SHARUNG SHAYAWT 3:30 - Jinghpaw Common Language Bible 2009

³⁰ Kayat hkrum nna n kaw n law roi hkrum ti mung, anhte gaw dai lam yawng mayawng hpe hkam la na ang nga ga ai.

Jinghpaw Hanson Version Bible

³⁰ Tinang a shabyi kayat ai wa hpe ja ya nna, shatan nhkan hte shi hpring chyat nga u ga.

SHARUNG SHAYAWT 3:30 ပူးပေါင်းရင်းမြစ်များ

YOBA 16:10

Masha ni ngai hpe yu ashu ma ai; shanhte ngai hpe wang shinggrup da let, nye a myi man bye ya ma ai.

YOBA 30:10

Shanhte gaw ngai hpe matsat ma ai; shanhte gaw nye a matu nau pyi kaja nga ga ai nga nna myit nawn da ma ai; shanhte gaw ngai kaw sa nna nye a myi man hpe mayen mahtaw bun ma ai.

SHAKAWN KUNGDAWN 123:3

Madu e, anhte hpe matsan dum la mi, anhte hpe matsan dum la mi law! Anhte gaw n kaw n law re ai hte kaya kahpa nau wa hkrum sha nga saga ai.

SHAKAWN KUNGDAWN 69:20

N kaw n law re ai lam ni gaw nye a myit masin hpe gawng sharun ya nga ai majaw, ngai myit htum nga nngai. Matsan dum la na masha hpe ngai myit mada yu ni ai, rai ti mung, langai mi mung n nga nga ai; myit shalan shabran ya na matu mung, kadai hpe mung ngai n mu lu nngai.

SHAKAWN KUNGDAWN 69:9

Na a Htingnu hta nye a myit manoi ai nja nhpra myit gaw wan zawn, nye a myit masin hta grung nga li ai. Nang hpe shatan nhkan tsun ai ga ni gaw nye a ntsa e mara nga ai.

ESAIA 50:6

Ngai hpe kayat ai ni hpe nye a shingma shakrin ja ya nngai. Shanhte ngai hpe n kaw n law di nna, nye a nhka mun ni hpe gang baw ai hte nye a myi man hpe mayen mahtaw bun ai shaloi, ngai shanhte hpe jahkring we ai n rai.

MIHKA 5:1

Yerusalem masha ni e, na a hpyen n-gun ni hpe mahkawng da u! Anhte gaw wang da ai hkrum nga saga ai! Shanhte gaw Israela a ningbaw wa hpe gasat nga ma ai.

MAHTE 26:67

Shaloi shanhte gaw shi a myi man hpe mayen mahtaw bun ai hte shi hpe htwi mu ai. Nkau mi shi hpe kahpret nna,

MAHTE 5:39

Rai ti mung ya, ngai mahtang nanhte hpe tsun made ga, nanhte hpe shut ai masha langai ngai hpe hpa mung hkum tai mu; na a hkra shabyi bye ya ai wa hpe pai shabyi naw ja ya u.

LUKA 6:29

Nanhte a shabyi maga mi bye ya ai wa hpe, maga mi naw ja ya u; na a ntsa palawng la kau ya ai wa hpe na a palawng mung hkum ndang u.

2 KORINHTU 11:20

Nanhte gaw, nanhte hpe reng sha ai ni, nanhte a ntsa e ahkaw ahkang la ai ni, nanhte hpe mahkam hte rim la ai ni, nanhte hpe yu kaji ai ni, nanhte a myi man kahpret ya ai ni kadai hpe mung nanhte hkam mana nga myit dai.