Shawlumon A Mahkawn Ga 5:2 - Jinghpaw Common Language Bible 2009

² Ngai yup pyaw nga yang, nye a myit masin hprang nga li ai. Chyinghka akawk nga ai nye a tsaw ra wa hpe ngai yup mang mu nngai. Nye a tsaw, nye a nja jan hte nye a hkrudu e, ngai shang wa n-ga. Nye a baw gaw numri hte madi nga ai; nye a kara mung saiwan hte bam nga ai.

Jinghpaw Hanson Version Bible

² Ngai yup pyaw nga timung, nye myit dum nga ai: Ngai tsawra ai wa gaw, Ngai jan, nye nja jan, Nye hkrudu, ra n rawng ai nye a num e, hpaw ya e law: Nye baw gaw mari hte, nye kara gaw shana na saiwan hte madi nga ai, nga nna akawk let tsun nga ai.

Shawlumon A Mahkawn Ga 5:2 ပူးပေါင်းရင်းမြစ်များ

NINGPAWT NINGHPANG 29:20

Yaku gaw Rahkela a matu sanit ning galaw jaw wu ai rai nna shi hpe lu la ang nu ai. Shi mahtang Rahkela hpe tsaw ra wu ai majaw shi a matu nhtoi kade ya n na ai zawn nawn kau wu ai.

SHAKAWN KUNGDAWN 119:1

Dai Madu a hkang da ai tara hte maren, mara n kap ai hku asak hkrung nga ai ni gaw a lu ma ai.

SHAKAWN KUNGDAWN 81:10

Ngai nanhte hpe Egutu mung kaw nna shapraw la ai nanhte a Madu Karai Kasang rai nga nngai. Nanhte a n-gup ni hpe mahka mu, ngai nanhte hpe lusha jaw na mawe ai.

GA SHAGAWP 23:26

Sha e, atsawm sha madat la u; nye a asak hkrun lam gaw na a matu kasi tai shangun u.

Shawlumon A Mahkawn Ga 1:16

Ngai tsaw ra dik htum ai wa e, nang gaw kade sha tsawm htap nga n hka! Nang gaw ngai hpe kade sha ra sharawng nga n hka! Tsit lali ai tsingdu pa gaw an a yup ra tai na ra ai;

Shawlumon A Mahkawn Ga 2:10

Nye a tsaw ra nja wa ngai hpe ga shaga nga ai. Nye a nja jan e, sa rit; nye a tsaw jan e, ngai hte rau sa wa ga.

Shawlumon A Mahkawn Ga 2:14

Nang gaw lungkrawp hkan makoi nga ai hkrudu zawn rai nga ndai. Tsaw ra mai ai na a myi man ngai mu lu n-ga; na a ngwi ngawn ai nsen hpe na lu n-ga law.

Shawlumon A Mahkawn Ga 2:8

Nye a tsaw ra nja wa a nsen hpe ngai na nngai. Shi gaw bum ni hpe kagat lai nna kawng ni hpe shingtawt ai hte ngai kaw du sa ai.

Shawlumon A Mahkawn Ga 3:1

Nye a yup ra ntsa e yup nga yang, lana mi a hpang lana mi hta ngai tsaw ra ai wa hpe yup mang mu nngai; Ngai shi hpe tam yu ti mung n mu lu nngai.

Shawlumon A Mahkawn Ga 4:7

Nye a nja jan e, nang gaw kade sha tsawm htap nga n hka! Nang gaw kade sha hkum tsup nga n hka!

Shawlumon A Mahkawn Ga 4:9

Nye a nja jan, nye a num nnan e, na a myi ni hte yu ai nsam hte nang gali da ai kachyi gaw nye a myit masin hpe lagu madu la kau ya nga sai.

Shawlumon A Mahkawn Ga 5:11

Shi a myi man gaw magri mang nsam hte bung nna manen nga ai; shi a kara gaw magyi ai rai nna, uhka zawn chyang nga ai.

Shawlumon A Mahkawn Ga 5:6

Nye tsaw ra a matu ngai chyinghka hpaw dat nngai, rai ti mung shi hkawm mat wa sanu hka! Shi a nsen hpe ngai kade sha na mayu nga n hka! Ngai shi hpe tam yu tim, n mu tam lu ni ai; shi hpe shaga tim, shi htan ya na matu na ai n rai.

Shawlumon A Mahkawn Ga 6:9

Rai ti mung, ngai gaw langai hpe chyu sha tsaw ra ai rai nna, shi gaw hkrudu zawn tsawm htap nga ai. Shi gaw shi hpe shangai ai kanu a shayi sha rai nna kanu grai tsaw ra ai ma rai nga ai. Numsha ni yawng shi hpe yu nna shakawn ma ai; hkawhkam jan ni hte lashi num ni shi hpe mahkawn shakawn ma ai.

Shawlumon A Mahkawn Ga 7:9

na a n-gup gaw jet htum ai sabyi ntsin hte bung nga ai. Shing rai, dai sabyi ntsin gaw nye a nja jan hpang de ading sha lwi yu wa nhtawm, shi a nten ni hte awa ni de lwi du nga ai.

