SHARUNG SHAYAWT 4:13 - Jinghpaw Common Language Bible 2009

¹³ Rai ti mung, dai gaw mara n kap ai amyu masha ni a si hkrung si htan lam shabyin ai myihtoi ni a shut hpyit ai yubak ni hte hkinjawng ni a shut hpyit ai mara ni a majaw byin wa sai.

Jinghpaw Hanson Version Bible

¹³ Dai gaw myihtoi ni a yubak hte hkinjawng ni shut hpyit ai a majaw byin wa sai. Shanhte gaw dai mare ka-ang e, dinghpring ai ni a sai ru kau masai.

SHARUNG SHAYAWT 4:13 ပူးပေါင်းရင်းမြစ်များ

YEREMIA 14:14

Rai ti mung, dai Madu gaw, “Dai myihtoi ni nye a mying hta masu magaw ga ni hpe tsun nga ma ai; ngai shanhte hpe shangun ai n rai, ngai gaw shanhte hpe hkang dat na hte tsun shaga na ga hkum ni a matu ahkang aya ap ya ai n rai. Shanhte tsun shaga ai shingran ga ni gaw ngai kaw na n rai; shanhte tau nna tsun ai shaba wawt ai lam ni gaw shanhte myit sawn la ai kaman lila amu ni rai ma ai.

YEREMIA 2:20

Tsaw Htum ai dai Madu gaw, Israela e, nang gaw moi kaw nna nye a ahkang aya hpe ningdang kau ndai; nang gaw nye a ga madat na matu hte ngai hpe nawku na matu ningdang kau ndai. Tsaw ai kawng shagu a ntsa hte tsit lali ai hpun npu shagu hta mayat maya ai karai ni hpe nang nawku ndai.

YEREMIA 2:30

Ngai nang hpe ari jaw nngai, rai ti mung dai gaw mai kaja lam hpa mung n galaw ya nga ai; nang gaw ngai hpe shading sharai shangun nga ai n rai. N-yun bu ai hkanghkyi langai zawn na a myihtoi ni hpe nang sat kau nit dai.

YEREMIA 5:31

myihtoi ni gaw masu magaw ga ni hta jan nna hpa mung n tsun ma ai; hkinjawng ni gaw myihtoi ni hkang da ai hte maren up hkang ma ai, nye a amyu masha ni hkum da ai lam hpa mung n nga nga ma ai. Rai ti mung, hpang jahtum e, ndai lam yawng byin wa ai shaloi shanhte hpa galaw na rai ma ta?,” ngu nna tsun ai.

YEREMIA 6:13

Masha kaji kaba yawng hte gaw n ding n man ai hku gumhpraw tam shakut nga ma ai; myihtoi ni hte hkinjawng ni pyi amyu masha ni hpe masu hkalem nga ma ai.

SHARUNG SHAYAWT 2:14

Na a myihtoi ni gaw masu magaw ga htoi ai hta jan nna hpa mung nang hpe n tsun yu mu ai; Shanhte a hkaw tsun ai myihtoi ga gaw na a shut hpyit ai mara hpe n tsun shapraw, n madun dan ai hku nna, nang hpe masu hkalem kau nu ai. Nang gaw myit malai n lu ra nit dai nga nna, shanhte nang hpe myit sawn kau shangun mu ai.

EZEKELA 11:6

Nanhte gaw ndai mare hta amyu masha law law hpe sai jahkaw ai amu galaw manit dai majaw nmaw lam ni hta si mang ni hte hpring nga ai.

EZEKELA 22:25

Dai ningbaw ni gaw shabam nna ashan ni hpe amya sat kau ai hkanghkyi ni zawn rai ma ai. Shanhte gaw amyu masha ni hpe sat shamyit kau nhtawm gumhpraw hte sut gan mahkra hpe dang lu ai daram hta la ma ai, shanhte galaw ai masha sat amu ni a majaw, gaida law law shabyin shangun ma ai.

MAHTE 23:31

Shing nga ti mung, myihtoi ni hpe sat kau ai ni a kashu kasha ni rai nga myit dai gaw, nanhte nan sakse hkam yin la nga myit dai.

KASA 7:52

Nanhte a nji nwa ni n zingri yu ai myihtoi kadai wa nga a ta? Shanhte gaw Karai Kasang a ding hpring nga ai shangun ma du sa na ra ai lam tau hkrau nna htawn tsun ai myihtoi ni hpe sat kau ma ai; ya nanhte mung dai wa hpe ap kau sat kau ai ni rai nga myit dai.