Shawlumon A Mahkawn Ga 4:9 - Jinghpaw Common Language Bible 2009

⁹ Nye a nja jan, nye a num nnan e, na a myi ni hte yu ai nsam hte nang gali da ai kachyi gaw nye a myit masin hpe lagu madu la kau ya nga sai.

Jinghpaw Hanson Version Bible

⁹ Ngai jan, nye num ningnan e, Nang gaw nye myit masin hpe kashun la nu ai: Na a myi ze du yin rai nna, nang gali ai hkachyi hte Nang nye a myit masin hpe kashun la nu ai.

Shawlumon A Mahkawn Ga 4:9 ပူးပေါင်းရင်းမြစ်များ

NINGPAWT NINGHPANG 20:12

Shi gaw nye a kajan majing mung rai nga ai. Shi gaw nye nu a shayi sha n rai ti mung nye wa a shayi sha rai nga ai rai nna shi hpe ngai la nngai.

NINGPAWT NINGHPANG 41:42

Hkawhkam wa mung hkawhkam dazik tawk ka da ai lachyawp hpe shi a lata hta chyawp ya wu ai. Dai hta kaga, reng ai lachyit palawng galu hpe mung jahpun ya nhtawm shi a du hta ja saidawng mung gali ya wu ai.

SHAKAWN KUNGDAWN 45:9

Na a hkawhkam htingnu na shayi sha ni hta hkawhkam ni a shayi sha ni mung lawm nga ma ai; na a tingnyang a hkra maga de, htoi kabrim ai ja hte mawn sumli da nga ai hkawhkam jan tsap nga ai.

GA SHAGAWP 1:9

Shanhte a sharin shaga ai ga ni gaw na a hpraw nsam hpe tsawm htap ai bunghkaw hte du hta gali ai kachyi zawn, na a arawn alai hpe grau kaja hkra tsawm htap shangun na ra ai.

GA SHAGAWP 6:25

Shanhte a tsawm htap ai lam hta gunglau hkum hkrum nga et; shanhte a hkalem asoi la lu ai myi a mahkam hta hkum lu mat shangun et.

Shawlumon A Mahkawn Ga 1:10

Na a shabyi hta noi abya da ai kara gaw yu tsawm nga ai; dai gaw ja lung seng ni zawn na a du hta gali da nga ai.

Shawlumon A Mahkawn Ga 1:15

Nye a nja jan e, nang gaw kade sha tsawm htap nga n hka! Na a myi ni mung kade sha yu tsaw ra na zawn htoi tu nga a hka!

Shawlumon A Mahkawn Ga 3:11

Ziun numsha ni e, Hkawhkam Shawlumon hpe sa yu yu mu. Shi a hkungran poi galaw ai shani, shi a kabu gara ai hte kabu awng sharawng ai shani hta, shi a kanu gaw shi a baw hta shagup ya ai janmau hpe shi gup nga ai.

Shawlumon A Mahkawn Ga 4:10

Nye a nja jan, nye a num nnan e, na a tsaw ra ai gaw ngai hpe ra sharawng shangun nga ai. Na a tsaw ra ai gaw sabyi ntsin hta grau kaja nga ai; na a manam pyaw ai bat gaw kaga namji namya mahkra hta grau manam pyaw nga ai.

Shawlumon A Mahkawn Ga 4:12

Nye a nja jan, nye a num nnan e, nang gaw makoi magap da ai sun, shakum kum ai sun hte madu da sai hka hpawk rai nga ndai;

Shawlumon A Mahkawn Ga 6:12

Hpyen majan a matu hpyen leng gawt ai wa zawn tsaw ra myit a matu nang ngai hpe myit katu shangun nga ndai majaw ngai hkrit gari nga nngai.

Shawlumon A Mahkawn Ga 6:5

Na a myi ni hpe ngai kaw nna kayin mat wa u, dai ni gaw ngai hpe myit shajup da nga ai. Na a kara gaw Gilead kawng lanem hkan e nga ai bainam uhpung mi zawn ka manawt nga ai.

Shawlumon A Mahkawn Ga 7:10

Nye a tsaw ra ai wa hpe ngai madu ai rai nna shi ngai hpe ra sharawng nga ai.

