SHINGRAN 1:15 - Jinghpaw Common Language Bible 2009

¹⁵ Shi a lagaw yan mung wan hta jen kau sai magri kabrim tsawm ai zawn san nga ai; shi a nsen gaw wu kadu ai hka rum zawn wu ngoi nga ai.

Jinghpaw Hanson Version Bible

¹⁵ shi a lagaw yan gaw, wan htung hta jen kau sai magri jet zawn san nga ai; shi a nsen gaw, hka law law kadu ai nsen zawn wu nga ai.

SHINGRAN 1:15 ပူးပေါင်းရင်းမြစ်များ

SHAKAWN KUNGDAWN 93:4

Madu gaw nammukdara a ngoi kashaw ai hte panglai hka leng ni hta pyi grau nna daru magam n-gun rawng nga ai, sumsing lamu hta e tsaw htum ai hku up hkang nga ai.

ESAIA 17:13

Masha amyu baw ni gaw hka leng ni rawt hta wa ai zawn rawt lung wa ma ai, rai ti mung Karai Kasang gaw shanhte hpe daru ai shaloi shanhte gaw bum nhkrem hkan kap ai ga nhpu zawn, bung hpoi hta lawm nang ai yihku zawn htingnut mat wa nna gau kau hkrum nga ma ai.

EZEKELA 1:24

Shanhte pyen hkawm wa ai shaloi, dai singkaw a ngoi wu ai nsen gaw panglai hka wu kadu ai nsen zawn mung, hpyen luksuk kaba jahtau garu ai nsen zawn mung, Chyahtum Chyalai N-gun Rawng Ai Karai Kasang a nsen zawn nga nna wu kadu ai nsen hpe ngai na nngai; shanhte gaw pyen ai kaw na hkring ai shaloi, shanhte a singkaw ni hpe gumba bang da nga ma ai.

EZEKELA 1:7

Shanhte a lagaw ni malang nga ai, shanhte a lahkru ni gaw dumsu usu lahkru zawn rai nga ai. Shanhte gaw arut shatsawm tawn ai magri mang zawn htoi kabrim nga ai.

EZEKELA 40:3

Shi gaw ngai hpe grau ni htep hkra woi wa ai rai nna, dai yang e magri mang zawn htoi gala ai masha langai mi hpe ngai mu nngai. Dai wa gaw lachyit sumri hte shadawn ningren lang nna, chyinghka lam makau e tsap nga ai.

EZEKELA 43:2

dai yang e, Israela a Karai Kasang a htoi tu ai hpung shingkang gaw sinpraw maga de nna pru wa ai hpe ngai mu nngai. Karai Kasang a nsen mung panglai hka wu kadu ai nsen hte bung nna ginding aga gaw kabrim ai nhtoi hte htoi tu nga ai.

Daniela 10:6

Shi a hkum gaw lung seng zawn htoi leng nga ai. Shi a myi man mung myihprap wan zawn htoi gala nga nna shi a myi ni wan zawn grung nga ai. Shi a lahpum hte lagaw ni gaw kabrim ai magri zawn htoi leng ai hte shi a nsen mung shawa wunawng wuwa a shabam ai nsen hte bung nga ai.

SHINGRAN 10:1

Dai hpang, n-gun ja ai lamu kasa kaga langai mi sumsing lamu de nna yu hkrat wa ai hpe ngai mu nngai. Shi gaw sumwi hpe bu hpun nna shi a baw grup yin n-goi latum jung nga ai, shi a myi man gaw jan hte bung nga ai, shi a lagaw wan shadaw zawn rai nga ai.

SHINGRAN 14:2

Bai, sumsing lamu kata nna, hka rum ngoi kashaw ai nsen hte mu matut manoi htim yang na nsen zawn ngoi gunggang ai nsen hpe ngai na we ai. Dai nsen gaw, yu ngwi ninghkrin ni shanhte a tingse ni hpe dum dat ai shaloi ngoi pru wa ai mahku nsen hte bung nga ai.

SHINGRAN 19:6

Dai hpang, masha wunawng wuwa a nsen zawn nga nna pru wa ai nsen hpe ngai na nngai. Dai nsen gaw, Karai Kasang hpe shakawn kungdawn mu! Hpa majaw nga yang, “Dai Madu gaw, anhte a daru magam hpung shingkang rawng ai Karai Kasang ngu ai Hkawhkam wa shi rai nga ai!

SHINGRAN 2:18

“Htuatira mare na hpung a lamu kasa hpe ning ngu ka dat u: “Ndai gaw, wan shinglet zawn tu ala ai myi hte, arut shatsawm tawn ai magri htoi zawn san ai lagaw tu ai Karai Kasang a kasha kaw na mungga rai nga ai.