SHARUNG SHAYAWT 5:22 - Jinghpaw Common Language Bible 2009

²² Shing n rai, anhte hpe htani htana kau da na nu ni? Na a masin kahtet ai hta shadaw shadang hpa mung n nga sana kun?

Jinghpaw Hanson Version Bible

²² Nang chyawm gaw anhte hpe atsai awai kau da mi ai; Nang anhte hpe grai wa pawt bu nga ndai law.

SHARUNG SHAYAWT 5:22 ပူးပေါင်းရင်းမြစ်များ

SHAKAWN KUNGDAWN 44:9

Rai ti mung, ya chyawm gaw nang anhte hpe kau da nit dai hte sum shangun kau nit dai; nang gaw anhte a hpyen luksuk ni hte rau majan pa de kachyi mi mung n pru sa nit dai.

SHAKAWN KUNGDAWN 53:5

Shaloi, shanhte gaw shawng de galoi mung garai n hkrum kadup yu ai kaba la ai hkrit kahpra lam hpe hkrum hkra wa na mara ai; hpa majaw nga yang, Karai Kasang gaw shi a amyu masha ni a gumlau hpyen ni a nrut nra ni hpe gat kau ya na ra ai. Karai Kasang shanhte hpe ningdang kau mu ai majaw, Israela amyu masha ni shanhte hpe awng dawm dang kau na mara ai.

SHAKAWN KUNGDAWN 74:1

O Karai Kasang e, nang anhte hpe hpa rai ndai zawn kau da nga n ta? Na a amyu masha ni hpe htani htana masin pawt nga na ngu nga n ta?

SHAKAWN KUNGDAWN 79:5

Madu e, nang anhte hpe htani htana masin pawt nga na n ni? Na a masin kahtet ai lam gaw wan zawn matut nna hkru shangun na wu ni?

ESAIA 64:9

dai rai nna, anhte hpe nau wa masin hkum pawt et, anhte a yubak mara ni hpe htani htana hkum dum nga et. Anhte gaw na a amyu masha ni rai nga ga ai; anhte hpe matsan dum la mi.

YEREMIA 14:19

Madu e, nang gaw Yuda mung hpe atsai awai kau da nu ni? Nang gaw Ziun amyu masha ni hpe n dawng nga n ni? Anhte n mai wa lu hkra nang anhte hpe hpa majaw laja lana di machyi shangun mi ta? Anhte gaw ngwi pyaw sim sa lam hpe tam ga ai, rai ti mung mai kaja ai amu hpa mung n byin wa nga ai; anhte gaw shamai shatsai hkrum na matu myit mada ga ai, rai ti mung de a malai, hkrit hpa lam pru wa nga sai.

YEREMIA 6:30

Dai Madu ngai nan shanhte hpe kau da ni ai majaw, shanhte gaw manu n dan ai nhprang hkyi ni ngu shamying hkrum na mara ai,” ngu nna tsun ai.

YEREMIA 7:29

“Yerusalem amyu masha ni e, sharung shayawt nga mu; na a kara zen di nna kabai kau u. Kawng pungding ntsa hkan e makoi mayang mahkawn hkawn mu, hpa majaw nga yang, dai Madu ngai gaw pawt sindawng nngai hte nye a amyu masha ni hpe ningdang kau ni ai.

EZEKELA 24:13

Yerusalem mare e, na a nse nsa ai arawn alai ni gaw nang hpe awu asin di kau nit dai. Nang hpe ngai jasan shapra na shakut ti mung, nang awu asin naw hkrum nga ndai. Nye a n-gun tup sindawng kahtet ai hpe nang n hkam sha dingsa, jasan jaseng hkrum na ndai n rai.

EZEKELA 37:11

Karai Kasang gaw ngai hpe, “Si chye ai masha wa e, Israela amyu masha ni gaw ndai nrut nra ni zawn rai ma ai. Shanhte gaw hkraw mat saga ai, myit mada shara hpa mung n nga mat sai, du na ra ai aten mung n nga sai, nga nna shanhte tsun nga ma ai.

HOSEA 1:6

Gome gaw lahkawng ngu na ma lu nga ai. Ndai lang na ma gaw shayi sha langai rai nga ai. Dai Madu gaw Hosea hpe, “Dai numsha hpe, ‘N tsaw ra nu ai’ ngu nna shamying u; hpa majaw nga yang, ngai gaw Israela amyu masha ni hpe galoi mung tsaw ra myit madun na nngai n rai; shanhte hpe mara raw dat ya na nngai n rai.