Shawlumon A Mahkawn Ga 1:4 - Jinghpaw Common Language Bible 2009

⁴ Ngai hpe dun la e, an rau sha tsan tsan de hprawng ga; nye a hkawhkam tai nga u, na a gawk de ngai hpe woi shang wa rit. An rau sha kabu let pyaw nga ga; n dum mat hkra lu nang nna dut dang ai lam n nga ai sha tsaw ra nga ga. Numsha ni yawng nang hpe tsaw ra ai gaw mauhpa n rai nga a hka!

Jinghpaw Hanson Version Bible

⁴ Ngai hpe dun la e; nang hpang de anhte hprawng na ga ai: Hkawhkam wa gaw, shi yup gawk de ngai hpe jashawn timung, Na a majaw anhte kabu gara nna pyaw wa na ga ai; Na a sumtsaw sumra hpe tsabyi jahku hta grau shakawn na ga ai: gaja wa teng teng shanhte nang hpe tsawra nga ma ai.

Shawlumon A Mahkawn Ga 1:4 ပူးပေါင်းရင်းမြစ်များ

SHAKAWN KUNGDAWN 111:4

Dai Madu gaw shi a mauhpa magam bungli ni, anhte hpe n malap shangun nga ai; shi gaw matsan dum ai hte n-gaw n wai ai myit rawng ai wa rai nga ai.

SHAKAWN KUNGDAWN 119:32

Nang ngai hpe chye na lu ai myit nyan hpaji hpe grau jaw ya na rai nga ndai majaw, na a hkang da ai tara ni hpe sharawng awng ai myit hte ngai madat mara hkan sa nga na nngai.

SHAKAWN KUNGDAWN 119:60

N kanung nga ai sha, na a hkang da ai ga ni hpe ngai tin tin madat mara hkan sa nga nngai.

SHAKAWN KUNGDAWN 149:2

Israela amyu masha ni e, nanhte a Hpan Madu a majaw kabu gara nga mu; Ziun a amyu masha ni e, nanhte a hkawhkam wa a majaw kabu gumrawng nga mu!

SHAKAWN KUNGDAWN 42:4

Lai sai aten na lam hpe ngai myit dum yu ai shaloi, nye a myit hta grai yawn la nga nngai; Karai Kasang a nta de shawa masha ni hte rau ngai lung wa ai shaloi, kabu gara ai shawa hpawng gaw, Karai Kasang hpe mahkawn mangoi ai hte, kabu jahtau nhtawm, shanhte hpe woi hkawm lung wa yu ni ai.

SHAKAWN KUNGDAWN 48:9

O Karai Kasang e, na a Htingnu kata hta na a dinggrin tsaw ra myit a lam hpe anhte myit yu ga ai.

SHAKAWN KUNGDAWN 63:5

Nye a wenyi gaw, dwi sau ai lusha hpe sha lu ai zawn myit dik ai hkrum na ra ai; ngai nang hpe kabu gara ai mahkawn mangoi ga ni hte mahkawn shakawn nga na nngai.

Shawlumon A Mahkawn Ga 3:4

Ngai shanhte kaw na pru mat wa ai shaloi jang, ngai shi hpe mu nngai. Ngai shi hpe jum shingdang nna nye nu a nta hte ngai hpe shangai ai gawk de shi hpe woi shang wa ai aten du hkra n dat hkraw nngai.

Shawlumon A Mahkawn Ga 4:10

Nye a nja jan, nye a num nnan e, na a tsaw ra ai gaw ngai hpe ra sharawng shangun nga ai. Na a tsaw ra ai gaw sabyi ntsin hta grau kaja nga ai; na a manam pyaw ai bat gaw kaga namji namya mahkra hta grau manam pyaw nga ai.

ESAIA 25:8

Dai Tsaw Htum ai Madu gaw si hkrung si htan hpe htani htana jahten kau na ra ai! Shi gaw masha shagu a myi ni kaw na hkrat ai myi prwi ni hpe katsut kau ya nna, shi a amyu masha ni mungkan ting hta hkrum sha lai wa sai kaya kahpa hpe mung la kau ya na ra ai. Dai Madu shi nan tsun nu ai.

ESAIA 45:25

Dai Madu ngai nan Yaku a aru arat ni yawng hpe hkye mawai la na nngai, shanhte gaw ngai hpe shakawn kungdawn wa na mara ai.

ESAIA 61:3

Ziun hta sharung shayawt nga ai ni hpe yawn madai na malai Kabu gara ai hte kabu pyaw ai lam, Yawn hkyen ai a malai mahkawn shakawn na lam jaw ya na matu shangun dat ni ai. Shanhte gaw dai Madu shi nan hkai da sai Hpun ni zawn tai na mara ai. Shanhte gaw ding man ai amu yawng mayawng hpe galaw na mara ai, Karai Kasang gaw shi galaw sai amu ni a majaw shakawn kungdawn ai hkrum na ra ai.

