SHARUNG SHAYAWT 4:5 - Jinghpaw Common Language Bible 2009

⁵ Lang mi mu mai htum ai lusha ni sha yu sai masha ni gaw lusha kyet ai majaw nmaw lam hkan e si taw nga ma ai; pyaw hpa lam hta len yu sai ni gaw lusha a matu shanut shanaw hkan tam mahkai hta nga ma ai.

Jinghpaw Hanson Version Bible

⁵ Mu mu mai mai sha ga ai ni gaw, shingbyi shara kata, mare lam ni hta nga nga ma ai: Hkyeng mang ai yup ra ntsa e yup ga ai ni gaw, nga hkyi sumpum machyu nga ma ai.

SHARUNG SHAYAWT 4:5 ပူးပေါင်းရင်းမြစ်များ

2 SAMUELA 1:24

“Israela numsha ni e, Shawlu a matu sharung shayawt nga mu! Shi gaw nanhte hpe hkyeng mang ai hpun palawng jahpun nna, aja lungseng ni hte nanhte hpe mawn sumli da manit dai.

2 HKAWHKAM 18:27

Shi gaw, “Nang hte hkawhkam wa hpe ndai ga ni mahkra tsun dan na matu hkawseng wa ngai hpe shangun dat ai zawn nang myit nawn da wu ni? N rai law, nanhte zawn shanhte a hkyi shanhte sha nna shanhte a jit shanhte lu na mara ai ngu nna she mare bunghku ntsa e dung nga ai masha ni hpe ngai tsun nga nngai.

YOBA 24:8

Shanhte gaw bum ga e htu ai marang hte nyaw nna; shingbyi shara lunghkrung makau hkan e shanhte anin machyu nga ma ai.

GA SHAGAWP 31:21

Hkyen hkrat ai shaloi, shi myit n ru nga ai. Hpa majaw nga yang, shi a dinghku masha ni lum palawng yawng lu da sai majaw rai nga ai.

SHARUNG SHAYAWT 1:11

Shanhte gaw sha na shahpa tam nga yang, shi a amyu masha ni madai nga ma ai; Shanhte hkum nan asak hkrung nga lu na matu shanhte a sut gan ni hpe shahpa galai ma ai. Dai Madu gaw, “Ngai hpe mada yu rit, nye a nchyi nmu hpe mu ya rit,” nga nna dai mare jahtau tsun nga ai.

LUKA 15:16

Shaloi shi gaw, wa ni sha nga ai shapre kawp hte sha pyi shi a kan jahkru mayu timung, gade e mung n jaw sha mu ai.

LUKA 16:19

“Kalang mi na sahti wa langai mi nga ai. Shi gaw, hpu ging dik ai, hpun palawng bu hpun nna shani shagu pyaw pyaw ning ngai nga ai.

LUKA 7:25

Shing n rai, hpa hpe yu na sa myit ta? Mani tsawm ai bu hpun palawng bu hpun tawn ai wa hpe rai ni? Dai zawn tsawm htap ai bu hpun palawng bu hpun nna nhpaw n-ya ningngai nga lu ai gaw, hkawhkam htingnu ni hta mu lu nga ai.

1 TIMOHTI 5:6

Rai ti mung arawn alai hten nna pyaw hpa lam sha tam ai gaida jan chyawm gaw, shi naw hkrung nga ninglen chyasi rai nga ai.