Shawlumon A Mahkawn Ga 5:13 - Jinghpaw Common Language Bible 2009

¹³ Shi a shabyi ni gaw tsi ru hpun ni hte namji namya ni hte hpring nga ai hkai sun langai zawn tsawm htap nga ai. Shi a nten gaw hka law pan hte bung nna, mura sau kapya bun ai zawn madi nga ai.

Jinghpaw Hanson Version Bible

¹³ Shi a shabyi gaw manam pyaw ai baw tu ai nampan lawk hte, shatmai lap kaja shatut ai tena hte bung nga ai. Shi a nten gaw mura jet kapya ai hka law pan hte bung nga ai.

Shawlumon A Mahkawn Ga 5:13 ပူးပေါင်းရင်းမြစ်များ

SHAKAWN KUNGDAWN 27:4

Ngai gaw ngai ra sharawng ai lam langai mi hpe dai Madu kaw hpyi se ai; dai gaw, ngai ahkrung nga dingsa dai Madu a nta hta shanu nga lu nna; shi a mai kaja ai lam hpe dai shara hta mu lu nga ai; shi a lam woi ai hpe hpyi lajin na matu chyu sha ngai ra nga nngai.

SHAKAWN KUNGDAWN 45:2

Nang gaw lasha ni hta ahpraw tsawm htum ai wa rai nga ndai; nang gaw ga shaga ningtam rawng ai wa rai nga ndai. Dai majaw Karai Kasang nang hpe tut nawng shaman ya nit dai.

SHAKAWN KUNGDAWN 45:3

N-gun chyalai rawng ai hkawhkam wa e, na a nhtu hpye u; nang gaw hpung shingkang hte daru magam hpring nga ai wa rai nga ndai.

SHAKAWN KUNGDAWN 89:15

Mahkawn hkawn ai hte nang hpe nawku daw jau ai ni hte; na a matsan dum lama ai myit a nhtoi hta hkawm sa nga ai amyu masha ni gaw kade wa a lu nga ma hka!

Shawlumon A Mahkawn Ga 1:10

Na a shabyi hta noi abya da ai kara gaw yu tsawm nga ai; dai gaw ja lung seng ni zawn na a du hta gali da nga ai.

Shawlumon A Mahkawn Ga 1:16

Ngai tsaw ra dik htum ai wa e, nang gaw kade sha tsawm htap nga n hka! Nang gaw ngai hpe kade sha ra sharawng nga n hka! Tsit lali ai tsingdu pa gaw an a yup ra tai na ra ai;

Shawlumon A Mahkawn Ga 2:1

Ngai gaw Sharon pa na nam nampan, bum kadit hkan e tu ai hka law pan sha rai nga nngai.

Shawlumon A Mahkawn Ga 3:6

Mura, lawban hte hpaga ga ai ni dut ya ai manam pyaw ai baw amyu myu gaw, wan hkut shadaw zawn zaibru jang na pru wa ai gaw hpa rai nga a ta?

Shawlumon A Mahkawn Ga 4:11

Nye a tsaw jan e, na a nten gaw gitbaw na yu hkrat ai lagat jahku namta zawn rai nga ai; na a shinglet gaw nye a matu ngachyu hte lagat ntsin zawn rai nga ai. Na a hpun palawng gaw Lebanon na nngawt bat mahkra hta manam pyaw nga ai.

Shawlumon A Mahkawn Ga 5:5

Shi hpe shang wa shangun na matu ngai shajin da nngai. Nye a lata ni hta mura sau chya da nngai, ngai gaw chyinghka htinggrang hpe jum da nga yang, nye a lata layung ni hta na mura sau kapya nga ai.

Shawlumon A Mahkawn Ga 6:2

Nye a tsaw ra wa gaw balsam hpun tu ai shi a sun de sa mat wa nu ai. Shi gaw yam nga hpung hpe sun hta e ushat jaw nna hka law pan ni hpe di shinggyin la nga ai.

ESAIA 50:4

Tsaw Htum ai dai Madu gaw kaning ngu tsun na lam ngai hpe sharin ya nu ai, shaloi ngai gaw hki ba ai wa hpe n-gun jaw ya lu nngai. Jahpawt shagu shi gaw ngai hpe shi kaning rai sharin ya na lam hpe na la na lam sharawng shangun nga ai.

ESAIA 50:6

Ngai hpe kayat ai ni hpe nye a shingma shakrin ja ya nngai. Shanhte ngai hpe n kaw n law di nna, nye a nhka mun ni hpe gang baw ai hte nye a myi man hpe mayen mahtaw bun ai shaloi, ngai shanhte hpe jahkring we ai n rai.

LUKA 4:22

Shanhte yawng shi a lam tsun shakawn ai hte, shi a n-gup hta na pru ai chyeju ga ni a majaw mau nga nna, “Ndai wa gaw Yosep a kasha n rai nga a ni?,” nga nna tsun shajang ma ai.

SHINGRAN 21:23

Dai mare hpe jahtoi ya na matu jan, shata mung n ra nga ai. Hpa majaw nga yang, Karai Kasang a hpung shingkang gaw dai mare hpe jahtoi ya nna, Sagu Kasha gaw de a pyengdin rai nga ai.