SHARUNG SHAYAWT 3:52 - Jinghpaw Common Language Bible 2009

⁵² “Ngai hpe mara kata n dawng ai gumlau hpyen ni a majaw, u hpe zawn ngai mahkam hkam hkrum nga nngai.

Jinghpaw Hanson Version Bible

⁵² Mayu lakdik e ngai hpe hpyen ai ni gaw, u hpe zawn, ngai hpe hkan tam ma ai.

SHARUNG SHAYAWT 3:52 ပူးပေါင်းရင်းမြစ်များ

SHAKAWN KUNGDAWN 109:3

Nye a lam hpe n hkru n hkra ai shatan nhkan ga ni hte shanhte tsun nhtawm; mara kata e, ngai hpe hpyen galaw ma ai.

SHAKAWN KUNGDAWN 11:1

Madu hta shim nga lu na matu ngai kam hpa nngai. “Ntsa malen u langai mi zawn bum ni hkan pyen hkawm u,

SHAKAWN KUNGDAWN 119:161

Daru magam n-gun atsam rawng ai masha ni gaw ngai hpe n tara ai hku gasat nga ma ti mung; ngai gaw na a tara hpe hkungga nga nngai.

SHAKAWN KUNGDAWN 124:7

Jau gawng wa a mahkam hta na lawt wa ai u zawn, anhte mung lawt mat wa lu saga ai; mahkam daw agrawp mat nna, anhte lawt lu saga ai!

SHAKAWN KUNGDAWN 35:19

Masu magaw ai nye a gumlau hpyen ni gaw ngai hpe dang kau lu ma ai majaw gumrawng ai lam hkum byin shangun et! Lachyum n pru ai sha, ngai hpe n ju n dawng ai ni, ngai yawn hkyen hkrum ai hpe mu nna, hkrum sha sahka, nga nna hkum kabu shangun et!

SHAKAWN KUNGDAWN 35:7

Hpa mung n ra ra re ai kaw, shanhte gaw nye a matu mahkam hkam da ma ai, ngai hpe rim bang na matu sung ai nhkun langai mi htu da nga ma ai.

SHAKAWN KUNGDAWN 69:4

Mara kata e, ngai hpe n ju n dawng nga ai ni gaw nye a baw na kara singgawng ni hta grau law nga ma ai; Nye a gumlau hpyen ni ngai hpe masu magaw shatan nhkan ga tsun nna, gumlang nga ma ai; Shanhte gaw n-gun ja nga ma ai rai nna, ngai hpe sat kau mayu nga ma ai. Ngai n lagu la ai arung arai ni hpe bai nhtang jaw shangun ma ai.

YEREMIA 37:18

Dai hpang, ngai gaw, “Nang ngai hpe htawng hta sharen da shangun na daram, nang hpe mung, na a du salang ni hte amyu masha ni hpe mung, ngai hpa baw ru hka amu galaw shut sata?

SHARUNG SHAYAWT 3:51

Ndai mare na numsha ni a byin hkrum sha ai hpe ngai mu mada ai shaloi, nye a myit masin yawn nga li ai.

YAWHAN 15:25

Rai ti mung dai gaw, ‘Mara n nga ti mung, shanhte ngai hpe n dawng n yawt ma ai,’ nga nna shanhte a Tara Laika hta ka da ai ga dik wa na matu rai nga ai.