SHARUNG SHAYAWT 3:51 - Jinghpaw Common Language Bible 2009

⁵¹ Ndai mare na numsha ni a byin hkrum sha ai hpe ngai mu mada ai shaloi, nye a myit masin yawn nga li ai.

Jinghpaw Hanson Version Bible

⁵¹ Nye mare shayi sha yawng a majaw, nye a myi ngai hpe kawa machyi shangun nga ai.

SHARUNG SHAYAWT 3:51 ပူးပေါင်းရင်းမြစ်များ

NINGPAWT NINGHPANG 44:34

Dai ma ngai hte rau n rai yang, kaning rai wa kaw ngai nhtang wa na rai nga a ta? Nye wa a ntsa hta hkrat wa na ru yak tsin-yam tsindam dai hpe ngai n lu yu na nngai,” ngu nna tsun wu ai.

YEREMIA 11:22

Dai rai nna, Chyahtum Chyalai N-gun Rawng ai dai Madu gaw, “Ngai shanhte hpe ari jaw na we ai! Shanhte a shabrang ni gaw majan pa hta sat kau hkrum na mara ai; shanhte a shayi shadang sha ni mung kawsi hpang gara ai hte si mat na mara ai.

YEREMIA 14:16

Shanhte tsun shaga ai ga ni hpe hkan hta la ai amyu masha ni gaw dai hte maren sat kau ai hkrum na mara ai. Shanhte a moi mang ni gaw Yerusalem lam nmaw ni hkan kabai tawn ai hkrum nna, shanhte hpe lup makoi na masha langai mi mung nga na n rai. Ndai lam ni gaw shanhte a madu jan ni, shadang sha ni hte shayi sha ni yawng hta byin wa na mara ai. Shanhte a n hkru ai amu a shabrai, ngai shanhte hpe jaw na we ai,” nga nna tsun ai.

YEREMIA 14:18

Ngai pa layang ni de pru hkawm ai shaloi, majan hta sat hkrum sai masha ni a moi mang ni hpe ngai mu nngai; Ngai mare ni de pru hkawm ai shaloi, kawsi hpang gara nna si ai masha ni hpe mu nngai. Myihtoi ni hte hkinjawng ni shanhte a amu matut galaw ma ai, rai ti mung, shanhte gaw shanhte hpa galaw nga ai n chye ma ai.”

YEREMIA 19:9

Gumlau hpyen ni gaw mare hpe wang tawn da nna dai mare masha ni hpe sat kau na matu shakut na mara ai. Hpyen ni mare hpe wang shing grup tawn ai gaw hkrit tsang shara rai nga ai majaw, mare kata e nga ai masha ni gaw langai hte langai sha n-ga, shanhte a kashu kasha ni hpe pyi, sha kau na mara ai,” ngu nna tsun ai.

SHARUNG SHAYAWT 1:18

“Rai ti mung, dai Madu gaw ding hpring nga ai, ngai mahtang shi a ga n madat kau nngai. Shara shagu hkan nga ai amyu masha ni e, nye a ga madat mu; nye a nchyi nmu hpe mada yu mu. Nye a shabrang ni hte mahkawn ni mung bawng rim hkrum mat wa manu ai.

SHARUNG SHAYAWT 2:11

Nye a myi ni gaw hkrap ngu hkrap ngoi hte hki ba nga ai; nye a wenyi nchyi nmu hkrum nga ai. Ngai gaw nye a amyu masha ni a hten byak ai yawn hkyen lam hte atsu atsa nga nga nngai. Ma kaji ni hte ma chyangai ni mung mare nmaw lam hkan e malap mali ndum ndam rai ma ai.

SHARUNG SHAYAWT 2:21

Shabrang ni hte numsha ni n nga nmaw lam hkan e si kadawng taw nga ma ai, Shabrang ni hte numsha ni mung gumlau hpyen wa a nhtu ni hte sat kau hkrum nga masai. Na a pawt sindawng ai shani e, shanhte hpe matsan n dum ai sha, nang htau sat kau nit dai.

SHARUNG SHAYAWT 3:50

Dai Madu anhte hpe sumsing lamu kaw nna gum yu nhtawm anhte hpe mu mada ai aten du hkra rai nga ai.

SHARUNG SHAYAWT 3:52

“Ngai hpe mara kata n dawng ai gumlau hpyen ni a majaw, u hpe zawn ngai mahkam hkam hkrum nga nngai.

SHARUNG SHAYAWT 5:11

Anhte a madu jan ni gaw Ziun Bum ntsa hta nan roi rip hkrum manu ai; Yuda mung kahtawng shagu hta nga ai anhte a shayi sha ni mung adip arip rai woi yup kau hkrum nga masai.