SHARUNG SHAYAWT 3:29 - Jinghpaw Common Language Bible 2009

²⁹ Myit mada shara naw nga ang ai majaw anhte gaw hkungga lara ai hte dingnyawm na ang nga ga ai.

Jinghpaw Hanson Version Bible

²⁹ Myit mada shara nga nhten, nga nna tinang a n-gup hpe ga nhpu hta amawp u ga.

SHARUNG SHAYAWT 3:29 ပူးပေါင်းရင်းမြစ်များ

2 HKAWHKAM LABAU 33:12

Shi nni nkri hkrum wu ai majaw shagrit shanem ai myit hte dai Madu shi a Karai Kasang hpang de kayin wa nhtawm hpyi nem wu ai.

YOBA 16:15

Lachyit sumpan hte galaw ai hpun nba ni bu hpun let ngai yawn madai nngai; ndai yang e, sum kadawng ai myi man hte ga nhpu hta dung nga nngai.

YEREMIA 31:17

Du na ra ai aten hta na a matu myit mada shara nga nga ai; na a nshu nsha ni gaw dum nta de bai wa na mara ai. Dai Madu ngai nan tsun ni ai.

EZEKELA 16:63

Ngai gaw nang galaw yu sai shut hpyit amu mahkra hpe mara dat ya na nngai, rai ti mung, nang gaw dai lam ni hpe myit dum wa nna na a n-gup hpaw na matu, ja ja kaya bu na ndai.” Tsaw Htum ai dai Madu tsun nu ai.

YOELA 2:14

Dai Madu nanhte a Karai Kasang gaw shi a myit chye galai ai hte nanhte hpe ndaw nhta re ai nsi naisi ni shaman ya na ra a dawng. Dai hpang, nanhte shi hpe nsi naisi hte sabyi ntsin nawng ya lu na myit dai.

YONA 3:9

Karai Kasang gaw shi a myit galai kau nna pawt bu ai lam jahkring kau ai rai yang, anhte n si dam nhten!”

ZEHPANI 2:3

Dai Madu a hkang da ai ga matsun ni hpe madat mara let dai lamu ga na shagrit shanem ai amyu masha nlang hte e, Madu hpang de kayin wa marit. Teng man ai amu galaw mu, Dai Madu a man e nanhte hkum hpe shagrit shanem mu. Shi a masin kahtet ai hpe madun dan nna ari jaw na nhtoi kaw na nanhte mahkoi lawt wa lu na rai myit dai.

LUKA 18:13

“Rai ti mung kang hta ai wa gaw, tsawmra tsan ai kaw tsap nna, lamu de pyi n wam mada ai, shi a sinda adup let, ‘Karai Kasang e, ndai yubak kap ai wa langai mi rai nga ai ngai hpe matsan dum la rit law!,’ ngu nna hpyi wu ai.

ROMA 3:19

Dai jep ai Tara hta rawng ai hkang da ai lam shagu gaw jep ai Tara a npu e nga ai ni a matu rai nga ai hpe ya anhte chye saga ai; ndai hku byin wa ai lam gaw masha a tsun jahpai ai ga ni yawng hpe jahkring sha-ip kau shangun na hte mungkan ting gaw Karai Kasang jeyang daw dan ai hpe hkam la shangun na matu rai nga ai.