SHARUNG SHAYAWT 5:7 - Jinghpaw Common Language Bible 2009

⁷ Anhte a kaji kawa ni yubak galaw masai, rai ti mung ya chyawm gaw shanhte htum mat masai, anhte gaw shanhte a yubak ni a majaw nni nkri hkrum sha nga ga ai.

Jinghpaw Hanson Version Bible

⁷ Ji wa ni gaw yubak galaw nna htum mat ma ai; Shanhte a yubak anhte hkrum ga ai.

SHARUNG SHAYAWT 5:7 ပူးပေါင်းရင်းမြစ်များ

NINGPAWT NINGHPANG 42:13

Shanhte mung, “Madu e, anhte gaw Hkanan mung hta nga ai kawa langai a shadang sha kahpu kanau shi lahkawng ni rai ga ai. Kanau langai mi mahtang si mat nna hpungdim wa chyawm gaw anhte kawa hte rau ya naw nga nga ai,” ngu nna tsun mu ai.

NINGPAWT NINGHPANG 42:36

Shanhte a kawa gaw shanhte hpe, “Nye a kasha ni yawng hpe jasum kau shangun na nanhte ra nga myit ni? Yosep n nga sai, Simun mung n nga sai. Ya Benyamin hpe mung la kau ya na nanhte ra sharawng nga myit dai. Ngai mahtang dai nni nkri hpe hkam sha ai wa rai nga n hka!,” ngu nna tsun wu ai.

YOBA 7:21

Nang gaw nye a shut hpyit mara hpe galoi mung n raw ya lu sani? Ngai galaw shut ai amu hpe nang mara n dat ya lu sani? Kade n na yang, nye a lup sung hku hta ngai taw nga na ni ai; nang ngai hpe tam ai shaloi, ngai nga na nngai n rai.

YOBA 7:8

Nanhte ngai hpe ya mu myit dai, rai ti mung galoi mung bai mu sana n rai. Nanhte ngai hpe hkan tam ai rai yang, ngai n nga mat na nngai.

PRU MAT 20:5

Kaning re ai hpara sumla hpe mung hkum kadawng, hkum nawku et. Ngai gaw dai Madu na a Karai Kasang rai nga nngai majaw shingjawng kashun ai hpe ngai hkam sharang nngai n rai; ngai hpe n dawng n yawt ai amyu matu ni hpe ban masum mali du hkra ngai ari jaw nngai.

YEREMIA 14:20

Madu e, anhte gaw nang hpe shut saga ai; anhte gaw anhte nan galaw ai yubak mara ni hte anhte a kaji kawa ni a yubak ni hpe yin la ga ai.

YEREMIA 16:11

Dai hpang, dai Madu gaw ning nga ai nga nna shanhte hpe tsun u: ‘Na a nji nwa ni gaw ngai kaw nna kayin mat wa nna kaga hpara ni hpe nawku ai hte daw jau ma ai. Shanhte gaw ngai hpe kau da nhtawm nye a sharin shaga ai ga ni hta n hkan nga ma ai.

YEREMIA 16:12

Rai ti mung, nang gaw na a nji nwa ni hta grau nna pyi n hkru ai amu galaw manit dai. Nanhte yawng hte gaw adu ja ai hte n hkru nga myit dai; nye a ga hpe mung n madat nga myit dai.

YEREMIA 31:15

Dai Madu gaw, “Rama shara hta nsen langai na lu nga ai, dai nsen gaw ja ja hkrap agru ai nsen rai nga ai. Rahkela gaw shi a kashu kasha ni a matu hkrap shabam nga ai; shanhte n nga mat masai, shi gaw shalan shabran na hpe ningdang nga ai.

YEREMIA 31:29

Dai aten du ai shaloi, amyu masha ni gaw, ‘Kanu kawa ni gaw hkri ai sabyi si ni sha ma ai, Rai ti mung, kashu kasha ni gaw wa makrim na ma ai,’ nga nna galoi mung tsun na mara ai n rai.

EZEKELA 16:58

Na a nse ai hte nang galaw ai matsat shabat amu a matu dai nni nkri hpe nang hkam la ra nit dai,” ngu nna tsun wu ai.

EZEKELA 18:2

“Israela mungdan hta nga ai amyu masha ni bai atsun tsun re ai ndai ga shagawp gaw hpa wa rai nga a ta? ‘Kanu kawa ni gaw hkri ai sabyi si ni sha ma ai, Rai ti mung, kashu kasha ni gaw hkri ai namchyim lu ma ai.’

ZEHKARIA 1:5

Nanhte a nji nwa ni hte ndai myihtoi ni hkrung nga lu manu ai n rai.

BU HKAWM 14:18

tsaw ra myit kaba hte sadi sahka ai hpe madun dan nhtawm yubak mara hte tara tawt nna gumlang ai lam hpe mara dat ya ai wa rai nga nngai. Rai ti mung kanu kawa ni shut kau ai yubak mara a majaw shanhte a kashu kasha ni hpe ban masum, ban mali du hkra ari n jaw ai sha nga na nngai n rai,’ ngu nna tsun nit dai.