SHARUNG SHAYAWT 4:1 - Jinghpaw Common Language Bible 2009

¹ Anhte a htoi kabrim ai aja gaw n kabrim mat nu ai; Nawku Htingnu nlung ni mung nmaw lam hkan e taw nga ai.

Jinghpaw Hanson Version Bible

¹ Aja gaw kaning rai sum mat sahka! Jet ai ja gaw kaning rai galai mat sahka! Chyoi pra ai nta na nlung ni gaw, mare lam njut nnaw hkan e jawng nga ma ai.

SHARUNG SHAYAWT 4:1 ပူးပေါင်းရင်းမြစ်များ

ESAIA 1:21

Kalang mi sadi dung yu sai mare gaw shawa num langai zawn hkawm sa nga a hka! Dai mare gaw aten langai mi hta ding hpring ai masha ni hte hpring nga ai; rai ti mung ya chyawm gaw masha sat ai ni chyu sha ngam nga sai.

ESAIA 14:12

O, htoi tu ai nhtoi gintawng, Jahpawt manap a kasha e, nang gaw sumsing lamu kaw nna di hkrat wa nit hka! Lai sai aten hta nang gaw masha amyu baw ni hpe gasat dang nga ndai, rai ti mung ya chyawm gaw ga de kabai jahkrat kau ai nang hkrum nga nit dai.

YEREMIA 52:13

Shi gaw Yerusalem na Nawku Htingnu, hkawhkam htingnu ni hte Yerusalem hta nga ai ahkyak masha ni a dum nta ni yawng hpe nat kau wu ai;

SHARUNG SHAYAWT 2:19

Shana tup lang hte lang rawt nna Madu hpe hpyi jahtau u; Na a myit masin hpe ru shapraw dat nhtawm lam jut shara shagu hkan e si na daram Kawsi kyet nga ai ma kaji ni hpe matsan dum la na matu, shi hpe hpyi nem u!

EZEKELA 22:18

“Si chye ai masha wa e, Israela masha ni gaw nye a matu hpa akyu n rawng ma ai. Shanhte gaw gumhpraw hpe wan htung hta shabyawng la ngut ai hpang ngam taw nga ai magri hkyeng, ajang, hpri hte machyu hkyi ni zawn rai ma ai.

MIHKA 1:6

Dai rai nna dai Madu gaw, “Samari mare hpe asan sha jahten sharun sumpum tawn nna sabyi sun galaw ai shara shatai kau na nngai. Dai mare a nlung wut daw chyen ni hpe kadit de sharu kau nhtawm mare a npawt nhpang nlung ni hpe akrin sha shadawng da na nngai.

MAHTE 24:2

Shi mahtang shanhte hpe, “Rai sa, ndai nta ni yawng hte hpe nanhte mada mu ai n rai ni? Ngai nanhte hpe teng teng tsun made ga, ndai nta ni gaw, nlung langai mi gaw langai mi a ntsa e n mara mat ai du hkra hten run mat na mara ai,” ngu nna shanhte hpe tsun mu ai.

MARKU 13:2

Yesu gaw, “Ndai wahpang nta kaba ni hpe ya nang mu ai n rai ni? Nlung langai mi muk mi na shi a shara hta ngam taw nga na ra ai n rai; dai wahpang ni hta na nlung shagu langai mi a ntsa e langai mi n mara hkra run ayai hkrat mat na ra ai,” ngu nna shi hpe tsun wu ai.