SHARUNG SHAYAWT 4:18 - Jinghpaw Common Language Bible 2009

¹⁸ Dai gumlau hpyen wa gaw anhte hpe azi yu nga ai; anhte gaw nmaw lam hkan e pyi n hkawm lu saga ai. Anhte a nhtoi ni mung lai mat sai; jahtum aten du nga sai.

Jinghpaw Hanson Version Bible

¹⁸ Anhte gaw nmaw lam ni hta n sa wa lu hkra, shanhte anhte a lagaw hkang hpe hkan tam ma ai; Anhte a jahtum du ra ai majaw, anhte htum na aten du nna, anhte a nhtoi ni gu mat sai.

SHARUNG SHAYAWT 4:18 ပူးပေါင်းရင်းမြစ်များ

YOBA 10:16

Ngai hta awng dang ai lam loi mi lu la yang, hkanghkyi zawn nang ngai hpe gyam nna ngai hpe nni nkri jahkrum na nga, mauhpa amu ni hpe pyi nang galaw ndai.

SHAKAWN KUNGDAWN 140:11

Masha kaga ni hpe masu magaw ga hte mara tam nga ai ni, hkrat sum nga mu ga; n hkru ai lam gaw kashun kashe du daw sai hkaw shabyin ai masha ni hpe hkan dep nang nna, shanhte hpe jahten kau mu ga.

YEREMIA 1:12

Dai Madu gaw, “Nang jaw nga ndai, ngai gaw nye a mungga ni teng nga ai hpe mu lu na matu sin yu nga na nngai,” ngu nna tsun wu ai.

YEREMIA 16:16

Dai Madu gaw, “Ngai gaw ndai amyu masha ni hpe sa rim la na matu nga hkwi masha law law shangun dat na nngai. Dai hpang, shanhte hpe bum shagu hte kawng shagu, lungrawk ni a lapran hkan na lungpu ni hta hkan tam na matu, jaugawng law law ni hpe shangun dat na nngai.

YEREMIA 37:13

Rai ti mung, Benyamin Chyinghka lam de ngai du shang wa ai shaloi, Hanania a kashu, Shelemia a kasha, sin langa ni a agyi Iriya mying ai wa gaw, ngai hpe hkap jahkring nhtawm, “Nang gaw Babelon masha ni hpang de hprawng shang mat wa ai wa rai nga ndai!,” ngu nna hkap tsun wu ai.

YEREMIA 5:31

myihtoi ni gaw masu magaw ga ni hta jan nna hpa mung n tsun ma ai; hkinjawng ni gaw myihtoi ni hkang da ai hte maren up hkang ma ai, nye a amyu masha ni hkum da ai lam hpa mung n nga nga ma ai. Rai ti mung, hpang jahtum e, ndai lam yawng byin wa ai shaloi shanhte hpa galaw na rai ma ta?,” ngu nna tsun ai.

YEREMIA 51:33

Kade n na yang, hpyen wa gaw shanhte hpe kran kadang kau nna chyarang pa ntsa e mam kabye ai zawn shanhte hpe kabye anut kau na mara ai. Chyahtum Chyalai N-gun rawng ai dai Madu Israela a Karai Kasang ngai tsun ni ai,” ngu nna tsun ai.

SHARUNG SHAYAWT 3:52

“Ngai hpe mara kata n dawng ai gumlau hpyen ni a majaw, u hpe zawn ngai mahkam hkam hkrum nga nngai.

EZEKELA 12:27

“Si chye ai masha wa e, Israela amyu masha ni mung na a shingran ga ni hte myihtoi ga ni gaw htawm hpang prat hte seng nga ai nga nna myit nawn da ma ai.

AMO LAIKA (AMOS) 8:2

Dai Madu gaw, “Amo e, nang hpa mu n ta?,” nga nna san wu ai. Ngai gaw, “Namsi ka langai,” ngu nna htan we ai. Dai Madu gaw ngai hpe, “Jahtum ai gaw nye a amyu masha Israela ni a matu du nga sai. Ngai gaw shanhte hpe ari jaw na hte seng nna nye a myit bai galai na n rai.

1 SAMUELA 24:14

Israela hkawhkam wa hpa baw hpe sat na matu shakut hkawm nga ai hpe yu yu mu! Shi hpa baw hpe hkan shachyut hkawm nga ai kun? Gwi chyasi, wa hkalai mi rai nga ai kun?