SHARUNG SHAYAWT 5:1 - Jinghpaw Common Language Bible 2009

¹ O Madu e, anhte hta hpa byin nga sai lam hpe dum nga u. Anhte hpe mada yu nna, anhte hpe jahpoi jahpyak ai lam hpe mu ya e.

Jinghpaw Hanson Version Bible

¹ Yehowa e, anhte hkrum ai lam hpe dum u; Anhte hkrum sha ai shatan nhkan hpe mada yu nna sumru yu u.

SHARUNG SHAYAWT 5:1 ပူးပေါင်းရင်းမြစ်များ

NEHEMIA 1:3

Shanhte gaw ngai hpe naw ngam nga ai ni hte bum ga dum nta de nhtang wa nga ai ni gaw ru yak tsin-yam tsindam kaba hkrum ai hte, makau mayang hkan nga ai maigan masha ni mung shanhte hpe yu kaji nga ma ai ngu nna tsun dan ma ai. Shanhte gaw Yerusalem bunghku ni hten run mat ai hte mare chyinghka ni hkru mat sai lam tsun dan ma ai.

NEHEMIA 1:8

Nang Mawshe hpe tsun da sai ga hpe ya dum nga u: ‘Nanhte Israela amyu masha ni ngai hpe n kam n sham myit dai rai yang, ngai nanhte hpe kaga masha amyu ni a lapran de shabra kau na made ai.

NEHEMIA 4:4

Ngai gaw, “O Karai Kasang e, anhte hpe asawng asang di mi ai ga madat u! Shanhte a shatan nhkan ga shanhte a baw ntsa e nan hkrat shangun u. Shanhte lu ai arai magup sumhpa kashun kashe ai hkrum nna, maigan mung de bawng rim woi la ai hkrum shangun u.

YOBA 10:9

Nang gaw ngai hpe kagam ga hte hpan da nga ndai hpe dum u; ngai hpe ga nhpu de bai nhtang wa shangun na a ni?

YOBA 7:7

O Karai Kasang e, nye a asak gaw nsoi nsa langai sha rai nga ai hpe dum u law. nye a kabu gara ai mung htum mat sali ai.

SHAKAWN KUNGDAWN 119:153

Na a tara hpe ngai n malap kau nga nngai majaw, nye a nni nkri hpe yu nna, ngai hpe hkye hkrang la e.

SHAKAWN KUNGDAWN 74:18

Rai ti mung, Madu e, na a gumlau hpyen ni nang hpe asawng asang di nga ai hpe, dum nga u.

SHAKAWN KUNGDAWN 79:12

Madu e, maigan mungdan ni a n kaw n law re ai hte nang hpe kabai tawn nga ma ai majaw, shanhte hpe sanit lang ari bai htang jaw u.

SHAKAWN KUNGDAWN 79:4

Htingbu mungdan amyu masha ni mung anhte hpe asawng asang di mi ai; anhte hpe mani ai hte n kaw n law di da mi ai.

ESAIA 62:6

Yerusalem e, ngai gaw na a bunghku ntsa hkan e sin langa ni hpe tawn da ni ai; Shanhte gaw shani shana galoi mung atsin sha nga nga ma ai n rai. Shanhte gaw dai Madu shi a ga sadi ni hte Shi shanhte hpe galoi mung n malap kau u ga, shadum nga na rai ma ai.

YEREMIA 15:15

Dai hpang, ngai gaw, “Madu e, nang chye nga ndai; ngai hpe dum nga e law. Ngai hpe zingri zingrat ai ni hpe ngai matai dawp lu n-ga law. Shanhte ngai hpe sat ai hta awng dang ai hpe grai wa hkum yu sharang nga et. Na a majaw ngai n kaw n law hkrum nga nngai hpe dum nga u.

YEREMIA 51:51

Nanhte gaw, ‘Nawku Htingnu kata na chyoi pra ai shara ni hpe maigan masha ni e madu sha kau mu ai majaw, anhte gaw myi man sum ai hte kaya kahpa di hkrum nga saga ai; anhte gaw dik hkra garen gari rai hkam sha saga ai,’ ngu nna tsun myit dai.

SHARUNG SHAYAWT 1:11

Shanhte gaw sha na shahpa tam nga yang, shi a amyu masha ni madai nga ma ai; Shanhte hkum nan asak hkrung nga lu na matu shanhte a sut gan ni hpe shahpa galai ma ai. Dai Madu gaw, “Ngai hpe mada yu rit, nye a nchyi nmu hpe mu ya rit,” nga nna dai mare jahtau tsun nga ai.

SHARUNG SHAYAWT 1:20

“O Madu e, nye a tsin-yam tsindam hpe mung, nye a wenyi a ru yak makyin madut hpe mung mada yu u! Nye a myit masin gaw nye yubak ni a majaw yawn hkyen ai hte daw hten mat sali ai. Nmaw lam ni hkan masha sat amu nga nga ai; nhku kata e pyi si hkrung si htan gaw nga nga ai.

SHARUNG SHAYAWT 1:9

Shi a n san n seng ai gaw aloi sha mu lu nga ti mung, shi gaw shi a htawm hpang na maka hpe myit tsang ai lam hpa mung n madun nga wu ai. Shi a hkrat sum ai lam gaw hkrit kajawng hpa rai nna kadai mung shi hpe shalan shabran lu ai n rai. Shi a gumlau hpyen ni shi hpe dang kau mu ai majaw matsan dum la na matu dai Madu hpe hpyi jahtau ma ai.

SHARUNG SHAYAWT 2:15

Dai mare hku lai wa ai masha ni gaw nang hpe yu nna jahpoi asawng nga ma ai. “Ndai mare gaw yu tsawm na zawn rai nga a ni? Ndai mare gaw mungkan ting a gumrawng shara rai nga a ni?,” nga nna shanhte a baw ni kanga nhtawm Yerusalem mare a hten run mat ai hpe yu nna ashu nga ma ai.

SHARUNG SHAYAWT 2:20

O Madu e, yu u! Nang gaw hpa majaw anhte hpe ndai zawn ari jaw nga n ni? Numsha ni gaw shanhte tsaw ra ai kashu kasha ni a hkum shan ni hpe sha nga ma hka! Hkinjawng ni hte myihtoi ni mung tinang a Nawku Htingnu kata hta nan sat kau ai hkrum nga ma ai.

SHARUNG SHAYAWT 3:19

Nye a nchyi nmu hpe myit mang ai lam, ngai hta dum nta n lu ai gaw ahkup ahka nga ai gung rai nga ai.

SHARUNG SHAYAWT 3:50

Dai Madu anhte hpe sumsing lamu kaw nna gum yu nhtawm anhte hpe mu mada ai aten du hkra rai nga ai.

SHARUNG SHAYAWT 3:61

“O Madu e, shanhte ngai hpe n kaw n law di ai nsen hpe nang na nit dai; nang gaw shanhte a maw mawn ai lam yawng mayawng hpe mung chye nga ndai.

HABAKU 3:2

O Madu e, nang galaw nit dai amu ni a lam ngai na ni ai, ngai hkrit gari ai hte hpring nga nngai. Ya chyawm gaw anhte a aten ni hta, nang galaw dan sai amu kaba ni hpe kalang mi bai galaw u law. Nang pawt sindawng nga ai shaloi pyi, matsan dum nga u law.

LUKA 23:42

Shing nga nhtawm shi gaw, “Yesu e, hkawhkam hku nna du sa ai shaloi, ngai hpe dum rit law!,” ngu nna hpyi wu ai.