Shawlumon A Mahkawn Ga 5:15 - Jinghpaw Common Language Bible 2009

¹⁵ Shi a magyi ni gaw aja machyaw hta shadun ai lung hpraw shadaw ni rai nga ai. Shi gaw Lebanon bum ni hte tsaw ai marau hpun ni zawn dan hkung ai hte hpung rawng nga ai.

Jinghpaw Hanson Version Bible

¹⁵ Shi a lagaw, ja jet machyaw hta shadun ai, lunghpraw shadaw hte bung nga ai; Shi a arawng, Lebanon bum hte arit hpun zawn dan hkung nga ai.

Shawlumon A Mahkawn Ga 5:15 ပူးပေါင်းရင်းမြစ်များ

1 HKAWHKAM 4:33

Shi gaw Lebanon bum ga na marau hpun kaw nna bunghku ntsa e tu ai husup hpun ni du hkra hpe tsun nga ai; shi gaw yam nga ashu ashan ni a lam, u amyu myu ni a lam, gumrawt hkawm ai baw hte nga amyu ni a lam hpe mung tsun nga ai.

SHAKAWN KUNGDAWN 80:10

Dai gaw kawng ni hpe, shi a shingnip hte hkung ka-up nga ai; de a lakung ni mung kaba la ai arit hpun ni hpe htawng nga sai.

SHAKAWN KUNGDAWN 92:12

Ding hpring ai masha ni gaw namhtan hpun ni zawn bawng ring wa nna; Lebanon a arit hpun ni zawn shanhte tu kaba wa na mara ai.

SHAKAWN KUNGDAWN 92:13

Dai ni gaw Madu a nta hta hkai da nna, anhte a Karai Kasang a Htingnu hta lali tsawm nga ai hpun ni hte bung nga ma ai.

PRU MAT 26:19

gumhpraw machyaw mali shi hte hpunpyen pa shagu a htumpa hta dawhkai lahkawng hte shangang da lu na matu machyaw lahkawng hkawng bang na rai nga ai.

Shawlumon A Mahkawn Ga 2:14

Nang gaw lungkrawp hkan makoi nga ai hkrudu zawn rai nga ndai. Tsaw ra mai ai na a myi man ngai mu lu n-ga; na a ngwi ngawn ai nsen hpe na lu n-ga law.

Shawlumon A Mahkawn Ga 4:11

Nye a tsaw jan e, na a nten gaw gitbaw na yu hkrat ai lagat jahku namta zawn rai nga ai; na a shinglet gaw nye a matu ngachyu hte lagat ntsin zawn rai nga ai. Na a hpun palawng gaw Lebanon na nngawt bat mahkra hta manam pyaw nga ai.

Shawlumon A Mahkawn Ga 7:4

Na a du gaw magwi kawng langchyi hte bung nga ai. na a myi ni gaw Heshbon mare dai mare kaba a chyinghka makau na hka lawng ni hte bung nga ai. Na a ladi gaw tsawm htap nga nna Damasku mare sin ai Lebanon langchyi hte bung nga ai.

SHARUNG SHAYAWT 4:7

Anhte a hkawhkam shadang sha ni gaw matsat shabat awu asin n re ai sha hkyen zawn san seng nna; wa-ngan marai hte n-gun ja nhtawm shanhte hta hkam kaja ningchya rawng nga ma ai.

EZEKELA 17:23

Israela a tsaw htum ai bum ntsa e mung hkai da na nngai. Dai gaw lakung lakying ni kra wa nhtawm asi si ai hte reng htum ai arit hpun tai na ra ai. U amyu shagu mung dai hpun hta sa shanu na mara ai lakung lakying ni a shingnip ni hta pyen dung shara mu tam na mara ai.

EZEKELA 31:8

Karai Kasang a sun hta tu ai arit hpun gaw dai hte shabung lu nga ai n rai. Marau hpun hta dai zawn re ai lakung lakying ni galoi n nga nga ai, Pri tsawm ai hpun gaw shi a daw chyen daram pyi n rai nga ai. Karai Kasang a sun hta tu ai hpun pyi dai zawn grai tsawm htap lu ai n rai.

HOSEA 14:7

Shanhte gaw nye a makawp maga ai npu hta lang mi bai shanu nga lu na mara ai. Shanhte gaw nai mam zawn tu wa nna, sabyi ru zawn asi si wa na mara ai. Shanhte gaw Lebanon sabyi ntsin zawn gumhkawng wa na mara ai.

ZEHKARIA 9:17

Dai mungdan gaw kade sha mai kaja nna tsawm htap nga na rai a hka! Shabrang ni mung dai mung na nsi naisi hte sabyi ntsin a majaw n-gun ja nna kaba wa na mara ai.

MAHTE 17:2

Shaloi, shanhte a man e shi a ahpraw nsam galai mat wa ai hte, shi a myi man gaw, jan zawn htoi kabrim wa nna, shi a hpun palawng ni nhtoi zawn hpraw tu wa lu ai.

MAHTE 28:3

Shi a hpraw nsam myihprap zawn rai nga nna, shi a hpun palawng ni gaw hkyen zawn hpraw nga lu ai.

KASA 2:28

Asak hkrung ai lam nang ngai hpe madun dan nit dai; nang ngai hte nga nga ai majaw ngai hpe kabu gara ai hte jahpring ya na rin dai,’ nga ai.

1 TIMOHTI 3:16

Anhte a nawku htung makam masham a sung htum ai lam gaw gade kaba la nga ai hpe kadai mung ningdang shara n nga ai gaw lawu de na hte maren rai nga ai. Shinggyim masha a hkum hkrang hte dan pru wa ai hte ding hpring ai wa rai nga ai lam dai Chyoi pra ai Wenyi e shadan dan sai, lamu kasa ni mung shi hpe mu lu manu ai. Shi a lam masha amyu yawng hpe htawn tsun dan manu ai. Mungkan masha ni shi hpe kam sham masai, shing rai shi gaw sumsing lamu de shalun la ai hkrum nu ai.

TARA AGYI 13:6

Dai hpang numsha gaw shi a madu wa hpang de sa nhtawm, “Karai Kasang a masha langai mi ngai kaw sa nna hkrit hkungga mai ai Karai Kasang a lamu kasa hpe zawn shi mada yu wu ai. Shi kanang na sa wa ai hpe mung ngai n san yu we ai; shi mung shi a mying ngai hpe n tsun dan nga ai.