SHARUNG SHAYAWT 4:7 - Jinghpaw Common Language Bible 2009

⁷ Anhte a hkawhkam shadang sha ni gaw matsat shabat awu asin n re ai sha hkyen zawn san seng nna; wa-ngan marai hte n-gun ja nhtawm shanhte hta hkam kaja ningchya rawng nga ma ai.

Jinghpaw Hanson Version Bible

⁷ Shi a arawng lu ai ni gaw, hkyen hta grau san pra nna, nga chyu hta grau hpraw nga ma ai; Shanhte a hkum shan gaw, lung hkyeng hta grau hkyeng nna, de a ningja nila lungseng hte bung nga ai.

SHARUNG SHAYAWT 4:7 ပူးပေါင်းရင်းမြစ်များ

YOBA 28:16

Jet htum ai aja hte reng htum ai lung seng ni hte, De a manu hpe shabung lu ai n rai.

YOBA 28:18

Hpaji byeng-ya a manu gaw chyahkat lung, lung san nlung hte Patamya lung seng ni hta grau manu dan nga ai.

SHAKAWN KUNGDAWN 144:12

Anhte a shadang sha ni gaw shanhte a brang ram prat hta, hpun lawn kasha ni tu kaba wa ai zawn; anhte a shayi sha ni mung, Nawku Htingnu jut ni hpe mawn sumli da ai nlung shadaw ni zawn, rai nga mu ga.

SHAKAWN KUNGDAWN 51:7

Nye a yubak hpe la kau ya e, shing rai jang, ngai san pra wa lu na nngai; ngai hpe kashin la e, shing rai jang, ngai gaw hkyen hta pyi grau hpraw wa lu na nngai.

PRU MAT 24:10

shanhte gaw Israela a Karai Kasang hpe mu ma ai. Shi a lagaw npu e sawm tsit ai lamu nsam zawn pru ai sahpira lung seng hte nep da nga ai.

Shawlumon A Mahkawn Ga 5:10

Nye a tsaw ra wa gaw tsawm htap nna n-gun ja nga ai; shi gaw masha mun mi hta langai mi rai nga ai.

Shawlumon A Mahkawn Ga 5:15

Shi a magyi ni gaw aja machyaw hta shadun ai lung hpraw shadaw ni rai nga ai. Shi gaw Lebanon bum ni hte tsaw ai marau hpun ni zawn dan hkung ai hte hpung rawng nga ai.

Daniela 1:15

Ya ndat da ai aten du jang, shanhte gaw hkawhkam malu masha sha ai ni yawng hta grau nna hkam kaja ai hte n-gun ja nga ma ai.

LUKA 1:15

Kaning rai nme law, shi gaw dai Madu a man e galu kaba wa na ra ai; sabyi hte chyaru shi lu na n rai; kanu a hkritung nna pyi, Chyoi Pra ai Wenyi hte hpring na ra ai.

TARA AGYI 13:5

na a shadang sha shangai ai hpang, shi a kara hpe nang galoi mung rep ya lu na n rai; hpa majaw nga yang, shi shangai wa ai shani kaw nna Nazari langai zawn Karai Kasang hta ap nawng da hkrum nga nu ai. Shi gaw Israela hpe Hpilisti masha ni a lata kaw na hkye mawai la ai amu galaw hpang na ra ai.

TARA AGYI 13:7

Rai ti mung ngai na-um nasin rai nna shadang sha shangai wa na lam hpe chyawm gaw shi ngai hpe tsun wu ai. Shi gaw sabyi ntsin hpe mung, chyaru hpa hpe mung n lu ai sha, hkum da ai lusha hpa hpe mung n sha na lam, ngai hpe tsun wu ai; hpa majaw nga yang, shi hkrung nga dingsa Nazari langai zawn Karai Kasang hta ap nawng da hkrum na rai nga wu ai,” ngu nna tsun dan wu ai.

TARA AGYI 16:17

shi gaw hpang jahtum e, teng man ai lam tsun dan kau wu ai. Shi gaw, “Ngai gaw shangai wa ai aten kaw nna Nazari langai zawn Karai Kasang hta ap nawng da hkrum ai wa rai nga nngai majaw nye a kara hpe galoi mung n rep kau we ai. Nye a kara hpe rep kau jang masha gale zawn nye a n-gun daw mat nna kya mat na rai li ai,” ngu nna tsun wu ai.

1 SAMUELA 16:12

Dai rai nna, Yese gaw shi hpe shaga dat wu ai. Shi gaw ahpraw asam tsawm nna hkam kaja ai shabrang ma rai nhtawm shi a myi man ni tu kabrim nga wu ai. Dai Madu gaw Samuela hpe, “Ndai wa rai nga ai, shi hpe namman jaw ya u!,” ngu nna tsun wu ai.