Shawlumon A Mahkawn Ga 5:7 - Jinghpaw Common Language Bible 2009

⁷ Mare sin hkawm ai ni ngai hpe mu nna, ngai hpe kayat jahpye mi ai; mare bunghku sin langa ni nye a palawng hpe gang je kau ya ma ai.

Jinghpaw Hanson Version Bible

⁷ Mare sin hkawm ai ni gaw ngai hpe mu hkrup nna, Ngai hpe kayat jahpye mi ai: Bunghku sin ai ni gaw, nye a myi man magap kashun la ya ma ai.

Shawlumon A Mahkawn Ga 5:7 ပူးပေါင်းရင်းမြစ်များ

SHAKAWN KUNGDAWN 141:5

Mai kaja ai masha wa gaw ngai hpe ari jaw u ga, shawang myit kaba hte ngai hpe daru sharin nga u ga, rai ti mung, shanhte a n hkru ai sat lawat ni hpe ninghkap na, tut nawng e, ngai akyu hpyi nga nngai majaw, n hkru ai masha ni a shagrau sha-a ai lam hpe galoi mung ngai hkap la na n rai.

Shawlumon A Mahkawn Ga 3:3

Mare gawan hkawm ai sin langa ni ngai hpe mu ma ai. Ngai gaw shanhte hpe, “Nye a tsaw ra wa hpe mu myit ni?,” ngu nna san we ai.

Shawlumon A Mahkawn Ga 5:6

Nye tsaw ra a matu ngai chyinghka hpaw dat nngai, rai ti mung shi hkawm mat wa sanu hka! Shi a nsen hpe ngai kade sha na mayu nga n hka! Ngai shi hpe tam yu tim, n mu tam lu ni ai; shi hpe shaga tim, shi htan ya na matu na ai n rai.

Shawlumon A Mahkawn Ga 5:8

Yerusalem numsha ni e, ngai hpe ga sadi jaw mi, nanhte rai nna nye a tsaw ra hpe mu myit yang, sumtsaw myit machyi ai a majaw ngai hta n-gun kya nga ai lam shi hpe tsun dan ya mi.

Shawlumon A Mahkawn Ga 8:11

Shawlumon gaw Bala Hamon mying ai shara hta sabyi sun langai lu ai. Shi kaw na sun shap galaw ai ni nga nga ma ai; dai ni langai hte langai gaw gumhpraw ahkying hkying jaw ma ai.

ESAIA 3:23

shanhte a kata palawng ni, lachyit hpajet du gyit sumpan hte shanhte a baw ni hpe magap ai za sumpan galu ni hpe la kabai kau ya ai nhtoi du wa na ra ai.

ESAIA 62:6

Yerusalem e, ngai gaw na a bunghku ntsa hkan e sin langa ni hpe tawn da ni ai; Shanhte gaw shani shana galoi mung atsin sha nga nga ma ai n rai. Shanhte gaw dai Madu shi a ga sadi ni hte Shi shanhte hpe galoi mung n malap kau u ga, shadum nga na rai ma ai.

HOSEA 6:5

Dai re ai majaw, ngai gaw nye a myihtoi ni hpe nanhte hpang de nye a tara dara na lam hte jahten shaza kau na mungga hte hpawn shangun dat se ai. Nanhte kaw na ngai ra ai lam gaw asan sha hte dan leng nga ai:

MAHTE 23:2

“Tara sara ni hte Hparishe ni gaw Mawshe a jep ai Tara hpe lachyum htai dan na ahkaw ahkang lu da ai ni rai ma ai.

LUKA 6:22

Masha ni nanhte hpe n dawng n yawt ai hte dai masha kasha a majaw shadaw jahka di kau nna asawng asang di ai hte, nanhte a mying hpe n hpru n mai ai arai hpe zawn tsun jahpyak hkrum myit yang, nanhte a lu myit dai.

YAWHAN 16:2

Shanhte gaw Tara Jawng ni hta na nanhte hpe gawt shapraw kau na mara ai. Nanhte hpe sat kau lu ai wa kadai mung, Karai Kasang a magam gun hpai nga nngai, nga nna myit la ai aten kaja wa du wa na ra ai.

2 KORINHTU 11:13

Dai masha ni gaw teng man ai “Kasa ni” n rai ma ai. Shanhte gaw Hkristu a kasa jet ni zawn san hkra hpyi hpun nhtawm masu hkalem bungli galaw ai ni rai ma ai.

HPILIPI 3:6

Myit lawm shakut sharang ai lam hpe tsun ga nga yang ngai gaw hpung hpe zingri zingrat ai wa rai nngai. Masha langai mi gaw jep ai Tara hpe hkan sa shadik nna ding hpring ai hpe lu la lu ai nga yang ngai hta mara n kap ai.

HEBRE 12:2

Anhte a makam masham hpe npawt ndung hkren jahkum shatsup ya ai wa Yesu hpe azi yu nga ga, Madu gaw shi hkam la na rai nga ai shi hpe ala nga ai dai kabu gara ai lam a majaw, dai wudang hta si hkam ai kaya kahpa hpe hpa zawn n nawn ai sha wudang lam hpe lata la nna ya Karai Kasang a tingnyang hkra maga de wa dung nga sai.