SHARUNG SHAYAWT 3:24 - Jinghpaw Common Language Bible 2009

²⁴ Ngai lu ai arai yawng mayawng dai Madu rai nga ai, dai rai nna shi hpe ngai myit mada nngai.

Jinghpaw Hanson Version Bible

²⁴ Yehowa nye a kumhtaw rai nga ai, nga nna nye a myit masin tsun lu ai majaw, shi hta ngai myit mada nga nngai.

SHARUNG SHAYAWT 3:24 ပူးပေါင်းရင်းမြစ်များ

1 HKAWHKAM LABAU 5:20

Shanhte gaw Karai Kasang hpe kam hpa nga ma ai hte karum la na matu shi kaw akyu hpyi nga ma ai majaw shanhte a akyu hpyi ga ni hpe Karai Kasang htan ya nga ai. Hagari masha ni hte shi a jinghku hpyen hpung ni hpe dang kau lu na awng padang shi shanhte hpe jaw ya mu ai.

YOBA 13:15

Karai kasang ngai hpe sat ai rai yang, myit mada shara mahkra n nga mat na n rai ni? ngai gaw nye a amu hpe shi a man e tsun dan na nngai.

YOBA 22:25

Chyahtum Chyalai N-gun Rawng Ai Karai Kasang gaw na a ja tai nga u ga; shi hpe na a gumhpraw sumpum shatai u.

SHAKAWN KUNGDAWN 119:57

Madu e, ngai ra sharawng ai lam yawng mayawng gaw nang rai nga ndai; na a tara ni hpe madat mara hkan sa lu na matu, ngai ga sadi jaw nga nngai.

SHAKAWN KUNGDAWN 130:7

Israela e, shi a tsaw ra myit gaw dinggrin anga nga ai hte; shi anhte hpe hkye hkrang la na matu, tut nawng e, ra sharawng nga ai majaw, dai Madu hta kam hpa nga mu.

SHAKAWN KUNGDAWN 142:5

Madu e, karum la na matu, ngai nang hpe jahtau nga nngai; Madu e, nang gaw ngai hpe makawp maga ai wa rai nga ndai; ndai asak hkrun lam hta, ngai ra ai lam yawng mayawng mung nang rai nga ndai.

SHAKAWN KUNGDAWN 16:5

Madu e, ngai lu ai arai yawng mayawng hte gaw na a rai nga ai. nang gaw ngai hta ra kadawn ai lam yawng mayawng hpe mung jaw ya nga ndai; du na ra ai nye a aten ni gaw na a lata hta rai nga ai.

SHAKAWN KUNGDAWN 31:24

Madu hta myit mada nga ai ni yawng hte e, n-gun shaja nna, nden marai rawng nga mu.

SHAKAWN KUNGDAWN 33:18

Dai Madu gaw shi hpe hkrit hkungga ai ni hte shi a dinggrin tsaw ra myit hpe kam hpa nga ai ni hpe, sin yu nga ai.

SHAKAWN KUNGDAWN 42:11

Ngai hpa majaw nde wa myit n pyaw nga nngai kun? Ngai hpa majaw nde wa ru tsang hkrum nga nngai kun? Ngai gaw Karai Kasang hpe myit mada nga let, nye a hkye la Madu hte nye a Karai Kasang hpe kalang mi bai shakawn na ring ngai.

SHAKAWN KUNGDAWN 42:5

Ngai hpa majaw nde wa myit n pyaw nga nngai kun? Ngai hpa majaw nde wa ru tsang hkrum nga nngai kun? Ngai gaw Karai Kasang hta myit mada nga let, nye a hkye la Madu hte nye a Karai Kasang hpe kalang mi bai, shakawn na ring ngai.

SHAKAWN KUNGDAWN 43:5

Ngai hpa majaw nde wa myit n pyaw nga nngai kun? Ngai hpa majaw nde wa ru tsang hkrum nga nngai kun? Ngai gaw Karai Kasang hta myit mada nga let, nye a hkye la Madu hte nye a Karai Kasang hpe kalang mi bai ngai shakawn na ring ngai.

