SHARUNG SHAYAWT 3:3 - Jinghpaw Common Language Bible 2009

³ Matsan dum myit n rawng ai sha, ngai hpe lang hte lang kayat adup da nga ai.

Jinghpaw Hanson Version Bible

³ Gaja wa shi a lata, ngai hpe shani tup, atit anang ari jaw nga ai.

SHARUNG SHAYAWT 3:3 ပူးပေါင်းရင်းမြစ်များ

YOBA 16:12

Ngai gaw ngwi pyaw sim sa ai hte nga nga nngai, rai ti mung Karai Kasang gaw nye du magra jum da let ngai hpe adup ai hte agrawp mani kau nga sai. Karai Kasang gaw ngai hpe shingte shaman shara shatai na matu lang ai rai nna,

YOBA 19:21

Nanhte gaw nye a manang ni rai nga myit dai! Ngai hpe matsan yu dum la mi law! Karai Kasang a lata hte ngai hpe kayat kadang tawn nu ai.

YOBA 31:21

Ngai gaw jahkrai ma hpe masu hkalem kau nna, tara rung e dara dang kau lu ai hpe chye ai rai yang,

YOBA 6:4

Chyahtum Chyalai N-gun Rawng Ai Karai Kasang gaw ngai hpe pala ni hte gap jung nna, dai ni a agung gaw nye a hkum kata de tsim shang wa ai. Karai Kasang gaw ngai hpe ninghkap na matu hkrit hpa lam ni hpe dingren da nu ai.

SHAKAWN KUNGDAWN 38:2

Na a pala ni a jaw e, ngai hta nma kap nga nna nang ngai hpe adup kadawng tawn nga ndai.

ESAIA 1:25

Ngai gaw nanhte hpe jeyang na nngai. Ngai gaw nanhte hpe nhprang arai jen kau ai zawn jasan shapra na made ai, nanhte a n san n seng ai lam yawng hpe seng kau ya na we ai.

ESAIA 5:25

Dai Madu gaw shi a amyu masha ni hpe masin pawt nga ai, shanhte hpe ari jaw na matu shi a lata ladawn da nu ai. Bum ni gari ashun wa nna si mang ni mare lam nmaw hkan e shanut shanaw zawn jawng nga na mara ai. Dai rai tim pyi, dai Madu a masin kahtet ai gaw kawp mat na n rai, rai ti mung shi a lata gaw ari jaw na matu naw ladawn da na ra ai.

ESAIA 63:10

rai ti mung, shanhte gaw shi hpe gumlau nna shi a chyoi pra ai wenyi hpe yawn shangun ma ai. Dai rai nna dai Madu gaw shanhte a gumlau tai mat nhtawm shanhte hpe gasat wu ai.

TARA JAHPRANG 29:20

Dai Madu gaw dai zawn re ai wa hpe mara dat ya na wu ai n rai; shing rai na malai, dai Madu a hkru nga ai pawt sindawng ai gaw shi a ntsa e grung nga nhtawm dai Madu shi hpe tsep kawp shamyit kau ai aten du hkra, ndai laika hta ka matsing da ai tsin-yam tsindam yawng mayawng shi a ntsa e ru bun na wu ai.