Shawlumon A Mahkawn Ga 5:6 - Jinghpaw Common Language Bible 2009

⁶ Nye tsaw ra a matu ngai chyinghka hpaw dat nngai, rai ti mung shi hkawm mat wa sanu hka! Shi a nsen hpe ngai kade sha na mayu nga n hka! Ngai shi hpe tam yu tim, n mu tam lu ni ai; shi hpe shaga tim, shi htan ya na matu na ai n rai.

Jinghpaw Hanson Version Bible

⁶ Nye tsawra ai wa matu, ngai hpaw nga yang, Ngai tsawra ai wa gaw kayin nna hkawm mat wa sai: Shi a ga dum let, ngai myit kahpra nga nngai: Ngai shi hpe tam timung, n mu, Shaga timung, n htan pru nga ai.

Shawlumon A Mahkawn Ga 5:6 ပူးပေါင်းရင်းမြစ်များ

NINGPAWT NINGHPANG 42:28

Shi gaw shi a kahpu ni hpe shaga la nhtawm, “Nye a gumhpraw ngai hpe bai bang ya mi ai. Dai gaw nang e nye a nhpye htingpa hta rawng nga li ai!,” ngu nna tsun wu ai. Shanhte mung myit mak mat nna hkrit gari let Karai Kasang anhte hpe hpa wa mi galaw nu ai kun?,” ngu nna shanhte shada da san hkat mu ai.

2 SAMUELA 16:10

Hkawhkam wa gaw Abishai hte shi a kahpu Yoab yan hpe, “Ndai gaw nan a bungli n rai nga ai: dai Madu shi hpe tsun shangun nga ai majaw shi ngai hpe matsa ai rai jang mung, shi shing nga ai hpe kadai wa san lu na ahkang lu nga a ta?,” ngu nna tsun wu ai.

SHAKAWN KUNGDAWN 28:1

Nye a dahpran shara rai nga ai Madu e, ngai nang hpe shaga nngai. Nye a hpyi jahtau ai nsen hpe madat ya e! Ngai shaga ai nsen hpe nang n htan ya ai rai yang, katsan ga e shang sa wa ai ni hta ngai lawm mat wa na nngai.

SHAKAWN KUNGDAWN 30:7

Madu e, nang gaw nye a ntsa e mai kaja nga nit dai; Nang gaw ngai hpe bum ntsa e de da ai hpyen dap langai mi hpe zawn makawp maga da nit dai. Rai ti mung, na a myi man hpe makoi kau ai shaloi, ngai hkrit kahpra mat nngai.

SHAKAWN KUNGDAWN 69:3

Ngai gaw karum la na matu marawn jahtau nngai majaw hki ba nga nngai, nye a yu hkraw mung machyi nga li ai. Nang karum la na hpe mada yu nga nngai majaw nye a myi ni mam mat li ai.

SHAKAWN KUNGDAWN 77:3

Ngai Karai Kasang a lam hpe myit yu ai shaloi, nsa kaba shaw nngai; ngai myit aru yu ai shaloi, myit ru myit yak ai lam hpe ngai hkam sha nga nngai.

SHAKAWN KUNGDAWN 80:4

Chyahtum Chyalai n-gun rawng ai Madu Karai Kasang e, nang gaw galoi du hkra, na a amyu masha ni a akyu hpyi ai ga ni a jaw e, pawt nga na n ni?

GA SHAGAWP 1:28

Shaloi e, nang gaw hpaji byeng-ya hpe shaga wa na rin dai; rai ti mung, ngai htan ya na nngai n rai. Nang gaw ngai hpe shara shagu hkan tam ti mung, ngai hpe mu tam na ndai n rai.

Shawlumon A Mahkawn Ga 5:2

Ngai yup pyaw nga yang, nye a myit masin hprang nga li ai. Chyinghka akawk nga ai nye a tsaw ra wa hpe ngai yup mang mu nngai. Nye a tsaw, nye a nja jan hte nye a hkrudu e, ngai shang wa n-ga. Nye a baw gaw numri hte madi nga ai; nye a kara mung saiwan hte bam nga ai.

Shawlumon A Mahkawn Ga 5:4

Nye a tsaw ra wa gaw shi a lata hte chyinghka jum da nga ai; shi ani sha nga ai majaw nye a masin htuk htak mat nngai.

