Shawlumon A Mahkawn Ga 1:9 - Jinghpaw Common Language Bible 2009

⁹ Nye a tsaw ra n ja jan e, nang gaw Hpara-u leng ni hta lang ai gumra ni hpe gumra yi gaw yu katu kahtet nga ai zawn, lasha ni hpe yu n dawt nga ndai.

Jinghpaw Hanson Version Bible

⁹ Nye a nja jan e, Hpara-u a leng gumra hte Ngai nang hpe shadawn yu de ga.

Shawlumon A Mahkawn Ga 1:9 ပူးပေါင်းရင်းမြစ်များ

NINGPAWT NINGHPANG 50:9

Gumra leng ni hta hkan ai masha ni hte gumra jawn ai ni mung shi hte rau lung wa ma ai rai nna, dai gaw grai law ai wunawng wuwa rai nga ai.

1 HKAWHKAM 10:28

Hkawhkam wa a dat kasa ni mahtang Musri hte Kiliki mungdan hkan na shapraw ai gumra ni hte,

Shawlumon A Mahkawn Ga 1:15

Nye a nja jan e, nang gaw kade sha tsawm htap nga n hka! Na a myi ni mung kade sha yu tsaw ra na zawn htoi tu nga a hka!

Shawlumon A Mahkawn Ga 2:10

Nye a tsaw ra nja wa ngai hpe ga shaga nga ai. Nye a nja jan e, sa rit; nye a tsaw jan e, ngai hte rau sa wa ga.

Shawlumon A Mahkawn Ga 2:13

Lakum si ni mying hpang wa sai; sabyi ru ni mung pu pu nga ai; de a manam pyaw bat gaw nbung hta mawng nga ai. Nye a nja jan e, sa rit; nye a tsaw ra nja jan e, ngai hte rau sa wa ga.

Shawlumon A Mahkawn Ga 2:2

Ju sumwum lapran hkan tu ai hka law pan zawn nye a nja jan mung numsha ni a ka-ang e rai nga ai.

Shawlumon A Mahkawn Ga 4:1

Nye a nja jan e, nang gaw kade sha tsawm htap nga n hka! Na a myi man magap shingdu e tu ai na a myi ni gaw kade sha yu tsaw ra na zawn htoi tu nga lit hka! Na a kara gaw Gilead kawng kaw na yu hkrat wa ai bainam hpung mi zawn ka manawt nga ai.

Shawlumon A Mahkawn Ga 4:7

Nye a nja jan e, nang gaw kade sha tsawm htap nga n hka! Nang gaw kade sha hkum tsup nga n hka!

Shawlumon A Mahkawn Ga 5:2

Ngai yup pyaw nga yang, nye a myit masin hprang nga li ai. Chyinghka akawk nga ai nye a tsaw ra wa hpe ngai yup mang mu nngai. Nye a tsaw, nye a nja jan hte nye a hkrudu e, ngai shang wa n-ga. Nye a baw gaw numri hte madi nga ai; nye a kara mung saiwan hte bam nga ai.

Shawlumon A Mahkawn Ga 6:4

Nye a nja jan e, nang gaw Yerusalem mare zawn tsawm htap nga nna; Tiza mare zawn yu tsawm nga ndai, dai hkik hkam ai mare ni zawn yu mau na daram rai nga ai.

ESAIA 31:1

Karum la lam a matu Egutu mung de yu sa ai ni gaw dingnye hkrum nga ai! Shanhte gaw Egutu mung a law htam ai hpyen n-gun, gumra ni, hpyen leng ni hte hpyenla ni hpe shamyet shanat nga ma ai. Rai ti mung shanhte gaw dai Madu Israela a chyoi pra ai Karai Kasang hta shamyet shanat ma ai n rai, karum la na matu shi kaw hpyi lajin ma ai n rai.