ESAIA 63:7

Ngai gaw dai Madu a n-gaw nwai ai tsaw ra myit a lam atsun nga na nngai; anhte a matu shi galaw dan sai amu yawng a majaw ngai shi hpe shakawn kungdawn na nngai. Shi a matsan dum ai myit hte dinggrin tsaw ra myit a majaw, shi gaw Israela amyu masha ni hpe nhpaw n-ya shaman ya nu ai.

YEREMIA 31:3

ngai gaw tsan tsan kaw nna shanhte hpang de dan pru ni ai. Israela amyu masha ni e, ngai gaw nanhte hpe tut nawng e tsaw ra nga nngai majaw nanhte hpe nye a dinggrin tsaw ra myit matut madun na nngai.

HOSEA 11:4

Ngai gaw shanhte hpe tsaw ra shawang myit hte ngai hpang de dun la nngai. Ngai gaw shanhte hpe sharawt la nna ngai hpang de shayawn la nngai; Ngai gaw shanhte a man e gum let shanhte hpe lusha jaw nngai.

ZEHPANI 3:14

Israela amyu masha ni e, kabu gara mahkawn mangoi ai hte jahtau garu nga mu! Yerusalem e, na a myit masin mahkra hte kabu awng sharawng nga u!

ZEHKARIA 9:9

Ziun amyu masha ni e, kabu gara nga mu, kabu gara nga mu! Yerusalem amyu masha ni e, kabu gara jahtau garu nga mu! Yu mu, nanhte a hkawhkam wa gaw nanhte hpang de sa wa nga ai! Shi gaw padang ninglaw hte awng dang ai lam lu la nga ai, rai ti mung shagrit shanem ai myit hte lawze ntsa e jawn nga ai- lawze kasha langai a ntsa e, lawze kanu a kasha a ntsa e jawn nga ai.

MAHTE 25:10

Shing rai myit n su ai mahkawn ni sau mari na sa wa ai laman e, la ningnan du sa wa ai. jin jin rai nga ai mahkawn manga hte gaw hkungran ai poi de shi hte rau shang lu ma ai rai nna, dai chyinghka hpe la kau manu ai.

LUKA 2:10

Rai ti mung, lamu kasa gaw, “Hkum hkrit myit! Masha nlang a matu nachying kabu gara mai ai shi ga ngai nanhte kaw gun sa ring ngai.

LUKA 22:19

Shaloi shi muk tawng la nna shakawn ngut jang, dai hpe ahkyep alep nna shanhte hpe jaw let, “Ndai gaw nanhte a matu ya kau ai, nye a hkum rai li ai, ngai hpe adum nga na matu, ndai galaw mu,” ngu mu ai.

YAWHAN 12:32

Ngai chyawm gaw ga nna sharawt da ai hkrum jang, ngai masha yawng mayawng hpe ngai hpang de gang la na mawe ai,” ngu tsun wu ai.

YAWHAN 6:44

ngai hpe shangun dat ai nye Wa e shi hpe ngai hpang de lau la ai wa sha n rai yang gaw, kadai mung ngai hpang de sa lu na n rai, du sa ai wa hpe mung, hpang jahtum na nhtoi hta ngai sharawt la na we ai.

EHPESU 2:6

Anhte gaw Hkristu hte langai sha tai ai marang e Karai Kasang gaw anhte hpe sumsing lamu lahta tang e Madu hte rau up nga na matu, shi hte rau si ai kaw na bai jahkrung sharawt la mi ai.

EHPESU 6:24

Galoi mung n hpoi n hten mat lu ai tsaw ra myit hte anhte a Madu Yesu hpe tsaw ra nga ai ni nlang hte hta Karai Kasang a chyeju gaw anga nga u ga law.

HPILIPI 3:3

Matu gadoi hkam ai lam majing hpe hkam la ai ni gaw shanhte n rai, anhte she rai nga ga ai. Hpa majaw nga yang, anhte gaw Karai Kasang hpe shi a Wenyi hte nawku daw jau nna Hkristu Yesu hta langai sha tai lu ai asak hkrung lam hta kabu gumrawng ai ni rai ga ai. Anhte gaw shinggan maka kumla shadik poi ni hta n kam hpa ga ai.

HPILIPI 4:4

Dai Madu hta nanhte tut nawng e kabu gara nga myit ga, bai ngai tsun nngai, kabu gara nga mu.

HEBRE 12:1

Ya anhte a matu ndai daram law ai sakse ni gaw anhte hpe wang shinggrup da nga mi ai. Dai re ai majaw, anhte gaw lam e dingbai dingna re ai lam shagu hpe mung, anhte ni hta grai ngang hkra kap noi nga ai yubak hpe mung, yeng seng kau nhtawm, anhte gat na matu myit mada daw dan da ai bandung shadaw du hkra shakut sharang rai gat shadu wa ga.

1 PETRU 1:8

Nanhte gaw Yesu hpe n mu yu myit ti mung, shi hpe tsaw ra nga manit dai; shi hpe n mu yu myit ti mung, shi hpe kam sham nga manit dai. Dai rai nna nanhte gaw n-gup aga hte tsun n dang lu hkra re ai kabu gara ai lam kaba hte kabu gara nga lu manit dai.