Shawlumon A Mahkawn Ga 8:11 - Jinghpaw Common Language Bible 2009

¹¹ Shawlumon gaw Bala Hamon mying ai shara hta sabyi sun langai lu ai. Shi kaw na sun shap galaw ai ni nga nga ma ai; dai ni langai hte langai gaw gumhpraw ahkying hkying jaw ma ai.

Jinghpaw Hanson Version Bible

¹¹ Shawlumon gaw Bala-hamon hkan e tsabyi sun langai mi nga ai; Shi gaw dai hpe sun sin ai ni a lata de ap ya mu ai: De a namsi sha lu ai majaw, langai hte langai gumhpraw hkying hkying jaw mu ai.

Shawlumon A Mahkawn Ga 8:11 ပူးပေါင်းရင်းမြစ်များ

NINGPAWT NINGHPANG 20:16

Shi gaw Sara hpe mung, “Na a kayung wa hpe gumhpraw hkying mi ngai jaw nga nngai; dai gaw nang nan mara n kap nga ai hpe nang hte rau nga ai ni yawng a man e sakse madun ai ja rai nna, masha shagu mung nang nan shut hpyit ai amu hpa mung n galaw shut kau nga ndai hpe chye lu na mara ai,” ngu nna tsun wu ai.

HPAJI NINGLI 2:4

Ngai gaw amu kaba ni shangut ni ai. Ngai hkum nan nta ni gap ai hte sabyi sun ni hkai da ni ai.

Shawlumon A Mahkawn Ga 1:6

Ngai hpe jan katen hkra mat ai majaw mung, nye a nsam galai mat ai majaw mung ngai hpe hkum yu kaji nga et. Nye a kahpu kanau ni ngai hpe masin pawt ma ai rai nna, ngai hpe sabyi sun e amu galaw shangun ma ai. Nye a hkum hpe yu lajang na aten chyawm gaw n lu nngai.

Shawlumon A Mahkawn Ga 2:3

Maling htinggram hpun ni a lapran tu ai ja magaw hpun langai zawn, ngai tsaw ra dik htum ai wa mung kaga lasha ni hte shadawn dingdaw lu nga ai. de a asi gaw nye a namchyim hta dwi nga ai rai nna, de a shingnip hta dung nga na ngai tsaw nngai.

Shawlumon A Mahkawn Ga 7:12

An gaw jahpawt jau rawt nna sabyi ru tu wa, n tu wa ai hpe mung, pu majawm, n majawm ai hpe mung, hkainu si hpun ni pu ai, n pu ai hpe mung sa mada yu ga. Dai yang e, nye a tsaw ra myit nang hpe ap ya na de ai.

Shawlumon A Mahkawn Ga 8:12

Shawlumon gaw gumhpraw hkying hkying hkap la nna, hkauna galaw sha ai ni mahtang lahkawng tsa tsa shanhte a gambum hku lu la ma ai. Ngai gaw nye a sabyi sun majing lu nga a hka!

ESAIA 7:23

“Dai aten du ai shaloi, gumhpraw hkying mi hte ging ai sabyi ru hkying mi tu ai ja kat ai sabyi sun ni gaw ju sumwum hte ju hpun ni hte tu ka-up kau na ra ai.

MARKU 12:1

Dai shaloi ga shadawn hte shanhte hpe tsun mu ai gaw, “Masha langai mi sabyi sun langai mi hkai sharam da nna, de a grup yin e nhpan kum da ai hte sabyi shup na matu htung htu da nna langchyi langai mi gap da wu ai. Dai hpang shi gaw sun shap galaw ai ni hpe boi ya da nna kaga mung de hkawm sa mat wa ai.