Shawlumon A Mahkawn Ga 5:5 - Jinghpaw Common Language Bible 2009

⁵ Shi hpe shang wa shangun na matu ngai shajin da nngai. Nye a lata ni hta mura sau chya da nngai, ngai gaw chyinghka htinggrang hpe jum da nga yang, nye a lata layung ni hta na mura sau kapya nga ai.

Jinghpaw Hanson Version Bible

⁵ Ngai tsawra ai wa a matu hpaw ya na, ngai rawt nngai; Nye a lata na mura sau, nye layung ni hta na, mura sau jet, Chyinghka htinggrang ni a ntsa e, hkrat kapya nga ai.

Shawlumon A Mahkawn Ga 5:5 ပူးပေါင်းရင်းမြစ်များ

Shawlumon A Mahkawn Ga 1:16

Ngai tsaw ra dik htum ai wa e, nang gaw kade sha tsawm htap nga n hka! Nang gaw ngai hpe kade sha ra sharawng nga n hka! Tsit lali ai tsingdu pa gaw an a yup ra tai na ra ai;

Shawlumon A Mahkawn Ga 3:6

Mura, lawban hte hpaga ga ai ni dut ya ai manam pyaw ai baw amyu myu gaw, wan hkut shadaw zawn zaibru jang na pru wa ai gaw hpa rai nga a ta?

Shawlumon A Mahkawn Ga 5:13

Shi a shabyi ni gaw tsi ru hpun ni hte namji namya ni hte hpring nga ai hkai sun langai zawn tsawm htap nga ai. Shi a nten gaw hka law pan hte bung nna, mura sau kapya bun ai zawn madi nga ai.

Shawlumon A Mahkawn Ga 5:2

Ngai yup pyaw nga yang, nye a myit masin hprang nga li ai. Chyinghka akawk nga ai nye a tsaw ra wa hpe ngai yup mang mu nngai. Nye a tsaw, nye a nja jan hte nye a hkrudu e, ngai shang wa n-ga. Nye a baw gaw numri hte madi nga ai; nye a kara mung saiwan hte bam nga ai.

LUKA 12:36

Hkungran poi de nna tinang a madu bai wa nna chyinghka wa akawk yang kalang lata hpaw ya na matu ala nga ai shangun ma ni zawn rai nga mu.

2 KORINHTU 7:7

Titu du sa ai majaw sha n rai, shi hpe nanhte gara hku hkap n-gun jaw la ai lam shana dan mi ai majaw mung, anhte myit pyaw ai lam hkam la lu ga ai. Dai hta n ga, nanhte gaw ngai hte mu hkrum na matu gade marit nga ai lam, nanhte gade yawn madai nga ai lam, ngai hpe makawp maga la na matu gade shajin da sai lam anhte hpe tsun dan mi ai majaw mung, ngai ya grau na pyi kabu gara myit pyaw nga nngai.

EHPESU 3:17

makam masham a marang e Hkristu gaw nanhte a myit masin ni hta shi a shanu shara shatai u ga, hte tsaw ra myit hta ru jung npawt gaw da let,

SHINGRAN 3:20

Yu u! Ngai gaw chyinghka akawk let tsap nga nngai: nye a nsen na nna chyinghka hpaw ya ai wa kadai kaw rai ti mung, ngai shang nna shi hte rau lu rau sha na nngai, shi mung ngai hte rau lu rau sha lu na ra ai.