Shawlumon A Mahkawn Ga 2:8 - Jinghpaw Common Language Bible 2009

⁸ Nye a tsaw ra nja wa a nsen hpe ngai na nngai. Shi gaw bum ni hpe kagat lai nna kawng ni hpe shingtawt ai hte ngai kaw du sa ai.

Jinghpaw Hanson Version Bible

⁸ Ngai tsawra wa a nsen law! Yu u, shi du ra ai: Bum ni hpe shi gumtawng lai nna, Kawng ni hpe shingtawt lai nga ai.

Shawlumon A Mahkawn Ga 2:8 ပူးပေါင်းရင်းမြစ်များ

2 SAMUELA 6:16

Dai Sumpu hpe mare kata de la shang wa nga ma yang, Shawlu a shayi sha Mihkala gaw hkuwawt hku mada yu wu ai, shaloi Hkawhkam Dawi gaw chyoi pra ka manawt hte gumlawt wa nga ai hpe mu wu ai rai nna hkyet yu sharung da wu ai.

Shawlumon A Mahkawn Ga 2:17

jahpawt bungli bung wa ai aten kaw nna nsin garai n sin ai aten du hkra shayaw da nga ai. Nye a tsaw ra wa e, chyahkyi zawn mung, Behtera bum ntsa na shan-nga zawn mung nhtang wa rit.

Shawlumon A Mahkawn Ga 4:16

Dingdung nbung e rawt u. Dingda nbung e nye a sun de manam pyaw bat hte hpring ai nbung bung wa u ga. Nye a tsaw ra ai wa shi a sun de sa wa nna, dai sun na kaja htum ai asi sha lu u ga.

Shawlumon A Mahkawn Ga 5:2

Ngai yup pyaw nga yang, nye a myit masin hprang nga li ai. Chyinghka akawk nga ai nye a tsaw ra wa hpe ngai yup mang mu nngai. Nye a tsaw, nye a nja jan hte nye a hkrudu e, ngai shang wa n-ga. Nye a baw gaw numri hte madi nga ai; nye a kara mung saiwan hte bam nga ai.

ESAIA 35:6

Lagaw hten ai wa gaw gumlawt ai hte ka manawt na ra ai, ma-a ai wa gaw kabu gara jahtau na ra ai. Hka shi ni zaibru jang hku lwi wa na mara ai;

ESAIA 44:23

Sumsing lamu ni e, kabu gara jahtau mu! Ginding aga a sung ai shara ni e, jahtau mu! Bum ni hte nam maling na hpun shagu hte e, kabu gara jahtau mu! Dai Madu gaw shi a amyu masha ni hpe hkye la ai hku, shi a galu kaba ai hpe madun dan nu ai.

ESAIA 52:7

Bum lang ni hpe lai di nna kabu gara shiga, ngwi pyaw sim sa lam a shiga la sa ya ai wa hpe mu lu ai gaw kade sha mauhpa rai nga a hka! Shi gaw awng padang hpe ndau shabra nna Ziun hpe, “Na a Karai Kasang gaw hkawhkam rai nga ai!,” ngu nna tsun ai.

YEREMIA 48:27

Moba e, nang gaw Israela amyu masha ni hpe kaning rai ashu kau nit ta? Dai hpe dum nga u. Shanhte gaw mya lu mya sha ai damya hpung mi a lata hta rim hkrum ma ai zawn nang shanhte hpe di kau nit dai.

LUKA 6:23

Dai zawn hkrum sha ai shaloi, kabu nna gumlawt nga mu, hpa majaw nga yang, sumsing lamu e nanhte a shabrai kaba nga malit dai. Shanhte a kaji kawa ni mung myihtoi ni hpe dai zawn di yu manu ai.

YAWHAN 10:27

Nye a sagu ni gaw, nye a nsen madat ma ai rai nna, ngai shanhte hpe chye nngai, shanhte mung nye a hpang hkan nang ma ai.

YAWHAN 3:29

Num nnan lu ai wa gaw la nnan rai nga ai; rai ti mung la nnan a makau e tsap nga nna, shi a ga madat la nga ai, la nnan wa a jinghku wa gaw, la nnan a nsen na la yang, ja ja kabu nga ai.

KASA 14:10

“Ai jan rai rawt tsap u!” nga nna nsen shaja let, tsun wu ai. Dai masha wa mung gumlawt rawt nna hkawm yu nga ai.

KASA 3:8

Shing rai shi gumlawt rawt nna shi a lagaw hte hkawm sa yu wu ai. Dai hpang shi gaw shan hte rau lam hkawm gumlawt let Karai Kasang hpe shakawn kungdawn nna Htingnu de shang wa ai.

SHINGRAN 3:20

Yu u! Ngai gaw chyinghka akawk let tsap nga nngai: nye a nsen na nna chyinghka hpaw ya ai wa kadai kaw rai ti mung, ngai shang nna shi hte rau lu rau sha na nngai, shi mung ngai hte rau lu rau sha lu na ra ai.