ESAIA 54:5

Na a Hpan madu gaw na a matu madu wa zawn tai na ra ai- Chyahtum Chyalai N-gun rawng ai dai Madu gaw shi a mying rai nga ai. Israela a chyoi pra ai Karai Kasang gaw nang hpe hkye la na ra ai- shi gaw mungkan ga ting a up hkang du wa rai nga ai.

ESAIA 62:5

Shabrang wa gaw hkawn jet hpe shi a matu num nnan shatai la ai zawn Shi nang hpe hkrang shachyaw ai hte hkungran la na ra ai. La nnan gaw shi a num nnan jan hpe ra sharawng ai zawn, Na a Karai Kasang gaw nang hpe ra sharawng na ra ai.

EZEKELA 16:11

Ngai gaw na a hkum hta manu dan ai ja lung seng hte mawn sumli ya nna, lata hta lahkawn hkawn, du hta kachyi chyi ya rai nngai.

EZEKELA 16:8

“Dai lam hku ngai kalang bai lai hkawm yang, na a matu sumtsaw sumra chye myit ai aten du nga sai hpe ngai mu lu nngai. Ngai gaw na a singgu krin re ai hkum hpe nye a palawng galu hte magap da nna, nang hpe tsaw ra nga na, ga sadi tawn da ni ai. Rai sa, ngai gaw nang hte hkungran ga shaka tawn da ni ai hte nang gaw nye a matu tai wa nit dai.” Dai gaw Tsaw Htum ai dai Madu tsun ai mungga rai nga ai.

Daniela 5:7

Shi gaw gumhpan hpan ai ni, hpyi lamum sara ni hte jan shata shagan yu ai ni hpe jashawn la na matu marai langai ngai hpe jahtau tsun wu ai. Shanhte du shang wa ai shaloi, hkawhkam wa gaw shanhte hpe, “Ya ndai ka da ai lam hte de a lachyum htai dan lu ai wa kadai hpe mung shaba pu nsam rawng ai hkawhkam wa a palawng galu hpun lu nna shi a du grup grup hta shagrau sha-a ai ja kachyi gali lu nhtawm ndai mungdan hta masum ngu na daru magam n-gun rawng htum ai wa tai lu na rai nga ai,” ngu nna tsun wu ai.

ZEHPANI 3:17

Dai Madu nanhte a Karai Kasang gaw nanhte hte rau anga nga ai; shi a daru magam n-gun gaw nanhte hpe awng padang jaw ya nga ai. Dai Madu gaw nanhte hpe awng sharawng wa nna shi a tsaw ra myit hta, shi nanhte hpe asak nnan jaw ya na ra ai. Shi gaw lusha poi hta shang lawm nga ai masha ni kabu gara nga ma ai zawn,

MAHTE 12:50

“Ngai nu hte ngai nau ni hpe yu mu: Sumsing lamu hta nga ai Nye Wa a myit hku hkan galaw ai ni kadai mung, ngai nau, ngai jan, ngai nu, rai nga ma ai,” ngu nna tsun mu ai.

YAWHAN 3:29

Num nnan lu ai wa gaw la nnan rai nga ai; rai ti mung la nnan a makau e tsap nga nna, shi a ga madat la nga ai, la nnan wa a jinghku wa gaw, la nnan a nsen na la yang, ja ja kabu nga ai.

1 KORINHTU 9:5

Kasa kaga ni, Madu a kanau ni hte Petru re ai ni a kasi hkan ai hku nna, ngai hkawm sa ai shaloi kam sham ai madu jan woi hkawm na ahkang n lu a ni?

2 KORINHTU 11:2

Karai Kasang gaw nanhte a ntsa e nsu nnawn myit rawng nga ai zawn ngai mung nanhte a ntsa e nsu nnawn myit rawng nga nngai. Nanhte gaw Hkristu shi nan hte sha hkungran na matu ngai ga sadi jaw da sai hkawn sek hte bung nga myit dai.

SHINGRAN 21:2

Shaloi Chyoi Pra ai Mare ngu ai Yerusalem mare ningnan gaw, la ningnan a matu mawn sumli da ai num ningnan zawn, lajang shachyip ngut nna, Karai Kasang shanu nga ai sumsing lamu de nna yu hkrat wa ai hpe, ngai mu nngai.