SHAKAWN KUNGDAWN 62:8

Nye a amyu masha ni e, aten shagu Karai Kasang hpe kam hpa nga mu. Shi gaw anhte a shingbyi shara rai nga ai, nanhte a ru tsang lam yawng mayawng shi hpe tsun dan mu.

SHAKAWN KUNGDAWN 71:14

Nang hta ngai galoi mung myit mada nga nngai; shing rai, nang hpe grau grau nna ngai shakawn na nngai.

SHAKAWN KUNGDAWN 73:26

Nye a myit masin hte hkum hkrang n-gun ni yawm mat wa tim; Karai Kasang gaw nye a n-gun rai nga ai. Ngai hta ra kadawn ai lam yawng mayawng gaw shi rai nga ai.

SHAKAWN KUNGDAWN 84:12

Chyahtum Chyalai n-gun rawng ai Madu e, nang hpe kam hpa nga ai ni gaw kade wa a lu nga ma hka!

SHAKAWN KUNGDAWN 94:19

Ngai myit ru myit tsang hkrum hkra nga ai shaloi; nang ngai hpe shalan shabran ai hte kabu gara shangun nga ndai.

YEREMIA 10:16

Yaku a Karai Kasang chyawm gaw shanhte hte n bung nga ai; shi gaw yawng mayawng hpe hpan da ai wa rai nna, Israela hpe shi a amyu masha majing shatai na matu lata la nu ai. Chyahtum Chyalai N-gun Rawng ai dai Madu gaw shi a mying nsang rai nga ai.

YEREMIA 51:19

Yaku a Karai Kasang gaw shanhte hte bung ai n rai; shi gaw ngayawng danghta hpe hpan da ai wa rai nna, shi gaw Israela hpe shi a amyu tai na lata la nu ai. Chyahtum Chyalai N-gun rawng ai dai Madu gaw shi a amying rai nga ai.

SHARUNG SHAYAWT 3:21

Ti mung, dai lam langai mi hpe ngai dum wa ai shaloi, myit mada lam bai lu la nga nngai.

MIHKA 7:7

Rai ti mung ngai gaw dai Madu hpe azi yu nga na nngai; ngai hpe hkye hkrang la ai Karai Kasang hpe kamhpa ai hte ngai ala nga na nngai. Nye a Karai Kasang gaw nye a ga madat ya na ra ai.

ROMA 15:12

Bai Esaia gaw, “Yese a aru arat langai mi paw pru na ra ai, maigan amyu ni hpe up na matu Karai Kasang gaw shi hpe paw pru shangun na rai nna, Maigan amyu ni dai wa hta myit mada kam hpa nga na mara ai,” nga ai.

TARA JAHPRANG 18:2

Shanhte gaw kaga amyu bawsang ni zawn lamu ga sali lu madu la lu na mu ai n rai. Shanhte lu la ai kumhtaw gaw dai Madu ga sadi tawn da nu ai hte maren, dai Madu a hkinjawng tai na ahkaw ahkang sha lu nga ma ai.

1 PETRU 1:21

Madu Yesu hpe si ai kaw na bai hkrung sharawt la nna hpung shingkang ap ya hkrum ai wa a marang e, nanhte Karai Kasang hpe kam sham nga manit dai; shing rai nanhte a makam masham hte myit mada ai lam gaw, Karai Kasang hta jung noi nga ai.

1 SAMUELA 30:6

Dawi a masha ni gaw shanhte a kashu kasha ni mat mat nna shanhte yawng ahkup ahka nga ai hte shi hpe nlung hte kabai sat na nga jahkrit sharim ma ai majaw, dai aten hta Dawi gaw ru tsang kaba hkrum sha nga wu ai; rai ti mung dai Madu shi a Karai Kasang mung shi hpe nden marai jaw ya wu ai.