SHARUNG SHAYAWT 4:16 - Jinghpaw Common Language Bible 2009

¹⁶ Dai Madu gaw shanhte a matu loi mi pyi n myit tsang ya nga ai; shi gaw shi hkum nan shanhte hpe shaden kau nu ai. Shi gaw anhte a hkinjawng ni hte ningbaw ni hpe hpa n sawn wu ai.

Jinghpaw Hanson Version Bible

¹⁶ Yehowa a myi man shanhte hpe shabra kau manu ai; shi shanhte hpe bai yu na n rai; Shanhte gaw hkinjawng ni hpe n kaw n law di nna, salang ni hpe hkungga ma ai n rai,” nga nna masha amyu baw ni hta tsun shajang nga ma ai.

SHARUNG SHAYAWT 4:16 ပူးပေါင်းရင်းမြစ်များ

NINGPAWT NINGHPANG 49:7

Shan a sindawng kahtet ai gaw grai laja nga ai majaw dagam dala hkrum nga ma ai, Shan a masin kahtet ai majaw dai gaw grai mazut nga ai. Ngai gaw shan hpe Israela mungdan ting de shabra kau na mawe ai; Ngai gaw shan hpe amyu masha ni hta na shabra kau na mawe ai.

2 HKAWHKAM LABAU 36:17

Dai rai nna dai Madu gaw shanhte hpe sa htim gasat na matu Babelon hkawhkam hpe shangun dat wu ai. Hkawhkam wa gaw Nawku Htingnu kata e nga ai Yuda la shabrang ni hpe du hkra, sat kau wu ai. Shi gaw kaji kaba hpe mung, lasha numsha ni hpe mung, machyi masha hte hkam kaja ai masha kadai hpe n nga, matsan dum ai myit rawng nga ai n rai. Karai Kasang gaw shanhte yawng hpe shi a lata de ap kau ya nga ai.

SHAKAWN KUNGDAWN 106:27

shanhte a aru arat ni hpe n kam n sham ai ni a mungdan hkan e, shabra kau na wu ai majaw mung, maigan mungdan hkan e, si mat shangun na lam ni a majaw mung, dagam dala ga hte shanhte hpe sadi jaw wu ai.

SHAKAWN KUNGDAWN 106:44

Ti mung, shanhte hpyi jahtau ai shaloi, Madu na ya wu ai; shanhte a myit ru myit tsang ai lam hpe shi dum ya mu ai.

ESAIA 24:2

Hkinjawng ni hte amyu masha ni, mayam ni hte mayam madu ni, mari ai ni hte dut ya ai ni, hkoi ya ai ni hte hkoi la ai ni, sut su ai hte matsan mayan re ai ngu na masha shagu hte gaw hpang jahtum na lam hpe maren hkrum na rai ma ai.

ESAIA 47:6

Ngai gaw nye a amyu masha ni hpe masin pawt ni ai; ngai gaw shanhte hpe nye a matu zawn kachyi mi mung n sawn ai sha di kau ni ai: Ngai gaw shanhte hpe na a daru magam n-gun npu hta tawn da ni ai, nang shanhte hpe matsan dum myit n madun ndai, asak kaba sai ni hpe pyi laja lana di nga ndai.

YEREMIA 15:4

Hezekia a kasha Manashe Yuda hkawhkam tai nga yang, Yerusalem hta shi galaw sai amu a majaw, ngai gaw mungkan ga na masha ni yawng hta shanhte hpe hkrit hpa kumla shatai kau na we ai.”

YEREMIA 24:9

Mungkan ga na masha amyu baw ni yawng hkrit gari mat hkra, dai zawn re ai tsin-yam tsindam shanhte a ntsa e ngai shapraw na we ai. Ngai shanhte hpe shabra kau ai shara shagu hkan e, mung masha ni gaw shanhte hpe mani asawng ai, shatu asan ai, jahpoi jahpyak ai hte shanhte a amying mung dagam dala ga tsun hkrum na mara ai.

YEREMIA 52:24

Hpyen du Nebuzaradan gaw jat nna hkinjawng agyi Seraia hpe mung, shi hta lawu grit re ai hkinjawng Zehpania hte kaga ahkyak ai Nawku Htingnu salang masum hte hpe mung woi mat wa wu ai.

SHARUNG SHAYAWT 2:20

O Madu e, yu u! Nang gaw hpa majaw anhte hpe ndai zawn ari jaw nga n ni? Numsha ni gaw shanhte tsaw ra ai kashu kasha ni a hkum shan ni hpe sha nga ma hka! Hkinjawng ni hte myihtoi ni mung tinang a Nawku Htingnu kata hta nan sat kau ai hkrum nga ma ai.

SHARUNG SHAYAWT 2:6

Shi gaw anhte shi hpe nawku ai Nawku Htingnu shara hpe adaw atang di agrawp daw kau nu ai; Shi gaw dai chyoi pra ai nhtoi ni hte Bansa Nhtoi ni hpe mung jahtum kau nu ai. Hkawhkam wa hte hkinjawng wa mung shi a pawt sindawng ai n-gun hpe maren hkam sha manu ai.

SHARUNG SHAYAWT 5:12

Anhte a ningbaw ni woi la hkrum ai hte noi jen da ai hkrum manu ai; anhte a myit su salang ni hkungga hkrum ma ai n rai.

EZEKELA 5:10

Dai lam ni a majaw, Yerusalem na kanu kawa ni gaw shanhte a kashu kasha ni hpe sha na mara ai, kashu kasha ni gaw shanhte a kanu kawa ni hpe sha na mara ai. Ngai gaw nang hpe ari jaw nna naw hkrung nga ai ni kadai hpe mung man ang ai shara shagu de shabra kau na nngai.

TARA JAHPRANG 28:25

“Nanhte hpe hpyen ai gumlau hpyen ni hpe dai Madu gaw awng padang jaw kau ya na ra ai. Nanhte gaw man maga langai hku sha shanhte hpang de htim sa wa lu myit ti mung, nanhte gaw shanhte kaw na lam maga sanit hku hprawng htaw mat wa na rai myit dai. Ga ntsa na masha amyu baw ni yawng nanhte hta byin ai lam ni hpe yu nna hkrit gari mat na mara ai.

TARA JAHPRANG 32:26

Kadai mung shanhte hpe n dum lu manu ga, shanhte hpe ngai tsep kawp shamyit kau na mawe ai.

HEBRE 8:9

Dai ga shaka gaw, shanhte hpe ngai lata hte dun la nna, Egutu mung na woi wa ai shaloi, shanhte a kaji kawa ni hte ngai tawn da ai ga shaka hte bung na ra ai n rai. Shanhte gaw ngai hte tawn da ai ga shaka hta sadi n dung ma ai majaw, ngai shanhte hpe n yu n gawn na nngai, nga nna dai Madu tsun ai.