SHARUNG SHAYAWT 4:21 - Jinghpaw Common Language Bible 2009

²¹ Edom hte Uza mung masha ni e, mani sumsai rai nga mu; nang dang lu ai made kabu gara nga u. Na a ru yak tsin-yam tsindam mung du wa ra ai; nang mung ndi nda rai lam hkawm nhtawm singgu krin kaya kahpa hkrum na rin dai.

Jinghpaw Hanson Version Bible

²¹ Uza mung hta shanu nga ai Edom shayi sha e, kabu gara nna sharawng awng nga u; Shi a gawm nang hpang de mung rap wa na ra ai; nang chyaru nang nna singgu krin rai na rin dai.

SHARUNG SHAYAWT 4:21 ပူးပေါင်းရင်းမြစ်များ

NINGPAWT NINGHPANG 36:28

Dishon mung Uza hte Aran amyu lakying ni a kaji kawa rai nga ai.

2 HKAWHKAM LABAU 28:19

Yuda Hkawhkam Ahaza mahtang shi a amyu masha ni a ahkaw ahkang hpe shut kau ya nna dai Madu hpe hkap daw kau wu ai majaw dai Madu gaw Yuda a ntsa e ru yak tsin-yam tsindam shapraw dat nga ai.

YOBA 1:1

Yoba mying ai wa gaw Uza mung e nga nga nna Karai Kasang hpe nawku ai hte shi hta sadi dung ai wa rai nga ai. Shi gaw mai kaja ai masha langai mi rai nna, sadi sahka hte n hkru n hkra ai amu hpa mung n galaw ai wa rai nga ai.

SHAKAWN KUNGDAWN 137:7

Madu e, Yerusalem mare hpe dang la ai shani, Edom amyu masha ni galaw ai amu ni hpe dum nga u; “Ndai mare hpe ga du hkra run kau gaw!,” nga nna shanhte tsun ai ga ni hpe adum nga u.

HPAJI NINGLI 11:9

Ramma ni e, nanhte a ram prat hpe kabu gara nga mu. Ramma naw rai nga yang kabu gara nga mu. Nang galaw mayu ai amu hpa hpe mung galaw u. Na a myit sharawng awng ai hku hkan u. Rai ti mung nang galaw ai lam a majaw Karai Kasang nang hpe jeyang na ra ai hpe adum nga u.

YEREMIA 49:12

“Ari hkrum sha na n ging ai masha ni pyi, dai ari gawm hpe lu nga ma ai rai yang, nang gaw ari kaw nna lawt lu na re ngu, myit nawn da wu ni? N rai law, nang gaw dai gawm kaw na lu lu na rai ndai!

YEREMIA 49:7

Ndai gaw Chyahtum Chyalai N-gun rawng ai dai Madu, Edom mung hte seng nna tsun da ai mungga rai nga ai: “Edom masha ni hta shanhte a mai kaja ai tara daw dan ai lam n nga mat sani? Shanhte hpe hpaji jaw ai ni shanhte hpe kaning re ai amu galaw na loi mi pyi hpaji n lu jaw manu ni? Shanhte a hpaji yawng hkoi mat manu ni?

EZEKELA 25:6

“Ndai gaw Tsaw Htum ai dai Madu tsun ai mungga rai nga ai: Nang gaw lahpawk dum let kabu gumhtawn hkawm nga ndai. Nang gaw Israela mungdan hpe n kaw n law di kau nga ndai.

EZEKELA 25:8

Tsaw Htum ai dai Madu gaw, “Yuda gaw kaga masha amyu baw ni yawng hte bung nga ai nga nna Moba wa tsun nu ai majaw,

EZEKELA 26:2

Shi gaw, “Si chye ai masha wa e, ndai gaw Turu mare masha ni a kabu gara ai nsen rai nga ai. Shanhte gaw, ‘Yerusalem gaw run mat sai! Dai mare a sut n-gun mung htum mat sai! Dai mare gaw anhte hpe shingjawng lu sana n rai!,’ nga nna jahtau tsun ma ai.

AMO LAIKA (AMOS) 1:11

Dai Madu gaw, “Edom masha ni lang hte lang yubak galaw shut nga masai, dai lam a majaw ngai shanhte hpe teng teng ari jaw na we ai. Shanhte gaw shanhte a kahpu kanau ni rai nga ai Israela amyu masha ni hpe matsan dum ai lam n nga ai sha nhtu lang let hkan shachyut ma ai. Shanhte a masin kahtet ai gaw shadaw shadang n nga nga ma ai; shanhte a masin kahtet ai hpe galoi mung n lu shakawp nga masai.

OBEDIA 1:1

Ndai gaw Tsaw Htum ai Madu, Edom masha ni hte seng nna tsun ai Obadia a myihtoi ga rai nga ai. Dai Madu gaw masha amyu baw ni hpang de shi a kasa hpe shangun dat wu ai rai nna, anhte gaw ning nga tsun ai shi a mungga hpe na saga ai: “Jin jin rai nga mu! Edom hpe majan gasat na matu rawt sa saga!.”

MIHKA 1:11

Shahpira mare masha ni e, kaya kahpa hte singgu krin rai nna, bawng dung sa wa masu. Zanan mare hta shanu nga ai ni shanhte a mare shinggan de n pru gwi nga ma ai. Betezela mare masha ni a sharung shayawt ai nsen hpe nang na ai shaloi, dai shara hta shingbyi shara n nga ai hpe nang chye na rin dai.

HABAKU 2:16

Nanhte gaw arawng sadang a malai kaya kahpa hte bai htinggrum da hkrum na marin dai. Nanhte nan lu nang nna ndi nda rai wa na myit dai. Dai Madu gaw nanhte hpe ari gawm lu shangun nna nanhte a arawng sadang sari jahpoi kau hkrum na rai myit dai.

SHINGRAN 16:15

“Yu mu! Lagut zawn ngai du na ring ngai! Dai rai nna singgu krin hkawm sa nna masha a man e kaya kahpa n hkrum u ga, amaja nga let tinang a labu palawng ni hpe sin nga ai wa gaw a nga ai.”