SHARUNG SHAYAWT 4:10 - Jinghpaw Common Language Bible 2009

¹⁰ Dai ru yak tsin-yam tsindam gaw nye a amyu masha ni hpang de hkrit hpa la sa nga ai; tsaw ra myit manoi ai kanu ni gaw shanhte a kashu kasha ni hpe lusha a matu shadu ma ai.

Jinghpaw Hanson Version Bible

¹⁰ Matsan grai chye dum ai num ni a lata gaw, tinang a kasha ni hpe pyi shadu ma ai; Nye amyu shayi sha hten byak hkrum ai shani e, tinang kasha ni hpe pyi sha ma ai.

SHARUNG SHAYAWT 4:10 ပူးပေါင်းရင်းမြစ်များ

2 HKAWHKAM 25:3

Dai shaning a shata mali nhtoi jahku ya ngu na shani hta dai mare e hkuwa kaba wa ai majaw amyu masha ni hta sha na lusha hpa mung n nga nga ma ai,

ESAIA 22:2

Mare ting gaw kaming kamawng rai nga nna garu kachyi nsen hte mau kahpra ai hte hpring nga ai. Ndai majan hta si mat sai na a amyu masha ni gaw gasat si mat ai ni n rai ma ai.

ESAIA 49:15

Dai rai nna dai Madu gaw, “Numsha gaw tinang a chyu chyu ai ma hpe malap kau nna shi shangai ai ma hpe n tsaw ra mai nga a ni? Kanu gaw tinang a kasha hpe malap kau tim pyi, ngai gaw nang hpe galoi mung malap kau na nngai n rai.

YEREMIA 19:9

Gumlau hpyen ni gaw mare hpe wang tawn da nna dai mare masha ni hpe sat kau na matu shakut na mara ai. Hpyen ni mare hpe wang shing grup tawn ai gaw hkrit tsang shara rai nga ai majaw, mare kata e nga ai masha ni gaw langai hte langai sha n-ga, shanhte a kashu kasha ni hpe pyi, sha kau na mara ai,” ngu nna tsun ai.

SHARUNG SHAYAWT 2:11

Nye a myi ni gaw hkrap ngu hkrap ngoi hte hki ba nga ai; nye a wenyi nchyi nmu hkrum nga ai. Ngai gaw nye a amyu masha ni a hten byak ai yawn hkyen lam hte atsu atsa nga nga nngai. Ma kaji ni hte ma chyangai ni mung mare nmaw lam hkan e malap mali ndum ndam rai ma ai.

SHARUNG SHAYAWT 2:20

O Madu e, yu u! Nang gaw hpa majaw anhte hpe ndai zawn ari jaw nga n ni? Numsha ni gaw shanhte tsaw ra ai kashu kasha ni a hkum shan ni hpe sha nga ma hka! Hkinjawng ni hte myihtoi ni mung tinang a Nawku Htingnu kata hta nan sat kau ai hkrum nga ma ai.

SHARUNG SHAYAWT 3:48

Nye a myi ni gaw nye a amyu masha ni a hten za ai hta hka nu ni lwi hkrat wa ai zawn myi prwi si ni lwi hkrat nga li ai.

SHARUNG SHAYAWT 4:3

Chyahkyawn kanu pyi shi a hkalung ni hpe bau maka nga ai, rai ti mung, nye a amyu masha ni gaw u gawla-uk ni zawn shanhte a kasha kaji ni hpe gumshem nga ma ai.

EZEKELA 5:10

Dai lam ni a majaw, Yerusalem na kanu kawa ni gaw shanhte a kashu kasha ni hpe sha na mara ai, kashu kasha ni gaw shanhte a kanu kawa ni hpe sha na mara ai. Ngai gaw nang hpe ari jaw nna naw hkrung nga ai ni kadai hpe mung man ang ai shara shagu de shabra kau na nngai.

JAW JAU 26:29

Nanhte a kawsi kyet ai gaw grau sawng wa nna nanhte a kashu kasha ni hpe pyi sha kau na rai myit dai.