SHARUNG SHAYAWT 5:6 - Jinghpaw Common Language Bible 2009

⁶ Lusha alaw mi lu na matu hte asak hkrung nga lu na matu, anhte gaw Egutu hte Asuri mung de sa hpyi lajin ga ai.

Jinghpaw Hanson Version Bible

⁶ Lusha lu na matu, anhte gaw Egutu masha ni hte Asuri masha ni kaw, nchyang chyang ga ai.

SHARUNG SHAYAWT 5:6 ပူးပေါင်းရင်းမြစ်များ

NINGPAWT NINGHPANG 24:2

Abraham gaw nta na shi lu ai sut rai mahkra hpe up ai asak kaba ai shi a shangun ma wa hpe shaga la nhtawm,

2 HKAWHKAM 10:15

Yehu bai pru sa wa wu yang, Rehkab a kasha Yonadab hte hkrun lam e hkrum wu ai. Yehu mung shi hpe shakram la nhtawm, “Nang hte ngai myit mang ai lam langai sha rai nga ga ai majaw nang ngai hpe madi shadaw lu na n ni?,” ngu nna tsun wu ai. Yonadab mung, “Karum lu na nngai,” ngu nna htan wu ai. Yehu gaw, “Dai rai yang na a lata ngai hpe jaw e,” ngu nna tsun htang wu ai shaloi shan gaw lata matut nna Yehu mahtang shi hpe leng ntsa de woi jashawn la let,

ESAIA 57:9

Nanhte gaw tinang hkum hta manam hawm ai baw hte sau ni chya nhtawm Molek karai hpe nawku na matu sa wa myit dai. Karai ni hpe tam nna nawku na matu nga, nanhte gaw tsan ai shara, katsan ga du hkra pyi kasa ni hpe shangun nga myit dai.

YEREMIA 2:18

Nang gaw Nila hka lu na matu Egutu mung de sa ai gaw hpa baw akyu lu la na re ngu, myit nawn da wu ni? Uhprat hka lu lu na matu Asuri mung de sa ai gaw hpa baw akyu lu la na re ngu, myit nawn da wu ni?

YEREMIA 2:36

Nang gaw kaga masha amyu baw ni a karai ni hpang de kayin mat wa ai hku nna na a hkum hpe manu shayawm kau nga ndai. Nang gaw Asuri a majaw myit daw mat ai zawn Egutu a majaw myit daw mat ai hkrum na rai ndai.

YEREMIA 50:15

Mare grup yin yawng hkan e majan nsen sharawt mu! Ya chyawm gaw Babelon mung hkrat sum mat sai. Shi a mare bunghku ni daw agrawp mat nna run mat nu ai. Ngai gaw Babelon masha ni hpe matai dawp nga nngai majaw, nanhte mung matai dawp la mu, shanhte gaw kaga ni hpe di kau mu ai hte maren, shanhte hpe mung di mu.

SHARUNG SHAYAWT 4:17

Anhte gaw galoi mung n karum yu ai karum la lam hpe kachyi mi pyi n lu yu mat ai aten du hkra mada yu ga ai. Anhte gaw karum la lam n jaw ya lu ai masha amyu baw a karum la lam hpe la nga dingyang rai nga ai.

EZEKELA 17:18

Shi galaw tawn da ai dagam ga hte ga shaka hpe jahten kau nu ai. Shi gaw dai amu ni yawng hpe galaw nu ai rai nna, ya shi lawt lu na ra ai n rai,” ngu nna tsun nga ai.

HOSEA 12:1

Israela amyu masha ni a jahpawt kaw nna shana de du hkra galaw ai amu magup gaw akyu n rawng ai hte hten byak lam rai nga ai. Gumle gumlau ai hte kashun kashe du daw sai hkaw amu gaw shanhte hta grau nna law jat nga ai. Shanhte gaw Asuri ni hte ga shaka tawn da nhtawm Egutu masha ni hte hpaga bungli jawm galaw ma ai.”

HOSEA 5:13

“Israela gaw shi kade wa machyi nga ai hpe mung, Yuda gaw shi a nma kade sawng nga ai hpe mung mu ai shaloi, Israela gaw Asuri hpang de sa nna karum hkam la na matu hkawseng kaba wa hpe san yu wu ti mung, shi gaw shanhte hpe tsi ya lu ai n rai, shanhte a nma ni hpe shamai ya lu ai n rai.

HOSEA 7:11

Israela gaw angawk ai hkrudu langai zawn shara mi kaw nna shara mi de htawt hkawm nga ma ai. Shi a amyu masha ni gaw shawng nnan karum hkam la lu na matu Egutu kaw karum hpyi ma ai; dai hpang shanhte gaw Asuri hpang de kagat sa nga ma hka!

HOSEA 9:3

Israela amyu masha ni gaw dai Madu a mungdan hta naw shanu nga lu na mara ai n rai; rai ti mung Egutu mung de nhtang wa nna Asuri mung e hkum pat da ai lusha ni sha na mara ai.