SHARUNG SHAYAWT 3:62 - Jinghpaw Common Language Bible 2009

⁶² Shanhte gaw shani tup ngai hpe shatan nhkan ga tsun nna n hkru ai hku maw mawn nga ma ai.

Jinghpaw Hanson Version Bible

⁶² Ngai hpe mara shagun ai ni a n-gup hte, shani tup nye a lam n kaja ai hku maw ai ni a ga hpe, nang na nit dai.

SHARUNG SHAYAWT 3:62 ပူးပေါင်းရင်းမြစ်များ

SHAKAWN KUNGDAWN 140:3

Shanhte a shinglet ni gaw gung rawng ai lapu zawn rai nga nna, shanhte tsun shaga ai ga ni mung pu mawp a atuk zawn rai ma ai.

SHAKAWN KUNGDAWN 59:12

Yubak gaw shanhte a nten ni hta rawng nga ai, shanhte tsun shaga ai ga ni yawng mung yubak hkrai rai nga ai. shanhte gaw dagam dala ga hte masu magaw ga ni hpe tsun nga ma ai majaw; shanhte a gumrawng gumtawng ai mahkam hta ahkang nga mu ga!

SHAKAWN KUNGDAWN 59:7

Shanhte a n kaw n law re ai hte jahkrit shama ai ga ni hpe madat ya u; shanhte a n-gup kata na shinglet ni gaw nhtu zawn dai nga ma ai; shanhte tsun shaga ai ga hpe kadai mung n na ma ai nga nna shanhte myit nawn da ma ai.

YEREMIA 18:18

Dai hpang, amyu masha ni gaw, “Anhte Yeremia hpe lam lama mi jawm galaw yu ga! Anhte hpe sharin shaga na matu hkinjawng ni, anhte hpe hpaji jaw la na matu hpaji rawng ai masha ni, hte Karai Kasang a mungga hkaw tsun na matu myihtoi ni tut nawng e nga nga na mara ai. Shi tsun ai ga hpe n madat ai sha, shi hpe mara jawm tam yu ga,” ngu nna tsun ma ai.

EZEKELA 36:3

“Myihtoi htoi u, Tsaw Htum ai dai Madu ngai nan tsun ai mungga hpe tsun ndau u. Israela a bum ni hpe htingbu mungdan na amyu baw ni gasat nna lanep shatai kau ai shaloi, Israela hpe kadai mung mani asawng nga ma ai.