SHARUNG SHAYAWT 5:2 - Jinghpaw Common Language Bible 2009

² Anhte a sut gan sali wunli gaw tsasam masha ni a lata de shang mat nna; maigan masha ni mung anhte a dum nta ni hkan e shanu nga ma ai.

Jinghpaw Hanson Version Bible

² Anhte a sali wunli ga tsasam masha ni a lata de, Anhte a dum nta ni, maigan ni a lata de, ap kau hkrum sai.

SHARUNG SHAYAWT 5:2 ပူးပေါင်းရင်းမြစ်များ

SHAKAWN KUNGDAWN 109:11

Shi a hka madu ni shi a sut gan arung arai yawng hte hpe la kau ya nga mu ga; masha tsasam ni mung, shi galaw ai bungli akyu mahkra hte hpe hkam sha lu mu ga.

ESAIA 1:7

Na a mungdan gaw katsi katsang shara rai mat sai, na a mare ni ga du hkra hkru mat sai. Nang yu nga yang, maigan masha ni na a mung hpe madu la kau nna arung arai hkum sumhpa hpe agrawp jahten kau ya nga sai.

ESAIA 5:17

Hten run mat sai mare ni hta, sagu kasha ni tsing makret sha nna, bainam kasha ni udat shara mu tam na mara ai.

ESAIA 63:18

Na a chyoi pra ai amyu masha, anhte gaw chyahkring mi laman, anhte a gumlau hpyen ni a gawt shapraw kau ai hkrum ga ai; shanhte gaw na a chyoi pra ai shara hpe kabye anyawp kau ma ai.

YEREMIA 17:4

Ngai nang hpe jaw da ai mungdan hpe nang sum kau nna nang n chye ai mungdan hta na a gumlau hpyen ni hpe nang daw jau na rai ndai, hpa majaw nga yang nye a masin kahtet ai gaw wan zawn rai nna, dai gaw htani htana hkru nga na ra ai.

YEREMIA 6:12

Shanhte a nta ni hte hpawn yi hkauna ni hte madu jan ni gaw kaga masha ni a lata de du mat wa na mara ai. Ngai gaw ndai mungdan a amyu masha ni hpe ari jaw na we ai.

EZEKELA 7:21

“Dai Madu gaw, “Ngai gaw maigan masha ni hpe dai arai ni hpe kashun la shangun na nngai, tara n hkan ai masha ni mung shanhte a sut gan yawng hpe la kau ya nna awu asin di kau na mara ai.

EZEKELA 7:24

Ngai gaw gumshem htum ai amyu ni hpe ndai mung de jashawn dat nna nanhte a dum nta ni hpe madu la shangun na nngai. Nang nawku ai shara ni hta masha amyu baw ni hpe awu asin di kau shangun ai shaloi, na a n-gun ja htum ai masha ni gaw kam ai myit htum mat na mara ai.

HOSEA 8:7

Shanhte nbung gat hkai ai shaloi, nbung laru shu la na mara ai! Yi hkauna na n myin ai nsi naisi gaw galoi mung muk n lu shapraw ya nga ai. Dai hta rawng tim pyi, maigan masha ni sha kau na mara ai.

HOSEA 8:8

Israela gaw kaga amyu baw ni zawn tai mat nna ndi chyaga zawn asung n shang nga ai.

ZEHPANI 1:13

Shanhte a sut gan lanep tai mat nna dum nta ni jahten kau ai hkrum na mara ai. Shanhte galaw da ai dum nta ni hta shanhte galoi mung rawng lu na mara ai n rai, sabyi sun hkai sharing da ti mung sabyi ntsin lu lu na mara ai n rai.”