SHARUNG SHAYAWT 4:4 - Jinghpaw Common Language Bible 2009

⁴ Shanhte gaw shanhte a chyu chyu ai ma ni hpe kawsi kyet ai hte hpang gara ai hku si jahtum kau shangun ma ai; ma kaji ni lusha hpyi nga ma ti mung, shanhte hpe jaw sha na masha langai mi mung n nga nga ai.

Jinghpaw Hanson Version Bible

⁴ Chyu chyu ai ma gaw, chyu karut ai majaw, tinang a shinglet gumra hta kap mat nga ai; Ma kaji ni muk hpyi timung, karan jaw ai wa n nga ai.

SHARUNG SHAYAWT 4:4 ပူးပေါင်းရင်းမြစ်များ

2 HKAWHKAM 18:27

Shi gaw, “Nang hte hkawhkam wa hpe ndai ga ni mahkra tsun dan na matu hkawseng wa ngai hpe shangun dat ai zawn nang myit nawn da wu ni? N rai law, nanhte zawn shanhte a hkyi shanhte sha nna shanhte a jit shanhte lu na mara ai ngu nna she mare bunghku ntsa e dung nga ai masha ni hpe ngai tsun nga nngai.

2 HKAWHKAM 25:3

Dai shaning a shata mali nhtoi jahku ya ngu na shani hta dai mare e hkuwa kaba wa ai majaw amyu masha ni hta sha na lusha hpa mung n nga nga ma ai,

SHAKAWN KUNGDAWN 137:6

Nang hpe ngai malap kau nna, nang hpe nye a kabu htum ai shara hku n myit sawn kau ai rai yang, hpang de, ngai galoi mung bai n mahkawn shakawn lu nu ga!

SHAKAWN KUNGDAWN 22:15

Nye a yuhkraw gaw ga nhpu zawn hkraw mat nna; nye a shinglet nye a gumra hta kap mat nga ai. Nang gaw ngai hpe ga nhpu hta si na matu tawn kau da nit dai.

ESAIA 5:13

dai rai nna nang gaw bawng masha ni zawn woi mat wa ai hkrum na rai ndai. Na a ningbaw ni gaw lusha kyet si na mara ai, yu maya masha ni gaw hpang gara ai hte si mat na mara ai.

YEREMIA 14:3

Sut su ai masha ni gaw shanhte a shangun ma ni hpe hka ja shangun ma ai; shanhte gaw hka lawng de sa ma ai, rai ti mung, hka n mu tam ma ai; shanhte gaw di bu kaman sha hte nhtang wa ma ai. Shanhte gaw myit daw ai hte ashuk ashak byin nna myi man magap da ma ai.

SHARUNG SHAYAWT 1:11

Shanhte gaw sha na shahpa tam nga yang, shi a amyu masha ni madai nga ma ai; Shanhte hkum nan asak hkrung nga lu na matu shanhte a sut gan ni hpe shahpa galai ma ai. Dai Madu gaw, “Ngai hpe mada yu rit, nye a nchyi nmu hpe mu ya rit,” nga nna dai mare jahtau tsun nga ai.

LUKA 10:11

‘Anhte a lagaw hta kap ai nanhte a mare na ga nhpu pyi, nanhte hpe deng u ga matu anhte ahpu katsut kau da ga ai, rai ti mung, Karai Kasang a Mungdan gaw nanhte hte ani sha du ra ai hpe chye nga mu, ngu nna tsun da mu,’ ngu mu ai.

TARA JAHPRANG 28:48

Dai majaw nanhte hpe ninghkap na matu dai Madu shangun dat ai gumlau hpyen ni hpe mahtang daw jau na rai myit dai; shing rai ra kadawn ai lam shagu hta kawsi hpang gara ai hte singgu krin re ai tsin-yam ahkrum sha nga na rai myit dai. Dai Madu gaw nanhte hten run mat ai aten du hkra nanhte hpe ja ja dip gamyet da na ra ai.

TARA JAHPRANG 32:24

Shanhte gaw kawsi kyet nna machyi makaw hte si mat na mara ai; hkrit hpa ana ahkya ni hte mung shanhte si na mara ai. Shanhte hpe htim na nam na matse labye dusat ni hpe mung, achye na atuk rawng ai lapu ni hpe mung shangun dat na we ai.