHINGRAN 2:16

Dai re ai majaw ya jang na a yubak mara ni kaw na kayin wa rit! Dai n rai yang, ngai alawan nang kaw du nna, nye a n-gup hta na pru ai ntawng nhtu hte shanhte hpe gasat kau na mawe ai.

SHINGRAN 3:1

“Bai Sardi mare na hpung a lamu kasa hpe ning ngu ka dat u: “Ndai gaw, Karai Kasang a Wenyi sanit hte shagan sanit lang da ai wa kaw na mungga rai nga ai. Nang galaw ai amu hpe ngai chye nga nngai. Nang gaw asak hkrung shamu shamawt nga ai ngu nna, kajai gumhkawng nga timung, nang chyasi rai nga ndai.

TARA AGYI 3:16

Ehud gaw shi a matu dawng mi galu nna nshan lahkawng maga dai ai nhtu galaw nhtawm, hkra maga na shi a hpun palawng kata hta bang da wu ai.

TARA AGYI 5:31

O Madu e, na a gumlau hpyen ni yawng dai zawn si htum mat mu ga law, rai ti mung na a manang ni mahtang rawt lung wa ai ajan zawn htoi tu nga mu ga law! Dai mung hta shaning mali shi ning tup ngwi pyaw sim sa nga sai.