SHARUNG SHAYAWT 4:20 - Jinghpaw Common Language Bible 2009

²⁰ Shanhte gaw dai Madu lata san da sai anhte a asak hka hpawk rai nga ai, Anhte hpe shang gasat ai hpyen shagu a lata kaw na anhte hpe makawp maga la na matu, anhte kam hpa nga ai dai hkawhkam wa hpe mung rim la ma ai.

Jinghpaw Hanson Version Bible

²⁰ Anhte a nsai nsa ngu ai, Yehowa a namman chya ai wa gaw, shanhte a nhkun hta rim la hkrum sai, Anhte mahtang, “Ndai wa a shingnip npu e, masha amyu ni hta anhte nga nga lu na ga ai,” nga nna tsun yu saga ai.

SHARUNG SHAYAWT 4:20 ပူးပေါင်းရင်းမြစ်များ

NINGPAWT NINGHPANG 2:7

Dai hpang dai Madu Karai Kasang gaw aga kaw nna ga loi mi hpe la nhtawm dai hte shinggyim hkrang shachyaw wu ai; shi a ladi hta hkrung ai nsoi nsa hpe shi kawut bang ya wu ai hte dai shinggyim masha gaw hkrung hpang wa nga ai.

NINGPAWT NINGHPANG 44:30

Yuda gaw matut nna, ya chyawm gaw madu e, “Nye wa hpang de ndai ma n lawm ai sha nhtang wa ai rai yang, ngai hte rau ma dai n lawm wa ai hpe shi hkap mu mada ai hte shi si mat na wu ai. Shi a asak gaw dai ma a asak hta manoi nga ai rai nna, ya shi grai dingla wa sai hte maren, anhte shi hpe yawn hkyen jahkrum nna sat kau na ga ai.

2 SAMUELA 1:14

Dawi gaw shi hpe, “Dai Madu lata san da sai hkawhkam wa hpe nang kaning di sat gwi nga n ta?,” ngu nna san wu ai.

2 SAMUELA 1:21

Gilaboa kawng ni hta marang mung numri mung n hkrat mat nu ga; De a yi hkauna ni gaw tut nawng e nsi naisi n shapraw ya nu ga! Magrau grang ai wa a ninggang ni gaw dai yang e n sawn nsang di kabai kau ai hkrum nga nu hka! Shawlu a ninggang gaw sau hte galoi mung n arut da lu na sai.

2 SAMUELA 18:3

Shanhte gaw, “Nang nan chyawm gaw anhte hte rau n pru sa u ga; anhte hta na naw ngam nga ai ni kayin hprawng mat wa ai rai ti mung, shing n rai anhte hta na ka-ang hkup dang sat kau ai hkrum ga ti mung, gumlau hpyen a matu laklai shai wa na n rai; nang mahtang gaw anhte hta na masha mun mi hta pyi grau manu dan nga ndai. Ndai mare hta nang nga nga nhtawm anhte hpe karum madi shadaw la na grau mai kaja nga ai,” ngu nna htan ma ai.

2 SAMUELA 19:21

Zeruia a kasha Abishai mahtang ning ngu nna tsun wu ai: “Shime gaw dai Madu lata san da sai hkawhkam wa hpe matsa kau nga ai majaw si lu na rai wu ai.”

2 HKAWHKAM LABAU 35:25

Myihtoi Yeremia gaw Hkawhkam Yoshia a matu sharung shayawt ga hpe shagawp da nga ai; shi a matu sharung shayawt yang lang ai dai mahkawn gaw mahkawn mangoi chye ai numsha, lasha ni a matu Israela mung hta htung lai langai tai wa sai. Dai mahkawn mangoi hpe shinggyin da ai sharung shayawt laika hta mu lu nga ai.

ESAIA 32:2

Shanhte langai hte langai gaw nbung shingbyi shara hte nbung laru kaw na makoi shingbyi lu ai shara langai zawn tai na mara ai. Shanhte gaw zaibru jang e lwi nga ai hka shi ni zawn, akrin akraw re ai lamu ga hta nga ai kaba ai lunghkrung langai a shingnip zawn tai na mara ai.

YEREMIA 39:5

Rai ti mung, Babelon hpyen luksuk ni gaw shanhte hpe hkan shachyut ai hte Yerihko mare makau na pa hta e Zedekia hpe rim la lu ma ai. Shanhte gaw Hamat mung na Ribla mare e nga ai Babelon Hkawhkam Nebuhkadneza hpang de shi hpe woi wa ma ai, shaloi Nebuhkadneza gaw shi hpe jeyang daw dan wu ai.

YEREMIA 52:8

Rai ti mung, Babelon hpyen luksuk ni gaw hkawhkam Zedekia hpe hkan shachyut nang nna Yerihko pa layang e rim la lu ma ai; shi a hpyenla ni yawng mung shi hpe shakram kau da ma ai.

YEREMIA 52:9

Zedekia gaw Hamat mung Ribla mare e nga ai Hkawhkam Nebuhkadneza hpang de woi sa ai hkrum ai hte dai yang e Nebuhkadneza gaw shi hpe tara daw dan wu ai.

SHARUNG SHAYAWT 2:9

Mare chyinghka ni adaw atang rai, ga hta lup taw nga nna, shanhte a chyinghka htinggrang ni adaw atang rai agrawp daw mat manu ai. Hkawhkam wa hte arawng lu ai du magam ni bawng dung hkrum nga masai. Tara a lam n sharin la nga ma ai, myihtoi ni mung dai Madu kaw na shingran hpa mung n hkam la lu nga ma ai.

