SHARUNG SHAYAWT 4:11 - Jinghpaw Common Language Bible 2009

¹¹ Dai Madu gaw shi a sindawng kahtet ai n-gun tup hpe ru dat nu ai; shi gaw Ziun hpe ga du hkra hkru kau ai wan shachyi nu ai.

Jinghpaw Hanson Version Bible

¹¹ Yehowa gaw shi a myit kahtet ai shakawp nna, shi pawt sindawng ai hpe ru kau nu ai; Shi gaw Ziun mare a npawt nhpang ni du hkra, hkru kau ai wan nat nu ai.

SHARUNG SHAYAWT 4:11 ပူးပေါင်းရင်းမြစ်များ

ESAIA 51:20

Nmaw lam jut shagu hta na a amyu masha ni n-gun kya ai hte taw nga ma ai; shanhte gaw jaugawng wa a sumgawn hta rim hkrum ai shannga zawn rai ma ai. Shanhte gaw Karai Kasang a sindawng kahtet ai n-gun hpe hkam sha manu ai.

YEREMIA 13:14

Dai hpang, ngai gaw namtau shada ahkawk hkat ai zawn kaji kaba n nga, shanhte hpe agrawp daw kau na nngai. Lahpawt dum ai myit, matsan dum ai myit, n-gaw nwai ai myit hpa mung shanhte hpe sat shamyit kau na kaw na ngai hpe hkum da lu na ra ai n rai,” nga nna tsun ai.

YEREMIA 17:27

Rai ti mung, shanhte gaw nye a ga hpe madat mara nna chyoi pra ai shani hku nna Bansa Nhtoi hpe hkan sa lu na ma ai. Shanhte gaw dai nhtoi e Yerusalem mare chyinghka lam ni hku lit hpa mung hpai lai lu na ma ai n rai. Shanhte dai hku galaw ai rai yang, dai Yerusalem mare chyinghka ni hpe ngai wan nat kau na we ai. Dai wan gaw Yerusalem a hkaw htingnu ni hpe hkru kau na ra ai; langai mi mung dai wan hpe sat kau lu na ra ai n rai,” nga nna tsun ai.

YEREMIA 21:14

Rai ti mung, nang galaw sai amu ni hte maren, ngai nang hpe ari jaw na we ai. Na a hkawhkam htingnu hpe mung wan nat kau na we ai, shing rai dai wan gaw grup yin yawng mayawng hpe hkru kau na ra ai. Dai Madu ngai nan tsun ni ai.”

YEREMIA 36:7

Dai Madu gaw ndai amyu masha ni hpe shi a hkrit hpa pawt sindawng ai hte myit kahtet let jahkrit shama nu ai majaw, shanhte gaw n hkru n shawp ai amu kaw na kayin wa nhtawm dai Madu hpe akyu hpyi dam wa ma nhten.”

YEREMIA 7:20

Shing rai Tsaw Htum ai dai Madu ngai nan ndai Nawku Htingnu ntsa e nye a masin kahtet kang ai hpe ru jaw dat na we ai. Masha hte yam nga ni a ntsa e mung, hpun ni hte nsi naisi ni a ntsa e du hkra pyi ru jaw na we ai. Nye a masin kahtet ai gaw agrung nga ai wan zawn rai nna kadai mung dai hpe krip kau lu na n rai.

SHARUNG SHAYAWT 2:1

Dai Madu gaw shi a masin kahtet ai majaw, Ziun hpe nsin hte ka-up da nga wu ai. Shi gaw sumsing lamu a hkik hkam ai hpung shingkang hpe jahten sharun kau nu ai. Shi a masin kahtet ai shani e, shi gaw shi a Nawku Htingnu hpe pyi kabai kau nga ai.

SHARUNG SHAYAWT 2:17

Dai Madu gaw galaw na matu shi sharim da ai amu hpe jahtum e galaw shadik nu ai; Moi kaw nna anhte hpe shi sadi jaw da mi ai hte maren, anhte hpe matsan dum ai myit n nga ai sha, jahten sharun kau nu ai. Shi gaw anhte a gumlau hpyen ni hpe awng padang jaw nu ai; anhte a hkrat sum ai hta shanhte hpe kabu gara ai lam jaw ya nu ai.

