SHARUNG SHAYAWT 3:39 - Jinghpaw Common Language Bible 2009

³⁹ Anhte a shut hpyit kau ai yubak a matu anhte ari hkrum nga ga yang, hpa majaw aput angun nga nna tsun ang nga ga ni?

Jinghpaw Hanson Version Bible

³⁹ Asak hkrung ai wa gaw, hpa majaw put ngun nga a ni? masha wa gaw tinang a yubak majaw, put ngun nga u ga.

SHARUNG SHAYAWT 3:39 ပူးပေါင်းရင်းမြစ်များ

2 HKAWHKAM 3:13

Elisha gaw Israela hkawhkam wa hpe, “Nanhte hpe ngai hpa lam a majaw karum ang na rai nga a ta? Nanhte a kanu kawa ni san san re ai myihtoi ni kaw mahtang sa san la masu,” ngu nna tsun wu ai. Yoram gaw, “N rai law, hkawhkam masum ngu ai anhte hpe Moba hkawhkam a daru magam n-gun lata de ap kaw nga ai gaw dai Madu rai nga ai,” ngu nna tsun htang wu ai.

2 HKAWHKAM 6:32

Shing rai Elisha hpe sa woi wa na matu, kasa langai mi hpe shangun dat wu ai. Dai aten hta Elisha gaw shi kaw sa chyai ai myit su salang nkau mi hte rau shi a nta e nga nga wu ai. Hkawhkam wa a kasa garai n du shang wa ai aten hta Elisha gaw myit su salang ni hpe, “Dai masha sat ai wa gaw ngai hpe sat kau na matu marai langai ngai hpe shangun dat nga ai! Ya chyawm gaw nang e shi du nga sai rai nna shi hpe n shang shangun lu hkra chyinghka la kau mu. Hkawhkam wa nan shi a shingdu e hkan nang nga ai,” ngu nna tsun wu ai.

2 HKAWHKAM 6:33

Shi gaw dai lam hpe ayak ahkak rai tsun shakre nga yang, hkawhkam wa du shang wa nhtawm, “Dai Madu gaw anhte a ntsa e ndai ru yak tsin-yam tsindam shapraw dat nu hka! Lama mi galaw na matu hpa majaw shi hpe naw ala nga ang na rai ta?,” ngu nna tsun wu ai.

EZRA 9:13

Anhte a Karai Kasang e, Anhte hta byin hkrum hkra sai lam magup a yubak hte galaw shut kau sai amu ni a matu ari hkrum sha nga ga tim pyi, nang gaw anhte hkam la ging ai mara daram nang ari n jaw ai sha, hkrung nga na ahkang jaw ya nga ndai.

YOBA 11:6

Hpaji byeng-ya chye lu na matu lam maga law law nga ai mung, shinggyim masha a machye machyang a matu nau sung ai amu ni nga nga ai lam mung, shi nang hpe tsun dan na wu ai. Nang hkam la ging ai mara hta shayawm nna, Karai Kasang nang hpe ari jaw nga ai.

YOBA 15:13

Nang gaw Karai Kasang hpe masin pawt nna, shi hpe jahpoi nga ndai.

SHAKAWN KUNGDAWN 107:17

Shanhte galaw ai yubak ni a majaw masha nkau mi angawk nga ma ai; shanhte galaw ai n hkru n hkra lam ni a majaw, nkau mi nchyi nmu hkrum sha nga ma ai.

GA SHAGAWP 19:3

Masha nkau mi shanhte hkum nan a angawk angak ai amu ni a majaw, jahten sharun la nga ma ai; shaloi, dai Madu hpe mara shagun nga ai.

ESAIA 51:20

Nmaw lam jut shagu hta na a amyu masha ni n-gun kya ai hte taw nga ma ai; shanhte gaw jaugawng wa a sumgawn hta rim hkrum ai shannga zawn rai ma ai. Shanhte gaw Karai Kasang a sindawng kahtet ai n-gun hpe hkam sha manu ai.

YEREMIA 10:19

Yerusalem amyu masha ni gaw, “Anhte machyi hkrum ai hkala nba gaw kade wa sawng nga a hka! Anhte a nma ni tsi shamai lu na ra ai n rai. Ndai hkrum ai ari hpe lam lama ma hku nna anhte hkam lu na ga ai ngu, anhte myit nawn nga ga ai!

YEREMIA 30:15

Nanhte a machyi nma ni hte seng nna hpa mung aput angun hkum rai myit; nanhte a matu tsi tsi ya na hpa mung n nga nga ai. Nanhte a yubak mara ni law nga ai hte nanhte galaw ai n hkru ai amu kaba nga malit dai majaw, dai zawn ngai nanhte hpe ari jaw nngai.

SHARUNG SHAYAWT 3:22

Dai Madu a n htum n wai ai tsaw ra myit hte matsan dum ai gaw ya du hkra matut manoi rai nga ai,

JAW JAU 26:41

ngai hte nhtan shai shangun sai majaw shanhte a gumlau hpyen ni a mung de sa kau dat ai hpe shanhte yin la na mara ai. Hpang jahtum e, nanhte a amyu matu ni shagrit shanem ai hte shanhte a yubak mara hte gumlau ai amu a ari hpe hkam la ai shaloi,

JAW JAU 26:43

Shawng nnan e, dai mung na amyu masha ni hpe yeng seng kau ai hpang sha, tsep kawp bansa lu ai hte kabu gara lu na ra ai, shanhte gaw nye a tara hte hkang da ai ga ni hpe ningdang kau nga masai majaw ari hpring hkra hkrum sha ai lam hpe yin la lu na rai ma ai.

MIHKA 7:9

Anhte gaw dai Madu hpe shut hpyit kau saga ai majaw, ya anhte shi a masin kahtet ai hpe aten ladaw langai mi a matu hkam sharang ra nga ga ai. Rai ti mung, jahtum na aten hta, shi gaw anhte hpe makawp maga la na ra ai; anhte shut hpyit kau sai lam ni hpe shajaw ya na ra ai. Shi gaw anhte hpe nhtoi de shapraw dat na ra ai, anhte gaw shi anhte hpe hkye hkrang la na ra ai hpe mu lu na ga ai.

BU HKAWM 11:11

ndai zawn grai yak hkra galaw n ta? Nang ngai hpe hpa majaw n ra sharawng n ni? Ndai amyu masha ni yawng hte seng ai lit hpa majaw ngai hpe shagun da wu ni?

BU HKAWM 16:41

Hpang shani e, shawa hpung ting gaw Mawshe yan Arun hpe aput let, “Nan gaw dai Madu a amyu masha nkau mi hpe sat kau manit dai,” ngu nna deng ma ai.

BU HKAWM 17:12

Israela amyu masha ni mung Mawshe hpe, “Yu u, dai gaw anhte a matu jahtum rai nga sai!

SHINGRAN 16:9

Dai rai nna masha ni gaw, ja la ai kang kahtet ai hte hkru jahkat kau ai hkrum nna, ana zinli ni hpe up madu ai Karai Kasang a mying nsang hpe matsa shatan ma ai. Rai ti mung shanhte gaw, myit malai mung n lu, Karai Kasang a grau htum ai hpung shingkang hpe mung n shakawn shagrau ma ai.