EZEKELA 12:13

Rai ti mung, ngai gaw nye a sumgawn hte shi hpe ka-up la nna dai hta shi hpe hkam la na nngai. Dai hpang, ngai gaw shi hpe Babelon mare de woi wa nna dai shara hpe shi n mu lu ai sha, si mat na ra ai.

EZEKELA 17:18

Shi galaw tawn da ai dagam ga hte ga shaka hpe jahten kau nu ai. Shi gaw dai amu ni yawng hpe galaw nu ai rai nna, ya shi lawt lu na ra ai n rai,” ngu nna tsun nga ai.

EZEKELA 31:17

Shanhte gaw si mat nna Katsan ga de yu wa sai ni hpang de shi hte rau yu wa na mara ai. Shi a shingnip npu hta shanu nga ai ni yawng gaw amyu baw ni a lapran e, shabra kau hkrum na mara ai.

Daniela 4:12

De a hpun lap ni tsawm htap nga ai; dai hta mungkan ga ting sha law hkra asi noi abya nga ai. Matse labye dusat ni mung de a shingnip ni hta sa ra shatai nhtawm, ntsa malen u ni gaw de a lakung lakying ni hta atsip tsip ma ai; hkrung mahkrung baw shagu hte mung de a asi sha ma ai.

HOSEA 13:10

Nanhte gaw hkawhkam langai hte ningbaw ni hpe hpyi myit dai; rai ti mung amyu baw hpe shanhte kaning rai hkye la lu na rai ma ta?

TARA AGYI 9:15

Ju hpun gaw, ‘Nanhte teng teng ngai hpe hkawhkam shatai mayu myit yang gaw ngai kaw sa nna nye a shingnip hta shingbyi nga mu. Nanhte n sa myit yang gaw dai ju hpun lakung lakying hta na wan hkru wa nhtawm Lebanon arit hpun ni hpe pyi hkru kau na ra ai,’ ngu nna htan wu ai.

1 SAMUELA 12:3

Ngai gaw nang e nga nga nngai. Ngai gaw lama ma hpe sha pyi galaw shut kau yu ni ai rai yang, ya dai Madu a man e mung, shi lata san da nu ai hkawhkam wa a man e mung ngai hpe mara shagun mi. Kade a dumsu kanu, shing n rai lawze hpe ngai la kau yu a ta? Kadai hpe maw sha yu a ta? Kadai wa hpe dip gamyet sha yu a ta? Kadai kaw na mayun kumhpa hkap la yu a ta? Ndai zawn re ai amu ni hta na langai ngai hpe ngai galaw shut kau ai rai yang, ngai la kau ya ai made, ngai bai nhtang jaw made ga,” ngu nna tsun wu ai.

1 SAMUELA 12:5

Samuela chyawm gaw, “Ngai hta tsep kawp mara n kap nga ai hpe nanhte mu manit dai rai nna dai Madu hte shi lata san da nu ai hkawhkam yan gaw dai ni na nhtoi hta sakse tai nga manu ga,” ngu nna htang tsun wu ai. Shanhte mung, “Rai sa, dai Madu gaw anhte a sakse rai nga ai,” ngu nna htan ma ai.

1 SAMUELA 16:6

Shanhte du ma ai shaloi, Samuela gaw Yese a kasha Eliaba hpe mu dat wu ai rai nna, “Dai Madu a man e tsap nga ai ndai wa gaw shi lata san da ai wa teng teng rai nga sai,” ngu nna shi kraw e myit nawn la wu ai.

1 SAMUELA 24:10

Ya sha, dai Madu gaw nang hpe nye a lata hta lungpu hku e ap ya sai hpe nang hkum nan mu lu na rai ndai. Nye a masha nkau mi mahtang nang hpe sat kau na matu tsun ma ai, rai ti mung nang gaw hkawhkam tai na matu dai Madu lata san da sai wa rai nga ndai majaw ngai nang hpe kachyi mi mung machyi n jahkrum n-ga law, ngu na a matu myit yawn let hkam sha nga nngai.

1 SAMUELA 24:6

“Dai Madu lata san da sai hkawhkam nye a Madu hpe machyi shangun ai amu kaning re ai kaw na mung, dai Madu ngai hpe hkum kau ya n-ga law! Shi gaw dai Madu lata san da sai hkawhkam rai nga ai majaw ngai shi hpe kachyi mi pyi machyi shangun lu na nngai n rai!,” ngu nna tsun wu ai.

1 SAMUELA 26:16

Abna e, na a lit hprai kau nga nit dai! Dai Madu hkawhkam shatai da sai na a madu hpe nang atsawm sha n makawp n maga nga ndai majaw, nanhte yawng si ging nga manit dai, ngu ahkrung nga ai dai Madu hta ngai dagam da se ai. Yu mu! Hkawhkam wa a nri kanang e rai nga sata? Shi a baw nhtung makau e tawn da ai ntsin namtau kanang e rai nga sata?,” ngu nna htan wu ai.

1 SAMUELA 26:9

Rai ti mung, Dawi mahtang, “Shi hpe machyi shangun lu na n rai! Shi lata san da sai hkawhkam wa hpe machyi shangun ai wa hpe dai Madu teng teng ari jaw na rai wu ai.