SHARUNG SHAYAWT 3:34 - Jinghpaw Common Language Bible 2009

³⁴ Anhte a wenyi ni bawng dung hkrum nna agrawp mani kau hkrum ai shaloi, dai Madu chye nga ai.

Jinghpaw Hanson Version Bible

³⁴ Mungdan a bawng dung ai ni hpe, lagaw hte kabye anin kau na mung,

SHARUNG SHAYAWT 3:34 ပူးပေါင်းရင်းမြစ်များ

SHAKAWN KUNGDAWN 102:20

Shi gaw bawng dung ai ni a madai ai nsen hpe na ya nna; si na matu, daw dan hkrum nga ai ni hpe shalawt dat nga ai.

SHAKAWN KUNGDAWN 69:33

Dai Madu gaw ra kadawn nga ai ni a akyu hpyi ga ni hpe madat ya nga nna; bawng dung nga ai shi a amyu masha ni hpe n malap kau nga ai.

SHAKAWN KUNGDAWN 79:11

Bawng dung masha ni a madai ai nsen ni hpe madat ya u; si ari daw dan hkrum nga ai ni hpe, na a kaba la ai daru magam n-gun hte shalawt dat u.

ESAIA 14:17

Mare ni hpe jahten sharun kau nna mungkan ga hpe nam mali shatai kau ai gaw ndai masha wa rai nga a ni? Bawng dung masha ni hpe galoi mung n dat hkraw ai hte shanhte hpe nta de n wa shangun ai wa gaw ndai masha wa rai nga a ni?,” ngu nna san ma ai.

ESAIA 49:9

Ngai gaw bawng dung ai masha ni hpe, ‘Ndut ndang pru wa manu!,’ ngu nna mung, nsin kata e rawng nga ai ni hpe, ‘Nhtoi de pru wa marit!,’ ngu nna mung tsun na nngai. Shanhte gaw kawng ni hkan ushat sha nga ai sagu ni zawn tai na mara ai,

YEREMIA 50:17

Dai Madu gaw, “Israela amyu masha ni gaw hkanghkyi ni e shachyut jahtaw kau dat ai sagu ni zawn rai ma ai. Shanhte gaw shawng nnan e Asuri hkawseng wa htim gasat ai hkrum ma ai; dai hpang Babelon Hkawhkam Nebuhkadneza gaw shanhte a nrut nra ni hpe makrut sha kau nu ai.

SHARUNG SHAYAWT 3:33

Shi gaw anhte hpe yawn hkyen ai hte nchyi nmu re ai amu byin shangun na matu awng sharawng ai n rai.

SHARUNG SHAYAWT 3:35

Shi jaw ya ai ahkaw ahkang hpe anhte ndang kau nga ai hpe shi chye nga ai.