SHARUNG SHAYAWT 4:8 - Jinghpaw Common Language Bible 2009

⁸ Ya chyawm gaw, shanhte a myi man nsam ni chyang mat nna nmaw lam hkan e kadai n chye ai sha si taw nga ma ai; shanhte a ahpyi ni gaw nrut nra ni a ntsa e kap mat nna dai gaw hpun hpyi zawn hkraw mat nga ai.

Jinghpaw Hanson Version Bible

⁸ Ya chyawm gaw shanhte nsam, nra hta grau chyang nga ai; mare lam ni hta kadai mung shanhte hpe n chye ma ai; Shanhte a hpyi nrut nra hta kap mat nna, dai gaw hpun zawn hkraw mat nga ai.

SHARUNG SHAYAWT 4:8 ပူးပေါင်းရင်းမြစ်များ

YOBA 19:20

Nye a hpyi shan gaw nrut nra ni hta kap noi mat nga ai; nye a asak hpe pyi tsam mari sha shalawt la lu nngai.

YOBA 2:12

Shanhte gaw tsan tsan kaw nna Yoba hpe mu mada ti mung shi hpe n chye yu matsing nga ma ai. Shanhte mu ai shaloi, hkrap ngu hkrap ngoi hpang wa nhtawm yawn hkyen ai hte shanhte a hpun palawng ni hpe gang je kau nna, lamu de ga nhpu kabai shalun ai hte tinang a baw ntsa e hkrat bun shangun ma ai.

YOBA 30:30

Nye a hkum hpyi chyang mat sali ai; nye a hkum kahtet machyi mat nga ai.

YOBA 33:21

Shanhte a hkum shan ni hpa mi n kap mat nga ai; nang gaw shanhte a nrut nra ni hpe mu lu nga ndai;

SHAKAWN KUNGDAWN 102:11

Nye a asak gaw jan shang wa yang na shingnip zawn rai nga nna; hkraw ai tsingdu hte bung nga nngai.

SHAKAWN KUNGDAWN 119:83

Ngai gaw kabai kau sai shanhpyi ndum zawn akyu n rawng nga nngai; rai ti mung, na a hkang da ai ga ni hpe ngai malap kau nga nngai n rai.

SHAKAWN KUNGDAWN 32:4

Madu e, nang ngai hpe shani shana ari jaw nit dai; ginhtawng ta na kang kahtet ai a majaw, madi manyap shara ni hkun hkraw mat wa ai zawn, nye a n-gun atsam mung tsep kawp htum mat nga sali ai.

SHAKAWN KUNGDAWN 38:3

Na a masin kahtet ai majaw ngai laja lana machyi hkrum nga nngai; nye a yubak ni a majaw, nye a hkum ting hta ana zinli hkrai rai nga li ai.

ESAIA 52:14

Shanhte gaw shi hpe mu ai shaloi, amyu masha law law hte gaw mau kajawng mat ma ai; shi gaw shinggyim hkum hkrang hte grai shai mat hkra, gawng shingyan hten mat nga ai.

SHARUNG SHAYAWT 5:10

Wan htung zawn kahtet ai gaw anhte a ahpyi ni chyang mat ai aten du hkra, kawsi kyet ai gaw anhte hpe machyi makaw hte hkru kau shangun mi ai.

YOELA 2:6

Shanhte shani sa wa yang, masha shagu hkrit gari ma ai; masha shagu a myi man chyang mat ma ai.

NAHUM 2:10

Ninewe gaw jahten hkrum, kabai da hkrum, akrin akraw shara tai mat sai! Myit masin ni hkrit myit hte byawng mat sai; lahput ni gari ashun, n-gun lagaw htum sai; myi man ni chyang mat sai.

LUKA 10:11

‘Anhte a lagaw hta kap ai nanhte a mare na ga nhpu pyi, nanhte hpe deng u ga matu anhte ahpu katsut kau da ga ai, rai ti mung, Karai Kasang a Mungdan gaw nanhte hte ani sha du ra ai hpe chye nga mu, ngu nna tsun da mu,’ ngu mu ai.