SHARUNG SHAYAWT 3:7 - Jinghpaw Common Language Bible 2009

⁷ Shi gaw ngai hpe hpri sumri ni hte gyit hkang da nu ai; ngai gaw hprawng lawt lam a myit mada shara n nga ai bawng masha langai rai nga nngai.

Jinghpaw Hanson Version Bible

⁷ Ngai n pru lu hkra shi nhpan kum nna, ngai hpe gyit ai hpri sumri hpe shali wu ai.

SHARUNG SHAYAWT 3:7 ပူးပေါင်းရင်းမြစ်များ

YOBA 19:8

Karai Kasang gaw lai lam pat kau nu ai, ngai n lai di lu nngai; shi gaw nye a hkrun lam hpe nsin e makoi kau ya nga sai.

YOBA 3:23

Karai Kasang gaw shanhte a du na ra ai lam hpe makoi magap nna, grup yin man shagu hta shanhte hpe kum da nga ai.

SHAKAWN KUNGDAWN 88:8

Nang gaw nye a manang ni hpe ngai hpe kau da shangun nit dai; nang ngai hpe shanhte a man e, matsat shabat shatai kau nit dai. Ngai gaw la sharawng da ai hkrum nga nngai hte lawt lam hpe n mu lu ni ai;

SHAKAWN KUNGDAWN 88:9

nni nkri hkam sha ai majaw, nye a myi ni amam nga li ai. Madu e, ngai nang hpe shani shagu shaga nga nngai hte; nye a lata ni hpe sharawt nna, nang kaw akyu hpyi nga nngai.

YEREMIA 38:6

Dai rai nna, shanhte gaw ngai hpe woi la nhtawm sumri hte gyit nna hkawhkam wang kata hkawhkam kasha Malhkiya a hka htung kata de ngai hpe shayu dat ma ai. Dai hka htung hta hka n rawng nga ai, hkumpup hkrai rai nga nna, ngai gaw dai hta lup nga nngai.

YEREMIA 40:4

Ya chyawm gaw, ngai na a lata hkri hkraw hta gyit da ai hpri sumri hpe raw dat kau ya nna, nang hpe shalawt dat na nngai. Ngai hte rau Babelon mung de hkan mayu yang mung hkan nang lu ai, ngai nang hpe lanu lahku na nngai. Rai ti mung, nang n hkan mayu ai rai yang, hpa n ra ai. Mungdan ting hta nang lata la na shara dam nga lit dai, nang ra sharawng ai shara shagu de nang sa mai nga ndai,” ngu nna tsun wu ai.

SHARUNG SHAYAWT 1:14

“Shi gaw nye a yubak ni yawng hpe matsing da nhtawm dai ni yawng hpe gumhpawn gyit majaw da nga ai; Shi gaw dai ni hpe nye a du grup grup gyit noi da ya mi ai majaw, ngai gaw dai yubak htumbyen kata e n-gun kya ai hte taw nga nngai. Madu gaw ngai hpe nye a gumlau hpyen ni a lata de ap kau nu ai majaw, ngai gaw shanhte hpe ninghkap lu na matu karum la lam n lu rai nga nngai.

SHARUNG SHAYAWT 3:9

Ngai kayin hkawm ai shara shagu hta nlung shakum ni hte pat shingdang da ai majaw, ngai hkawm sa wa yang, ndi nda rai nga nngai.

SHARUNG SHAYAWT 5:5

Lawze shing n rai gawla-uk ni hpe zawn ja ja shaden kau hkrum nga ga ai; anhte gaw hki ba ai hkrum nga ga tim, ban sa na ahkang n lu nga ga ai.

Daniela 9:12

Anhte hpe mung, anhte a mung up hkang du ni hpe mung, nang galaw na ngu tsun nit dai hte maren nang galaw nit dai. Nang gaw ginding aga ntsa e nga ai kaga mare hta grau nna Yerusalem mare a ntsa e laja lana re ai ari jaw nga ndai rai nna,

HOSEA 2:6

Dai re ai majaw, ngai gaw shi a lam pat kau lu hkra, ju hpun ni hte shakum kum nhtawm bunghku langai galaw na nngai.