SHARUNG SHAYAWT 3:53 - Jinghpaw Common Language Bible 2009

⁵³ Shanhte gaw ngai hpe nhkun kata de chyahkrung kabai bang nna nhkun mahka hpe nlung hte pat da ma ai.

Jinghpaw Hanson Version Bible

⁵³ Shanhte gaw nhkun hta nye a asak hpe jahtum nna, nye a ntsa e nlung dip da ma ai.

SHARUNG SHAYAWT 3:53 ပူးပေါင်းရင်းမြစ်များ

YEREMIA 37:16

Ngai gaw nta npu na nhkun gawk kaji hta nhtoi tsawmra mi na hkra rawng nga nngai.

YEREMIA 37:20

Ya chyawm gaw, nye a madu hkawhkam wa e, ngai tsun ai ga hpe madat mara nna ngai hpyi lajin ai hpe lajang ya e law. Chyeju hte ngai hpe Yonahtan a nta htawng de hkum nhtang wa shangun e. Nang lama nhtang wa shangun ai rai yang, ngai gaw dai shara hta teng teng si mat na ring ngai,” ngu nna tsun nngai.

YEREMIA 38:6

Dai rai nna, shanhte gaw ngai hpe woi la nhtawm sumri hte gyit nna hkawhkam wang kata hkawhkam kasha Malhkiya a hka htung kata de ngai hpe shayu dat ma ai. Dai hka htung hta hka n rawng nga ai, hkumpup hkrai rai nga nna, ngai gaw dai hta lup nga nngai.

YEREMIA 38:9

“Nye a hkawhkam wa e, ndai masha ni galaw ai amu gaw shut nga masai. Shanhte gaw Yeremia hpe hka htung kata de jahkrat bang kau manu ai, bai nna ndai mare hta lusha hpa mung n nga sai majaw shi gaw teng teng kawsi kyet ai hte si mat na ra ai,” ngu nna tsun wu ai.

Daniela 6:17

Nhkun mahka kaw nlung langai hte pat da nhtawm Daniela hpe kadai mung n hkye mawai la lu hkra nga, hkawhkam wa a dazik hte du magam ni a dazik hpe nlung ntsa hta dawk da ya wu ai.

Daniela 6:18

Dai hpang hkawhkam wa gaw shi a hkawhkam htingnu de nhtang mat wa nna, lana mi n lu yup ai sha nga shalai kau wu ai; shat lusha mung n sha, shangwi shapyaw ai lam hpa mung n hkam la nga wu ai.

YONA 2:1

Yona gaw nga kan kata kaw na dai Madu shi a Karai Kasang hpe ning ngu akyu hpyi wu ai:

MAHTE 27:60

Yosep shi nan a matu lunghkrung lungrawk hta krawk da ai lup ningnan hta e bang tawn da wu ai. Dai hpang lung byen kaba mung, dai lup a mahka e shi galau pat da nna wa mat ai.

MAHTE 27:66

Dai rai nna shanhte lup de sa wa nna dai chyinghka pat da ai lungbyen hpe dazik dawk ai hte lup hpe malawm magawm di nna pat da nhtawm, sin langa ni hpe sin shangun mu ai.