Shawlumon A Mahkawn Ga 6:1

Numsha ni hta grau tsawm htum ai jan e, na a tsaw ra wa kade sa mat wa sata? Nang hpe anhte tam karum ya lu u ga, na a tsaw ra wa gara lam hku pru mat wa ai gaw, anhte hpe tsun dan mi.

ESAIA 12:1

Amyu masha ni gaw, “Madu e, ngai nang hpe shakawn kungdawn nngai! Nang gaw ngai hpe pawt sindawng nit dai, rai ti mung ya chyawm gaw nang ngai hpe shalan shabran ai hte galoi mung pawt bu na n rai nga ndai.

ESAIA 50:2

“Shanhte hpe hkye hkrang la na matu ngai shanhte hpang de sa ai shaloi, nye a amyu masha ni atsin sha nga ma ni? Ngai shaga yang hpa majaw shanhte n htan ma ni? Ngai gaw shanhte hpe hkye la na matu n-gun nau kya la nga a ni? Ngai gaw nye a ga hte panglai hpe hkun hkraw shangun lu ai hte hka nu ni hpe zaibru jang shatai lu nngai, shaloi dai hta rawng ai nga ni gaw hka n lu ai majaw si mat nga ai.

ESAIA 57:16

Ngai gaw nye a amyu masha ni hpe asak jaw da ni ai, ngai gaw shanhte hpe matut nna mara shagun na n rai, shanhte hpe htani htana pawt sindawng na n rai.

ESAIA 58:2

Shanhte gaw ngai hpe shani shagu nawku ma ai, shanhte gaw nye a lam ni hpe chye na matu hte nye a tara ni madat mara na matu grai sharawng ma ai lam tsun ma ai. Shanhte gaw shanhte hpe teng man ai tara ni jaw ya na matu hte ngai hpe nawku ai hta shanhte awng sharawng nga ai lam tsun ma ai,” ngu nna tsun ai.

ESAIA 8:17

Dai Madu gaw shi hkum nan shi a amyu masha ni kaw nna myi man makoi mat nu ai, rai ti mung ngai shi hpe kam hpa ai hte shi hpe myit mada nga nngai.

SHARUNG SHAYAWT 3:8

Ngai gaw karum la hkrum na matu aja wa jahtau nngai, rai ti mung Karai Kasang madat ya nga ai n rai;

HOSEA 5:15

“Ngai gaw shanhte shut kau ai yubak ni a matu law ram hkra re ai nni nkri hkam sha ai hte ngai hpe hkan tam wa ai aten du hkra, nye a amyu masha ni hpe kau da na nngai. Shanhte hkam sha ai nni nkri a majaw shanhte ngai hpe mahkoi tam shakut wa na ma ai nhten.”

HOSEA 5:6

Shanhte gaw dai Madu hpe shagu hkungga ni nawng ya na matu shanhte a sagu dumsu la sa ma ai, rai ti mung dai gaw shanhte hpe mai kaja ai lam galaw ya lu ai n rai. Shanhte gaw shi hpe n mu tam lu ma ai, hpa majaw nga yang shi gaw shanhte kaw na pru mat wa nu ai.

ZEHKARIA 7:13

Ngai ga tsun yang, shanhte n madat nga ma ai majaw shanhte hpyi nem yang ngai n htan ya na we ai.

MAHTE 26:75

Dai rai nna Petru gaw, “U garai n goi yang, nang ngai hpe n chye nngai nga nna masum lang nyet kau na rin dai,” nga nna Yesu tsun ai ga hpe bai myit dum dat wu ai. Shaloi shi gaw shinggan de pru nna ja ja hkrap nga ai.

MARKU 14:72

Shaloi jang dai u lahkawng bat goi nga ai. Dai rai nna Petru gaw, “U lahkawng lang garai n goi yang, nang ngai hpe masum lang nyet kau na rin dai,” nga nna Yesu shi hpe tsun ai ga dum dat ai hte rau hkrap gumpye taw nga ai.

SHINGRAN 3:19

Ngai gaw ngai tsaw ra ai ni yawng mayawng hpe daru sharin nna ari jaw nga nngai. Dai re ai majaw, nang myit n-gun marai shaja nga u, myit malai lu u.

1 SAMUELA 28:6

shi hpa galaw na lam dai Madu hpe san wu ai. Rai ti mung dai Madu gaw shi hpe yup mang hta mung, Urim hte Htumim lang ai hta mung, myihtoi ni hta mung mahtai loi mi mung n jaw ya wu ai.