Shawlumon A Mahkawn Ga 8:7

Hka gaw dai hpe sat kau lu ai n rai; hka mawru pyi dai hpe n lim kau lu nga ai. Rai ti mung, tsaw ra myit hpe sut gan hte mari la lu ai wa kadai mung n kaw n law re ai hkrai di hkrum na ra ai.

ESAIA 50:6

Ngai hpe kayat ai ni hpe nye a shingma shakrin ja ya nngai. Shanhte ngai hpe n kaw n law di nna, nye a nhka mun ni hpe gang baw ai hte nye a myi man hpe mayen mahtaw bun ai shaloi, ngai shanhte hpe jahkring we ai n rai.

ESAIA 52:14

Shanhte gaw shi hpe mu ai shaloi, amyu masha law law hte gaw mau kajawng mat ma ai; shi gaw shinggyim hkum hkrang hte grai shai mat hkra, gawng shingyan hten mat nga ai.

Daniela 8:18

Shi ga shaga nga yang, ngai gaw ga e kadawng taw mat nna, n dum mat nngai. Rai ti mung shi ngai hpe sa jum nna rawt tsap shangun let,

ZEHKARIA 4:1

Ngai hpe ga shaga yu sai dai lamu kasa gaw ngai kaw bai sa du nna yup pyaw nga ai hpe jasu ai zawn ngai hpe jasu nna shi gaw,

MAHTE 7:8

Hpa majaw nga yang, hpyi ai wa kadai mung lu la ai; tam ai wa kadai mung mu la ai; akawk ai wa hpe mung chyinghka hpaw ya na wu ai.

MAHTE 8:17

Dai gaw, “Shi hkum nan anhte a machyi makaw hte ana ahkya ni hpe gun la kau nu ai,” nga nna myihtoi Esaia tsun ai ga dik wa u ga, byin wa ai rai nga ai.

MARKU 1:35

Hpang jahpawt manap jau jau e, nhtoi garai n htoi yang shi yup rawt nna nta na pru mat wa ai. Shi gaw mare kata na pru nhtawm machyi shim ai shara de sa wa nna dai yang e akyu hpyi nga ai.

LUKA 22:44

Myit masin hta dik hkra nni nkri hkrum nga ai majaw, shi grau nna akyu hpyi shaja wu ai. Shi a salu salat mung sai kahte ni zawn ga de hkrat lu ai.

LUKA 6:12

Dai nhtoi hte hta Madu Yesu gaw akyu hpyi na nga, dai bum de pru sa wa nna, shana tup Karai Kasang kaw akyu hpyi let nga nga ai.

LUKA 9:32

Petru hte shi a manang yan gaw yup shamwi taw nga ma ai, rai ti mung, dum hprang wa yu yang, shi a hpung shingkang hte shi hte rau tsap nga ai masha lahkawng hpe mu ma ai.

YAWHAN 10:4

Sagu ni hpe shapraw nhtawm sagu ni a shawng e sa wa ai rai nna, sagu ni mung shi a nsen hpe chye chyap ma ai majaw shi kaw hkan nang ma ai.

GALATI 2:20

Dai rai nna ngai hkum nan naw hkrung nga nngai n rai; Hkristu she ngai hta e asak hkrung nga ai. Ndai ya e ngai hkrung nga ai asak gaw, ngai hpe tsaw ra nna nye a matu mara shi a asak nawng kau ai Karai Kasang a Kasha hpe kam sham ai a marang e hkrung nga ai asak rai nga ai.

EHPESU 5:14

Hpa majaw nga yang, asan sha shadan shadawng da ai arai ni gaw nhtoi tai nga ai. Dai majaw, “Yup pyaw ai wa e rawt u, si ai kaw na bai rawt wa nu; Hkristu gaw nang hpe jahtoi jaw na ra ai,” nga nna tsun ai.

SHINGRAN 14:4

Dai ni gaw numsha ni hte awu asin n rai yu ai lasha ni rai nga ma ai; shanhte gaw brang jet ni rai nga ma ai. Shanhte gaw Sagu Kasha sa ai shara shagu hkan hkan nang ma ai. Shanhte gaw shinggyim masha ni hta na hkye hkrang la hkrum sai ni rai nna Karai Kasang hte Sagu Kasha kaw shawng sak nawng da sai ni rai nga ma ai.

SHINGRAN 3:20

Yu u! Ngai gaw chyinghka akawk let tsap nga nngai: nye a nsen na nna chyinghka hpaw ya ai wa kadai kaw rai ti mung, ngai shang nna shi hte rau lu rau sha na nngai, shi mung ngai hte rau lu rau sha lu na ra ai.

SHINGRAN 3:4

Rai ti mung Sardi hpung hta tinang a hpun palawng ni hpe awu asin n shakap ai ni nkau mi lawm nga lit dai. Shanhte gaw ging dan ai ni rai nga ma ai majaw, hpraw ai bu hpun let, ngai hte rau hkawm sa lu na mara ai.