SHARUNG SHAYAWT 2:3

Shi masin kahtet ai majaw, Israela a n-gun makru hpe agrawp daw kau nu ai; Shi gaw gumlau hpyen wa du sa wa ai shaloi anhte hpe karum la na matu ningdang kau nu ai. Shi gaw wan zawn anhte hpe n-yun bu ai hte arai yawng mayawng hpe shaza kau nu ai.

SHARUNG SHAYAWT 2:4

Shi gaw gumlau hpyen wa zawn anhte hpe shi a ndan pala ni hte shading da nga ai; Shi gaw anhte a kabu gara lam hte awng sharawng lam lu la ai masha ni yawng hpe sat kau nu ai. Wan zawn hkru nga ai shi a masin kahtet ai hpe ndai Yerusalem kata hta anhte hkam sha saga ai.

SHARUNG SHAYAWT 2:8

Dai Madu gaw Ziun a bunghku ni hpe agrawp daw kau na nga nna, myit daw dan da wu ai; Shi gaw dai mare hpe teng teng atsai awai shamyit kau na matu dai ni hpe shen dingdaw da nu ai. Ya chyawm gaw langchyi ni hte bunghku ni rau sha agrawp taw mat sai.

SHARUNG SHAYAWT 4:22

Ziun gaw shi shut hpyit ai yubak a matu shabrai lu nu ai; Dai Madu gaw anhte hpe galoi mung bawng dung shangun sana n rai. Rai ti mung, Edom e, dai Madu gaw nang hpe ari jaw na ra ai; shi gaw na a shut hpyit ai arawn alai ni hpe shadan dan na ra ai.

EZEKELA 22:31

Dai re ai majaw, ngai gaw nye a masin kahtet ai hpe shanhte a ntsa e ru bun dat nna, shanhte galaw dan sai arawn alai hte maren, shanhte hpe wan zawn shamyit kau na we ai.” Tsaw Htum ai dai Madu tsun nu ai.

EZEKELA 36:18

Shanhte gaw dai mung hta masha sat ai amu ni shut hpyit kau ma ai majaw mung, hpara sumla ni hte dai hpe awu asin di kau mu ai majaw mung, ngai gaw nye a sindawng kahtet ai n-gun shanhte hpe chyim shangun ni ai.

EZEKELA 6:12

Tsan tsan e nga ai ni mung machyi makaw hkrum nna si mat na mara ai; ani sha nga ai ni mung hpyen majan hta sat kau hkrum nna naw ngam nga ai ni gaw kawsi kyet ai hte si mat na mara ai. Shanhte yawng hte gaw nye a sindawng kahtet ai n-gun namchyim hkam sha na mara ai.

Daniela 9:12

Anhte hpe mung, anhte a mung up hkang du ni hpe mung, nang galaw na ngu tsun nit dai hte maren nang galaw nit dai. Nang gaw ginding aga ntsa e nga ai kaga mare hta grau nna Yerusalem mare a ntsa e laja lana re ai ari jaw nga ndai rai nna,

JAW JAU 26:28

nanhte hpe ngai pawt sindawng ai hte nhtan shai ai hku galaw nna shawng na hta grau sawng ai yubak ari htam sanit bai jaw na made ai.

ZEHPANI 2:2

nanhte gaw nbung e shapoi kau hkrum ai numhkaw zawn garai n gawt kau hkrum ai hte dai Madu a masin kahtet ai gaw garai n hkru ai sha nanhte a ntsa de garai n du ai hte shi a sindawng kahtet ai hpe madun ai shani garai n du yang, nanhte a n hkru ai lam hpe hpyi nem nga mu.

ZEHKARIA 1:6

Nye a shangun ma myihtoi ni hku nna nanhte a kaji kawa ni hpe hkang da ai ga ni hte shadum jahprang ai ga ni jaw ya ni ai, rai ti mung shanhte mahtang dai ga ni hpe hpa n nawn ya ma ai majaw byin wa na nni nkri hkam sha manu ai. Galaw na ngu ngai shatawng shada da sai hte maren, shanhte hkam la ging sai hpe Chyahtum Chyalai N-gun rawng ai dai Madu ngai nan shanhte hpe ari jaw ni ai majaw shanhte myit malai wa ai hte ngai hpe yin la nga masai.

LUKA 21:22

Hpa majaw nga yang, Chyum Laika ni hta tsun da ai lam ni yawng mayawng dik wa lu na matu mara, ‘Jeyang daw dan nna ari jaw ai Nhtoi ni rai na ra ai.’